Proverbios 10:6 - Chol: I T’an Dios

⁶ Mi' taj i yutslel i t'an jini toj bʌ, pero mach mejlic i letsan i t'an xjontolil ame tsictiyic i jontolil.

Chol de Tumbalá Bible

⁶ Mi' taj i yutslel i t'an jini toj bʌ, pero mach mejlic i letsan i t'an xjontolil ame tsictiyic i jontolil.

Proverbios 10:6 Iomraidhean Croise

Deuteronomio 28:2

Mi caj a taj pejtel ili bendición, mi xuc'ul ma' ch'ujbiben i t'an lac Yum Dios: Uts'at mi caj a wajñel ila ti tejclum, yic'ot ti a lum. Uts'at mi caj i p'ojlelob a walobilob, yic'ot i wut a pʌc'ʌb, yic'ot i yal pejtelel a wʌlac', wacax yic'ot tiñʌme'. Uts'at pejtel mu' bʌ a wʌc' ti a chiquib, yic'ot jini mu' bʌ a juch' cha'an ma' c'ux. Uts'at chuqui mi caj a taj che' ma' loq'uel ti a we'tel yic'ot che' ma' cha' ochel.

Proverbios 28:20

Jini toj bʌ mi caj i yutsi taj i wenlel, pero jini mu' bʌ i bʌc' otsan i bʌ ti rico mi caj i toj i mul.

Proverbios 24:25

Tijicña mi' yajñelob jini mu' bʌ i tic'ob am bʌ i mul. Mi caj i tajob uts bʌ t'an. Mi caj i wen chumtʌlob.

Proverbios 10:11

Lajalʌch i yej jini toj bʌ bajche' i loq'uib ja' ba' ch'oyol laj cuxtʌlel, pero jini xjontolil mi' cha'len lot cha'an mi' muc i jontolil.

Job 29:13

Tsaj colta jini colel bʌ i chʌmel. Tsac ñuq'uesʌbe i pusic'al meba' x'ixic. Tsa' cajiyob ti c'ay cha'an tijicñayob i pusic'al.

Romanos 3:19

La cujil an ti' wenta jini mu' bʌ i yubiñob mandar cha'an mi' jac'ob ti pejtelel. Aq'uebilob cha'an mi' ñʌjch'elob yic'ot pejtel winicob x'ixicob ti pañimil che' mi' melob i bʌ ti' tojlel Dios.

Proverbios 11:26

Jini mu' bʌ i bajñel lot i yixim mux i taj i p'ajol ti winicob x'ixicob. Jini mu' bʌ i chon mi caj i taj uts bʌ t'an.

Salmos 107:42

Jini tojo' bʌ winicob mi' caj i lu' ña'tañob iliyi. Mi' caj i ñuc'añob i pusic'al. Pejtelel mu' bʌ i cha'leñob jontolil mi caj i yubiñob quisin.

Ester 7:8

Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Proverbios 10:5

Añʌch i pusic'al ch'iton mu' bʌ i cha'len c'ajbal che' i yorajlelix. Jini buchul bʌ ti' yorajlel c'ajbal mi' yʌc' ti quisin i tat.

Abdias 1:10

Mi caj la' cha'len quisin cha'an jontol tsa' la' tic'la la' wijts'in Jacob. Mi caj la' junyajlel jisʌntel.

Proverbios 3:33

Mi' caj ti jilel i tijicñʌyel jini xjontolil yic'ot i tijicñʌyel i p'olbal cha'an ti' t'an lac Yum, pero cha'an ti' t'an lac Yum mi' caj ti p'ojlel i tijicñʌyel jini toj bʌ yic'ot i p'olbal.

Isaias 3:10

Pero uts'at mi caj i loq'uel pejtel chuqui mi' mel jini xuc'ul bʌ winic. Suben mi caj i taj i chobejtʌbal cha'an uts'at i melbal.