Oseas 2:3 - Chol: I T’an Dios

³ Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Chol de Tumbalá Bible

³ Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Oseas 2:3 Iomraidhean Croise

Exodo 17:3

Tiquiñob i ti'. Jini cha'an tsi' yʌ'leyob Moisés. Tsi' yʌlʌyob: ¿Chucoch tsa' pʌyʌyon lojon loq'uel ti Egipto cha'an ma' tsʌnsañon lojon ti tiquin ti' yic'ot calobil lojon yic'ot cʌlac' lojon? che'ob.

Isaias 33:9

C'ax ch'ijiyemob jax jini año' bʌ ti Israel. Tiquinix jini te'el Líbano. Jini Sarón tsa'ix sujti ti tiquin bʌ lum. Tsa'ix laj p'ajti i yopol te' ya' ti Basán yic'ot Carmelo.

Isaias 47:3

Mi caj a q'uejlel che' pits'ilet. Mi caj a wubin quisin ti' tojlel jini mu' bʌ i tic'lañet. Mi caj j q'uextʌbeñet a mul. Ma'anic majch mi caj c p'untan.

Isaias 64:10

Tsa'ix sujti ti tiquiñal bʌ pañimil jini ch'ujul bʌ a tejclum tac ti Israel. Jisʌbilix Jerusalén.

Jeremias 12:10

Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Jeremias 13:22

Che' mi' letsañob a majts cha'an mi yʌq'uet ti quisin, mi caj a wʌl ti a pusic'al: “¿Chucoch woli cubin wocol?” Ña'tan che' jini, cha'an ti' caj a mul wola' wubin wocol.

Jeremias 13:26

Mi caj cʌq'uet ti quisin.

Jeremias 14:3

Jini yumʌlob mi' chocob majlel winicob ti luch ja'. Mi' c'otelob ti' yajñib ja' pero tiquinix. Mi' tsicob i pusic'al come mi' to'ol sujtelob.

Jeremias 17:6

Lajalʌch bajche' te' am bʌ ti colem bʌ i tiquiñal pañimil ba' mach mejlic ti wen colel. Ma'anic mi caj i c'oc'an, come mach i tajayic i ya'lel ya' ba' woli' colel ti colem xajlelol. Ma'anic i c'ʌjñibal jini lum.

Jeremias 2:31

Jatetla cuxulet bʌ la wʌle, ¿mach ba la' womic la' jac'ben i t'an la' Yum? Ts'a' mi la' q'uelon che' bajche' tiquin lum. Lajal mi la' q'uelon che' bajche' ic'ch'ipan bʌ pañimil. Anquese mach che'ic añon mi la' wʌl: “Com lojon ñajt bʌ xʌmbal baqui jach yom c pusic'al. Mach chʌn talonix lojon ba' añet”, che'etla. ¿Chucoch che' mi' yʌl c tejclum bajche' jini?

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Jeremias 22:6

Subeñob ja'el jini año' bʌ ti Judá: “Lac Yum woli' yʌl: I t'ojol jax mij q'uel i yotot jini rey David che' bajche' jini te'el am bʌ ti Galaad yic'ot ti Líbano. Pero mi caj c sutq'uin ti jochol bʌ lum. Ch'ijiyem mi caj la' cʌytʌl che' ma'anix la' yum.

Jeremias 4:26

Tsaj q'uele tiquinix lum ya' ba'an pʌc'ʌbʌl ti yambʌ ora. Lu' jembilix jini tejclum tac ti' tojlel lac Yum cha'an cabʌl i mich'ajel.

Jeremias 51:43

Lu' jisʌbilix jini tejclum tac. Tsa'ix sajti i c'ʌjñibal lum. Ma'anix chuqui mi' chʌn colel. Ma'anix majqui mi' ñumel ya'i.

Jeremias 51:5

Come mach cʌybilobic ti meba' Israel yic'ot Judá anquese cabʌlob i mul ti' tojlel jini Ch'ujul Bʌ ti Israel, jiñʌch i Dios, i Yum Panchan yic'ot Pañimil.

Ezequiel 16:22

Ti pejtelel ili a mul yic'ot a ts'i'lel mach c'ajalix a cha'an bajche' añet che' xch'oquet to, che' pits'ilet, che' ma'anic a pislel, che' pʌjq'uemet ti a ch'ich'el.

Ezequiel 19:13

Wʌle tsa'ix cha' pʌjq'ui ya' ti jochol bʌ lum, ya' ti tiquin bʌ pañimil ba' ma'anic mi' colel.

Oseas 13:15

Tsa' wen p'ojli i yalobilob Efraín yic'ot i chubʌ'an, pero lac Yum mi caj i choc tilel ic' loq'uem bʌ ti colem bʌ i tiquiñal pañimil cha'an mi' tiquin i lumal. Mi caj i laj tiquin pa' yic'ot i loq'uib ja'. Che' jini mi caj i chʌmelob cha'an tiquin ti'. Mi caj i tiquin pejtel i pʌc'ʌb.

Oseas 2:10

Wʌle pits'il mi caj j cʌy ti' tojlel winicob tsa' bʌ i pi'leyob ti' ts'i'lel. Che' jini ma'anix mu' bʌ caj i coltan che' mi cʌc' ti quisin.

Apocalipsis 17:16

Jini lujunts'ijt xulub tsa' bʌ a q'uele yic'ot jini jontol bʌ bʌte'el mi caj i ts'a'leñob jini xmoja. Mi caj i chilbeñob i chubʌ'an yic'ot i pislel. Mi caj i c'uxbeñob i bʌc'tal. Mi caj i pulob ti c'ajc.

Juezob 15:18

Che' bʌ wen cabʌl jax i tiquin ti' tsi' pejca lac Yum ti oración: Tsa'ix a wen coltayon ti pejtelel jini wocol. ¿Mu' ba caj a wʌc'on ti chʌmel wʌle ti tiquin ti'? ¿Mu' ba caj c chʌmel ti' tojlel jini mach bʌ i cʌñʌyetobic? che'en.