Oseas 13:3 - Chol: I T’an Dios

³ Jini cha'an mi caj i jilelob che' bajche' tocal ti sʌc'ajel, yic'ot ye'eb, ora jach bʌ mi' jilel. Lajalob bajche' i sujl trigo mu' bʌ i wejluyel majlel ti p'ʌtʌl bʌ ic' che' woli' jajts'el trigo. Lajalob bajche' i yonlel buts' mu' bʌ i sʌc jilel ti ic'.

Chol de Tumbalá Bible

³ Jini cha'an mi caj i jilelob che' bajche' tocal ti sʌc'ajel, yic'ot ye'eb, ora jach bʌ mi' jilel. Lajalob bajche' i sujl trigo mu' bʌ i wejluyel majlel ti p'ʌtʌl bʌ ic' che' woli' jajts'el trigo. Lajalob bajche' i yonlel buts' mu' bʌ i sʌc jilel ti ic'.

Oseas 13:3 Iomraidhean Croise

Job 21:18

¿Mu' ba i chojquel jini winic che' bajche' jam ti ic', che' bajche' misʌjelʌl ti sutujt ic'?

Job 30:15

Wʌle cujilix bʌq'uen. Ma'anix c ñuclel ti' tojlel winicob. Mach yujilobic p'untaya. Majlemix c wenlel che' bajche' tocal.

Salmos 1:4

Mach che'ic jini jontol bʌ winicob. Lajalobʌch bajche' i sujl trigo mu' bʌ i wejlan majlel ic'.

Salmos 68:2

Che' bajche' buts' tomocña bʌ mi' majlel, la' majlicob ja'el jini chocbilo' bʌ i cha'an. Che' bajche' ta'chʌb mu' bʌ i yulmʌl ti c'ajc, La' jilicob jini jontolo' bʌ ti' tojlel Dios.

Isaias 17:13

Anquese ju'ucñayob che' bajche' colem ñajb, Dios mi caj i tic'ob. Mi caj i puts'elob majlel che' bajche' ts'ubejn mu' bʌ i wejlan ic' ya' ti pam wits.

Daniel 2:35

Ti ora jach tsa' laj jili jini tsucu taq'uin yic'ot jini oc'ol, yic'ot jini oro, yic'ot plata, yic'ot bronce. Jopol tsa' cʌle che' bajche' ts'ubejn ti' yorajlel jajmel, che' bajche' i pat trigo ti' yorajlel c'ajbal. Tsi' laj wets'e majlel jini ic'. Ma'anic tsi' cʌyʌ mi ts'ita'ic. Pero jini Xajlel yilol jach bʌ tsa' c'ojli tsa' sujti ti colem wits tsa' bʌ i wen mʌcta majlel pejtel pañimil.

Oseas 6:4

Efraín yic'ot Judá, ¿chuqui mi caj c tumbeñetla? Come lajal la' c'uxbiya bajche' tocal ti sʌc'ajel yic'ot jini ye'eb, ora jach bʌ mi' jilel.

Sofonias 2:2

Wʌn mele la' pusic'al che' max to c'otemic i yorajlel tojmulil, come ora mi' ñumel q'uin che' bajche' ic'. Wʌn toj'esan la' bʌ che' maxto anic woli' choc tilel i mich'lel lac Yum cha'an mi' jisañetla.

Zacarias 8:12

Come mi caj cʌq'ueñetla i ñʌch'tilel la' pusic'al. Mi caj i wen ac' i wut pejtel la' pʌc'ʌb. Mi caj i wen tilel ja'al. Tijicñayob jini cuxulob to bʌ mu' bʌ i yajñelob ti jini lum.