Oseas 3:1 - Chol: I T’an Dios

¹ Lac Yum tsi' cha' subeyon: Yom ma' cha' pʌy a wijñam. Yom ma' c'uxbin a wijñam anquese mi' mulan i ts'i'lel. Come mic chʌn c'uxbin israelob anquese mi' ch'ujutesañob dioste' tac. Cabʌl mi' yʌq'ueñob i majtan tac, letsem bʌ i tojol, che'en lac Yum.

Chol de Tumbalá Bible

¹ Lac Yum tsi' cha' subeyon: Yom ma' cha' pʌy a wijñam. Yom ma' c'uxbin a wijñam anquese mi' mulan i ts'i'lel. Come mic chʌn c'uxbin israelob anquese mi' ch'ujutesañob dioste' tac. Cabʌl mi' yʌq'ueñob i majtan tac, letsem bʌ i tojol, che'en lac Yum.

Oseas 3:1 Iomraidhean Croise

2 Samuel 6:19

Tsa' caji i pucbeñob waj yic'ot we'elʌl, yic'ot tiquin bʌ ts'usub jini israelob. Che' ujtemix ti pejtelel, jini winicob x'ixicob tsa' sujtiyob majlel ti' yotot ti jujuntiquilob.

2 Reyob 13:23

Pero lac Yum tsi' pʌsbeyob i yutslel i pusic'al jini israelob. Ma'anic tsa' laj jiliyob. Tsi' p'untayob Dios come tsi' q'uele ti ñuc jini xuc'ul bʌ i t'an yic'ot i tatob. Tsi' chʌn ña'ta Abraham yic'ot Isaac yic'ot Jacob. Jini cha'an ma'anic tsi' junyajlel cʌyʌyob c'ʌlʌl wʌle.

1 Cronicas 16:3

Tsa' caji i pucbeñob jujump'ejl caxlan waj pejtelel winicob x'ixicob. Che' ja'el tsi' yʌq'ueyob we'elʌl yic'ot tiquin bʌ ts'usub.

Nehemias 9:31

Ma'anic tsa' jisayob, Dios, come cabʌl a p'untaya. Ma'anic tsa' junyajlel cʌyʌyob cha'an uts a pusic'al. Wen a wujil p'untaya.

Salmos 123:2

Che' bajche' winicob mi' pijtañob chuqui mi' subeñob i yum, Che' bajche' jini criada mi' ñich'tan chuqui mi' suben i co', Che' ja'el mi lac pijtan lac Yum Dios jinto mi' p'untañonla.

Exodo 32:6

Isujm, che' ti yijc'ʌlal, ic'to tsa' ch'ojyiyob. Tsi' ch'ʌmʌyob c'otel majtañʌl tac. Tsi' yʌc'ʌyob pulbil bʌ majtañʌl tac, yic'ot i wentajlel cha'an i ñʌch'tʌlelob i pusic'al. Tsa' buchleyob pejtelel jini winicob x'ixicob. Tsa' cajiyob ti we'el yic'ot ti lembal. Tsa' cajiyob ti ts'i'lel.

Cantares 2:5

Aq'ueñon yʌcʌcña bʌ i bʌl c ñʌc'. La' ñuc'ac c pusic'al cha'an a c'uxbiya. I wentajʌch i bʌl c ñʌc' mi cubin. Che' ñajt an mic mel c pusic'al. Cabʌl mic ña'tan.

Isaias 45:22

Q'ueleyonla pejtel año' bʌ ti pañimil cha'an mi la' taj la' coltʌntel. Come Dioson, ma'anic yambʌ, joñon jach, che'en lac Yum.

Jeremias 3:20

Pero lajal tsa' la' melbeyon che' bajche' x'ixic yujil bʌ lotiya mu' bʌ i cʌy i ñoxi'al. Tsa'ix la' cʌyʌyon, tsa'ix la' wʌc'ʌ la' bʌ cha'an mi la' c'uxbin dios te' tac”, che'en lac Yum Dios.

Jeremias 31:20

¿Mach ba calobilic Efraín? ¿Mach ba c'uxbibilic c cha'an? ¿Mach ba jinic tsa' bʌ c meq'ue? Jujunyajl che' mi cʌ'len mic chʌn ña'tan. Jini cha'an com to j coltan ti pejtelel c pusic'al. Mi caj c pʌsben i yutslel c pusic'al, che'en lac Yum.

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Oseas 2:5

Come i ña' tsi' cha'le i ts'i'lel. Come tsi' yʌlʌ: “Muq'uix c majlel yic'ot winicob cha'an mi' yʌq'ueñoñob chuqui mij c'ux yic'ot chuqui mic jap yic'ot chuqui mic lʌp”, che'en. Quisintic jax tsi' mele.

Oseas 4:11

I wo'lel ti lembal yic'ot i ts'i'lel mi' sʌtbeñob i pensar. Mi' lon c'ajtiñob i coltʌntel ti' tojlel dioste'. Mi' c'ajtiñob i toj'esʌntel ti te'. Tsa'ix sujtiyob ti tonto, come tsi' cʌyʌyoñob. Woli' ch'ujutesañob yambʌ dios mach bʌ diosic.

Oseas 7:5

Che' ti' q'uinilel jini rey, jini yumʌlob mi' yʌc'añob yic'ot jini rey. Tonto mi' sujtelob. Mi' temob i t'an yic'ot jini mu' bʌ i wajleñob.

Amos 2:8

Ya' ti' t'ejl pejtel pulʌntib mi' ñoltʌlob ba' tajsibil i pislel tsa' bʌ i ch'ʌmʌyob ti prenda. Ti' yotot Dios mi' japob vino tsa' bʌ i ch'ʌmʌyob cha'an multa.

Amos 6:6

Cabʌl mi la' jap vino ti colem taza tac mu' bʌ i c'ʌjñel cha'an i majtan Dios. Mi la' bon la' bʌ ti aceite yic'ot perfume ti' tijicñʌyel la' pusic'al. Pero ma'anic mi la' p'untan la' pi'ʌlob woliyo' bʌ ti wocol.

Miqueas 7:7

Pero joñon mi caj c chʌn q'uel ti ñuc lac Yum. Mi caj c chʌn pijtan j coltʌntel ti Dios, come mi caj i yubin c t'an.

Zacarias 1:16

Lac Yum woli' yʌl: “Jini cha'an tsa'ix sujtiyon ti Jerusalén cha'an mic p'untañob. Mi caj i cha' wa'chocoñob c Templo yic'ot pejtel jini tejclum Jerusalén”, che'en i Yum Panchan yic'ot Pañimil.

Mateo 26:50

Jesús tsi' pejca Judas ti' pi'ʌl. Tsi' sube: ¿Chucoch tsa' tiliyet ilayi? che'en. Ti ora tsa' tiliyob ba'an Jesús. Tsi' chucuyob. Tsi' pʌyʌyob majlel.

1 Corintios 10:21

Mach mejlic mi la' jap ti' vaso lac Yum mi woli la' jap ti' vaso xibajob. Mach mejlic la' c'ux waj ti' mesa lac Yum mi woli la' c'ux waj ti' mesa xibajob.

1 Corintios 10:7

Mach la' ch'ujutesan dioste' tac che' bajche' yaño' bʌ, come ts'ijbubil: “Jini winicob x'ixicob tsa' buchleyob cha'an mi' cha'leñob we'el uch'el. Tsa' ch'ojyiyob ti son”, che'en.

1 Pedro 4:3

Come jasʌlix jini q'uin tac tsa' bʌ la' ñusa ti' melol mulil che' bajche' jini sajtemo' bʌ mu' bʌ i jac'ob i colosojlel i pusic'al yic'ot i ts'i'lel. Mi' cha'leñob chuqui jisil yic'ot yʌc'ajel yic'ot leco bʌ q'uiñijel, yic'ot lemoñel. Mi' melob leco bʌ i q'uiñilel dios tac.

Juezob 10:16

Che' jini tsi' chocoyob loq'uel jini dioste' tac. Tsa' caji i ch'ujutesañob lac Yum. Awilan jini lac Yum tsi' mele i pusic'al cha'an i wocol israelob.

Juezob 9:27

Tsa' caji i tuc'ob jini ts'usubil. Tsi' pets'eyob jini ts'usub cha'an mi' melob q'uin. Tsa' ochiyob ti templo ba'an i dioste' tac. Tsa' cajiyob ti we'el ti uch'el. Tsa' caji i wen p'ajob Abimelec.