Proverbios 1:12 - Chol: I T’an Dios

¹² La' lac bʌc' tsʌnsan ti mucul jach. Mi caj i lon ña'tañob i pi'ʌlob yilol jach tsa' chʌmiyob che' c'oc'ob to.

Chol de Tumbalá Bible

¹² La' lac bʌc' tsʌnsan ti mucul jach. Mi caj i lon ña'tañob i pi'ʌlob yilol jach tsa' chʌmiyob che' c'oc'ob to.

Proverbios 1:12 Iomraidhean Croise

Salmos 124:3

Tsi' junyajlel jisayonla cha'an cabʌl jax i mich'ajel.

Salmos 143:7

Jac'beñon ti ora, c Yum, come c'unix c pusic'al. Mach a mʌybeñon a wut, Ame lajalic mic sujtel bajche' jini mu' bʌ i jubelob ochel ti ch'en.

Salmos 28:1

C Yum, mic pejcañet. C Xajlelet ba' mic taj c xuc'tilel. Mach yomic ma' ñusʌbeñon c t'an ame chʌmicon.

Salmos 35:25

Ame mi' lon ña'tañob ti' pusic'al wolic yajlel che' bajche' yomob. Ame mi' yʌlob: Tsa'ix lac mʌlʌ, ame che'obic.

Salmos 5:9

Mach isujmic i t'an jini j contrajob. Yujilob jisaya. Wen tuw i t'an. Mi' pejcañoñob cha'an mi' chucon.

Salmos 57:3

Ya' ti panchan mi caj a chocbeñon tilel a wutslel yic'ot a sujmlel. Mi caj a coltañon Dios, ti' tojlel jini mu' bʌ i jop' t'an tij contra.

Proverbios 1:13

Mux lac chilbeñob pejtel letsem tac bʌ i tojol. Mux lac but' la cotot ti lac xujch'.

Jeremias 51:34

Jini israelob woli' yʌlob: Nabucodonosor, rey bʌ ti Babilonia, tsi' jisayonla. Tsi' teñeyonla ti' yoc yubil. Tsi' chilbeyonla pejtelel lac chubʌ'an. Tsi' jisa lac bʌc'tal che' bajche' jontol bʌ ts'i'. Che' jasʌlix i cha'an, tsi' chocoyonla loq'uel ti lac lumal.

Lamentaciones 2:16

Mi' wajleñetob la' contrajob. Mi' ts'a'leñetob. Tsa'ix lac jisayob, che'ob. Jal tsa' lac pijta ili q'uin. Tsa'ix juli wʌle. Tsa'ix laj q'uele i jilibal, che'ob.

Lamentaciones 2:5

Lac Yum i contrajʌch Israel. Tsi' laj jisa yic'ot ñuc bʌ i yotot tac yic'ot i ts'ajquil. Tsi' yʌc'ʌ ti wocol Judá, we'ecña ti uq'uel.

Romanos 3:13

Lajal i yej winicob bajche' i ti' mucoñibʌl. Mi' cha'leñob lot. An i venenojlel lucum ti' mal i yej.