Proverbios 10:3 - Chol: I T’an Dios

³ Lac Yum mi' p'untan jini toj bʌ. Ma'anic mi' yʌq'uen i yubin wi'ñal. Pero mi' choc majlel jini xjontolilob yic'ot i wo'lel.

Chol de Tumbalá Bible

³ Lac Yum mi' p'untan jini toj bʌ. Ma'anic mi' yʌq'uen i yubin wi'ñal. Pero mi' choc majlel jini xjontolilob yic'ot i wo'lel.

Proverbios 10:3 Iomraidhean Croise

Job 15:23

Mi' lon sʌclan i bʌl i ñʌc'. ¿Baqui mi caj i taj? Wolix i lʌc'tiyel i yorajlel wocol che' mi' cajel ti ochel ti ic'ch'ipan bʌ pañimil.

Job 20:28

Mi' caj ti jejmel i yotot yic'ot pejtel i bʌl. Mi caj i wejts'el majlel che' bajche' but'ja' ti' yorajlel i mich'lel Dios.

Job 5:20

Mi caj i cʌntañet che' ti' yorajlel wi'ñal ame chʌmiquet. Mi caj i cʌntañet che' ti' yorajlel guerra ame jejq'uiquet ti espada.

Salmos 10:14

Tsa'ix a q'uele, come ma' wotsan ti a pusic'al jini wocol yic'ot c'oj'ol cha'an ma' q'uextan. Jini p'ump'un bʌ mi yʌc' i bʌ ti a wenta. Xcoltayajet i cha'an meba' alʌlob.

Salmos 112:10

Jini xjontolil mi caj i mel i pusic'al che' mi' q'uel. Mich' mi caj i q'uel, tsʌytsʌña jax i pusic'al, pero mi caj i sʌc jilel. Jini jontolo' bʌ ma'anic mi caj i tajob chuqui tac yomob.

Salmos 33:19

Lac Yum mi caj i coltañob ti' yutslel. Ma'anic mi caj i yʌc'ob ti chʌmel. Mi caj i cʌntañob ti' yorajlel wi'ñal.

Salmos 37:19

Ma'anic mi caj i yubiñob quisin ti' yorajlel wocol. Jasʌl mi caj i c'uxob waj che' ti' yorajlel wi'ñal.

Salmos 37:25

Ch'itoñon to wajali. Wʌle ñoxonix. C'ʌlʌl wʌle ma'anic q'uelel c cha'an juntiquil toj bʌ tsa' bʌ chojqui. I yalobilob ja'el ma'anic mi' c'ajtiñob ñumel i bʌl i ñʌc'.

Salmos 37:3

Ñopo lac Yum, mele chuqui uts'at. Che' jini xuc'ul mi caj a chumtʌl ti jini lum.

Proverbios 13:25

Jasʌl mi' c'uxob i bʌl i ñʌc' jini tojo' bʌ, pero mux i yubiñob wi'ñal jini sajtemo' bʌ.

Proverbios 14:32

Jini xjontolilob mi caj i chojquelob cha'an i jontolil, pero anto i pijtaya jini tojo' bʌ che' mi' chʌmelob.

Proverbios 28:25

Jini am bʌ i chʌclel mi' tech a'leya. Jini mu' bʌ i ñop lac Yum mi caj i taj i wenlel.

Proverbios 28:9

Jini mach bʌ anic mi' ñoj jac' i cʌntesʌntel mux i ts'a'libentel i yoración ja'el.

Isaias 33:16

Jini mi caj i chumtʌl ti' pam xajlel ya' ba' xuc'ul. Ya' mi caj i taj i coltʌntel. Mi caj i yʌq'uentel i bʌl i ñʌc' yic'ot i ya'al. Ma'anic chubʌ yom i cha'an, che'en.

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

Lucas 12:31

Jini cha'an sajcanla i yumʌntel Dios. Che' jini mi caj la' wʌq'uentel pejtelel chuqui tac yom.