Oseas 7:3 - Chol: I T’an Dios

³ Mi' ñuq'uesʌbeñob i pusic'al jini rey yic'ot i jontolil. Jini yumʌlob mi' mulañob lot.

Chol de Tumbalá Bible

³ Mi' ñuq'uesʌbeñob i pusic'al jini rey yic'ot i jontolil. Jini yumʌlob mi' mulañob lot.

Oseas 7:3 Iomraidhean Croise

1 Reyob 22:13

Jini winic tsa' bʌ c'oti i pʌy Micaías tsi' sube: Pejtel jini yambʌ x'alt'añob wen uts'at bajche' woliyob ti t'an ti' tojlel jini rey. Jini cha'an yom ma' laj a t'an yic'otob cha'an uts'at mi' q'uelet jini rey, che'en.

1 Reyob 22:6

I rey israelob tsa' caji i tempan jumbajc' x'alt'añob. Tsi' c'ajtibeyob: Subeñon mi yom mic majlel ti guerra ti' contra Ramot ti Galaad, o mi mach yomic, che'en. Jini payxo bʌ x'alt'añob tsi' jac'beyob: Yomcu ma' majlel, come lac Yum mi caj i yʌc' ti a c'ʌb, che'ob.

Jeremias 37:19

¿Baqui an jini x'alt'añob a cha'an tsa' bʌ i subeyet lot? Tsi' yʌlʌyob: “Mach talic jini rey chumul bʌ ti Babilonia. Ma'anic mi caj i contrajiñet ila ti a lumal”, lon che'ob.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Oseas 10:13

Pero mach che'ic tsa' mele, Efraín. Tsa' pʌc'ʌ jontolil. Jini cha'an wola' c'aj wocol. Mi caj a toj a mul cha'an tsa' ñopo lot. Tsa' lon ña'ta xuc'ulet cha'an cabʌl a soldadojob yic'ot cabʌl a we'tijib cha'an guerra.

Oseas 11:12

Xlotob jini israelob, cha'p'ejl jax i pusic'al, pero mi' chʌn bʌc'ñañoñob jini año' bʌ ti Judá. Chʌn xuc'ul mi' yajñelob yic'ot jini Ch'ujul Bʌ.

Oseas 4:2

La' wujil p'ajoñel, yic'ot lot, yic'ot tsʌnsa, yic'ot xujch', yic'ot la' ts'i'lel, yic'ot leto. Cabʌl mi la' cha'len tsʌnsa.

Oseas 5:11

Tsa'ix cʌc'ʌ c t'an cha'an mi' jisʌntel Efraín, come wen yujil tic'laya. Mach tojic mi' cha'len meloñel. Mi' yesman jini lolom tac bʌ.

Oseas 7:5

Che' ti' q'uinilel jini rey, jini yumʌlob mi' yʌc'añob yic'ot jini rey. Tonto mi' sujtelob. Mi' temob i t'an yic'ot jini mu' bʌ i wajleñob.

Miqueas 6:16

Tsa'ix la' jac'be i mandar Omri. Tsa'ix la' mele jontolil che' bajche' Acab. Jini cha'an mi caj c jisañetla. Mi caj cʌq'uetla ti tse'tʌntel. Mi caj la' wajlentel cha'an winicob ti pejtelel pañimil.

Miqueas 7:3

Wen bʌxob ti jontolil. Wen ñʌmʌlob ti mulil. Jini xmeloñelob yic'ot año' bʌ i ye'tel mi' wersa c'ajtiñob taq'uin ñumen bajche' yom. Jini wen chumulo' bʌ on mi' yʌq'ueñob taq'uin cha'an mi' tajob i coltʌntel ti jontolil. Che' jini mi' tem socob meloñel.

Romanos 1:32

Anquese ña'tʌbil i cha'añob tsa'ix i yʌc'ʌ mandar Dios cha'an mi' chʌmel jini mu' bʌ i mel bajche' jini, mi' chʌn melob. Mi' c'uxbiñob ja'el jini mu' bʌ i melob jontolil lajal bajche'ob.

1 Juan 4:5

Yaño' bʌ i cha'añobʌch pañimil. Jini cha'an i t'an jach pañimil mi' yʌlob. Jini i cha'año' bʌ pañimil mi' ñich'tʌbeñob i t'an.