Proverbios 1:5 - Chol: I T’an Dios

⁵ Ubinla jini t'an pejteletla anix bʌ la' pusic'al. Che' jini mux i yutsi p'ojlel la' ña'tʌbal. Jini weño' bʌ i ña'tʌbal mi caj i yotsañob ti' pusic'al i cʌntesʌntel

Chol de Tumbalá Bible

⁵ Ubinla jini t'an pejteletla anix bʌ la' pusic'al. Che' jini mux i yutsi p'ojlel la' ña'tʌbal. Jini weño' bʌ i ña'tʌbal mi caj i yotsañob ti' pusic'al i cʌntesʌntel

Proverbios 1:5 Iomraidhean Croise

2 Cronicas 25:16

Che' woli to ti t'an jini x'alt'an, Amasías tsi' jac'ʌ: ¿Tsa' ba wa'chocontiyet cha'an ma' toj'esañon? Ch'abix. ¿Mach ba a wujilic mi mejlel c tsʌnsañet? che'en. Jini x'alt'an tsi' cha' sube: Tsiquil che' jini lac Yum woli' ña'tan i jisañet, come leco jax bajche' tsa' mele. Ma'anic tsa' jac'ʌ c t'an, che'en.

Job 34:10

Jini cha'an ubinla c t'an, winicob año' bʌ la' pusic'al. Ti pejtelel ora ma'anic mi' wis cha'len mulil Dios. Jini P'ʌtʌl bʌ Mach bʌ Anic i P'isol i P'ʌtʌlel mach yujilic jontolil.

Job 34:16

Mi an a ña'tibal ubin jini. Ñich'tan chuqui wolic sub.

Job 34:34

Winicob año' bʌ i pusic'al mi caj i subeñon sojquem i jol Job. Majqui jach mi' ch'ʌmben isujm mi caj i yʌl mach cu anic i pusic'al.

Proverbios 12:1

Jini mu' bʌ i mulan i toj'esʌntel mi' mulan i cʌntesʌntel, pero ma'anic i ña'tʌbal yilal jini mu' bʌ i ts'a'len i tic'ol.

Proverbios 14:6

Jini xwajleya yom bʌ i taj wen bʌ i ña'tʌbal mach muq'uic i taj, pero jini uts bʌ i pusic'al mach wocolic mi' taj.

Proverbios 18:15

Jini mu' bʌ i ch'ʌmben isujm mi' yutsi taj i ña'tʌbal. Jini wen bʌ i pusic'al mi' wen jac' i cʌntesʌntel.

Proverbios 19:25

Ba' ora mi' ju'sʌbentel i pusic'al jini xwajleya mi' julel i pusic'al jini maxto bʌ cʌntesʌbilic. Ba' ora mi' tijq'uel jini wen bʌ i pusic'al mi' yutsi ch'ʌmben isujm.

Proverbios 21:11

Ba' ora mi' ju'sʌbentel i pusic'al xmulil, mux i q'uel jini maxto bʌ cʌntesʌbilic. Mux i julel i pusic'al. Subentel jach yom cha'an mi' melob chuqui wen jini weño' bʌ i pusic'al.

Proverbios 8:33

Ñich'tan la' cʌntesʌntel, taja la' ña'tʌbal. Mach la' ñusan la' cʌntesʌntel.

Proverbios 9:8

Mach a cʌntesan xwajleya ame ts'a'ic mi' q'uelet. Cʌntesan jini wen bʌ i pusic'al. Che' jini mi caj i c'uxbiñet.

Proverbios 9:9

Cʌntesan jini am bʌ i ña'tʌbal. Mux i yutsi p'ojlel i ña'tʌbal. Cʌntesan jini toj bʌ. Mux i taj cabʌl i pusic'al.

Eclesiastes 9:11

Anto chuqui tsaj q'uele ti yebal panchan. Mach jinic wen yujil bʌ ajñel mu' bʌ i c'otel ñaxan. Mach jinic wen p'ʌtʌl bʌ mu' bʌ i mʌjlel i cha'an. Mach cha'anic i ña'tibal mi' taj i bʌl i ñʌc' jini cabʌl bʌ i pusic'al. Jini wen yujil bʌ e'tel mach ti pejtelic ora mi' taj i ñuclel ti' wut i pi'ʌlob. An mu' bʌ i tajob, an mach bʌ i tajayobic. Tijicña jini am bʌ i coltʌntel ti pejtelel chuqui yom i taj.

1 Corintios 10:15

Che'ʌch mic pejcañetla, come mi la' ña'tan pañimil. Ña'tanla bajche' yom mi la' jac'.

Deuteronomio 4:6

Jini cha'an yom mi la' wen lot ti la' pusic'al. Yom ts'ʌcʌl mi la' jac'. Come jiñʌch la' ña'tʌbal yic'ot la' ch'ejlel ti' wutob jini año' bʌ ti pañimil. Che' mi yubiñob pejtelel jini t'an, mi caj i yʌlob: “Isujm cabʌl i pusic'al ili winicob, cabʌl i ña'tʌbal. Ñucob ili winicob”. Che'ʌch mi caj i yʌlob.