Oseas 3:2 - Chol: I T’an Dios

² Jini cha'an tsac cha' mʌñʌ jini x'ixic. Tsac tojo yic'ot jo'q'uejl i cha'c'al (25) sʌsʌc taq'uin yic'ot waxʌccujch cebada.

Chol de Tumbalá Bible

² Jini cha'an tsac cha' mʌñʌ jini x'ixic. Tsac tojo yic'ot jo'q'uejl i cha'c'al (25) sʌsʌc taq'uin yic'ot waxʌccujch cebada.

Oseas 3:2 Iomraidhean Croise

Genesis 31:41

Junc'alix jab tsac cha'le e'tel ti a wotot. Tsac cha'lebeyet a we'tel chʌnlujump'ejl (14) jab cha'an quijñamob yic'ot wʌcp'ejl jab cha'an a wʌlac'. Lujunyajl tsa' yʌñʌ a t'an cha'an ma' chilbeñon i tojol que'tel.

Genesis 34:12

Chuqui tac jach la' wom la' c'ajtin cha'an i tojol jini xch'oc yic'ot i majtan, mu'to cʌq'ueñetla che' bajche' c'amel mi la' c'ajtibeñon. Yom mi la' sijin jini xch'oc cha'an quijñam, che'en.

Exodo 22:17

Mi mach yomic i sijin i tat jini xch'oc, mux i to'ol toj ñujpunijel jini winic.

Isaias 5:10

Mi caj i lon pʌc'ob uxp'ejl hectárea i ts'usubil, pero ya chʌmp'ejl jach litro mi caj i loq'uel i ya'lel. Mi caj i lon pʌc'ob lujuncujch pac', pero ya juncujch jach mi caj i yʌc' i wut.

Ezequiel 45:11

Yom ma' c'ʌn homer cha'an ma' p'is jini lʌmʌl bʌ yic'ot jini tiquin bʌ ja'el. Che' mach onic ma' p'is jini tiquin bʌ, yom ma' c'ʌn efa, come an lujump'ejl efa ti jump'ejl homer. Che' mach onic ma' p'is lʌmʌl bʌ, yom ma' c'ʌn bato, come an lujump'ejl bato ti jump'ejl homer.

Oseas 3:3

Tsac sube: Yomix ma' sujtel ti cotot quic'ot. Mach yomix ma' chʌn mel a ts'i'lel. Mach yomix ma' chʌn jac' a pʌyol ti yambʌ winic. Xuc'ul mi caj j cʌntañet, cho'on.

Levitico 27:16

Che' an winic mu' bʌ i yʌq'ueñon i yalʌ lum, mi mejlel i yʌc' i tojol che' bajche' an i ñuclel, che' bajche' jayp'is mi' cha'len pac'. Mi jump'is i pʌc'ol jini cebada yom ma' c'ajtin jo'lujunc'al peso.

xRut 4:10

Wolic mʌn Rut cha'an quijñam, jini ch'oyol bʌ ti Moab. Jiñʌch i yijñam Mahlón tsa' bʌ chʌmi. Wolic mʌn quijñam cha'an mic techben i yalobil ti' c'aba' jini chʌmen bʌ. Che' jini mux i ch'ʌmben i c'aba' jini chʌmen bʌ. Mux i yʌq'uentel i lum cha'an ma'anic mi' jilel i c'aba' jini chʌmen bʌ ti' tojlel i pi'ʌlob yic'ot ti' yotot. Testigojetla wʌle, che'en.

1 Samuel 18:25

Saúl tsi' yʌlʌ: Cha' suben David bajche' iliyi: “Mach abi yomic taq'uin jini rey. Yom jach abi ma' ch'ʌmben tilel jo'c'al i pʌchʌlel jini filisteojob cha'an mi' q'uextʌbentelob i jontolil ti' tojlel jini rey”. Che'ʌch yom mi la' suben, che'en Saúl. Pero woli jach i ña'tan bajche' mi caj i yʌc' ti chʌmel David ti' c'ʌb filisteojob.