Proverbios 1:4 - Chol: I T’an Dios

⁴ La' i yubiñob jini maxto bʌ cʌntesʌbilobic cha'an mi' julelob i pusic'al. La' i p'isob ti' wenta jini ch'iton winicob cha'an mi' cʌntañob i bʌ.

Chol de Tumbalá Bible

⁴ La' i yubiñob jini maxto bʌ cʌntesʌbilobic cha'an mi' julelob i pusic'al. La' i p'isob ti' wenta jini ch'iton winicob cha'an mi' cʌntañob i bʌ.

Proverbios 1:4 Iomraidhean Croise

Salmos 116:6

Lac Yum mi' cʌntan jini p'ump'uño' bʌ. Che' an cabʌl c tic'lʌntel tsi' coltayon.

Salmos 119:130

Che' mi' tsictesʌntel a t'an ma' wʌq'ueñon lojon c ch'ʌmben isujm. Ma' wʌq'uen i ña'tan pañimil jini uts bʌ i pusic'al.

Salmos 119:9

¿Bajche' mi mejlel i cʌntan i bʌ cha'an sʌc mi' yajñel jini ch'iton winic? Mi' cʌntan i bʌ che' mi' jac' a t'an.

Salmos 19:7

Ma'anic i sajtemal i cʌntesʌbal lac Yum. Mi' p'ʌtesʌbeñonla lac pusic'al. Isujmʌch i t'an lac Yum, Mi' cʌntesan jini mach bʌ anic i pusic'al.

Salmos 34:11

La'la, calobilob, ubibeñonla c t'an. Mi caj j cʌntesañetla bajche' yom mi la' bʌc'ñan lac Yum.

Proverbios 3:21

Calobil, yom ma' wen ña'tan pañimil. Chʌn ña'tan bajche' yom ma' mel. Mach ñajʌyic c mandar ti a pusic'al.

Proverbios 8:12

Joñon mi cʌq'ueñetla wen bʌ la' ña'tʌbal. Añon ti' pusic'al jini mu' bʌ i wen ña'tan pañimil. Sajcan cabʌl a pusic'al, sajcan a toj'esʌntel. Mux a taj ti joñon.

Proverbios 8:17

Mij c'uxbin jini mu' bʌ i cha'leñob wersa i tajob wen bʌ i ña'tʌbal. Jini mu' bʌ i sajcañob wen bʌ i ña'tʌbal mi caj i tajob.

Proverbios 8:32

Jini cha'an wʌle, calobilob, ñich'tʌben i t'an Dios am bʌ wen bʌ i ña'tʌbal. Come an i coltʌntel jini mu' bʌ i tajob wen bʌ i ña'tʌbal.

Proverbios 8:5

Jatetla mach bʌ anic la' pusic'al yilal, ña'tanla bajche' yom mi la' mel ti pañimil. Jatetla tontojet bʌ la, yom mi la' wʌc' ti la' pusic'al chuqui uts'at.

Eclesiastes 11:9

Che' ch'itoñet to, la' ñuc'ac a pusic'al. Yom belel ora tijicñayet. Sʌclan majlel pejtel chuqui yom a pusic'al yic'ot pejtel chuqui ma' q'uel. Pero ña'tan ja'el, Dios mi caj i melet cha'an pejtel a melbal. Wersa mi caj a mel a bʌ yic'ot Dios.

Isaias 35:8

Ya'i mi caj i ñumel colem bij. Jini bij mi caj i yotsʌbentel i c'aba' Ch'ujul bʌ bij. Come ma'anic mi caj i xʌñob jini año' bʌ i mul. Lac Yum mi caj i cha'len xʌmbal a wic'ot ti jini bij. Ma'anic mi caj i chʌn sajtel jini mu' bʌ i cha'len xʌmbal ya'i anquese ma'anic i ña'tʌbal.

Deuteronomio 4:6

Jini cha'an yom mi la' wen lot ti la' pusic'al. Yom ts'ʌcʌl mi la' jac'. Come jiñʌch la' ña'tʌbal yic'ot la' ch'ejlel ti' wutob jini año' bʌ ti pañimil. Che' mi yubiñob pejtelel jini t'an, mi caj i yʌlob: “Isujm cabʌl i pusic'al ili winicob, cabʌl i ña'tʌbal. Ñucob ili winicob”. Che'ʌch mi caj i yʌlob.

2 Timoteo 2:22

Mach ma' jac'ben i colosojlel a pusic'al che' bajche' yambʌ ch'iton winicob. Tsajcan chuqui toj, yic'ot c'uxbiya, yic'ot i ñʌch'tʌlel a pusic'al. Chʌn ñopo Dios yic'ot pejtelel mu' bʌ i pejcañob lac Yum ti' sʌclelob i pusic'al.

Tito 2:6

Che' ja'el suben ch'iton winicob cha'an mi' ña'tañob pañimil.