Oseas 1:2 - Chol: I T’an Dios

² Jiñʌch ñaxan bʌ t'an tsa' bʌ subenti Oseas cha'an lac Yum: Yom ma' pʌy cha'an a wijñam juntiquil x'ixic mu' bʌ caj i cʌyet cha'an i ts'i'lel. Che' jini mi caj i yʌq'ueñet a majan alobil cha'an i ts'i'lel. Che'i mi caj c tsictesan i ts'i'lel c winicob x'ixicob. Woli' cʌyoñob. Woli' ch'ujutesañob dioste' tac, che'en.

Chol de Tumbalá Bible

² Jiñʌch ñaxan bʌ t'an tsa' bʌ subenti Oseas cha'an lac Yum: Yom ma' pʌy cha'an a wijñam juntiquil x'ixic mu' bʌ caj i cʌyet cha'an i ts'i'lel. Che' jini mi caj i yʌq'ueñet a majan alobil cha'an i ts'i'lel. Che'i mi caj c tsictesan i ts'i'lel c winicob x'ixicob. Woli' cʌyoñob. Woli' ch'ujutesañob dioste' tac, che'en.

Oseas 1:2 Iomraidhean Croise

2 Cronicas 21:13

Pero wola' tsajcʌbeñob i melbal i reyob Israel. Tsa' xic'beyob jini año' bʌ ti Jerusalén yic'ot ti Judá cha'an mi' ch'ujutesañob dioste' tac che' bajche' tsi' meleyob ti' yumʌntel Acab. Mach cojic jach jini, pero tsa' tsʌnsa a werañob ñumen uts'ato' bʌ bajche' jatet, che'en.

Salmos 106:39

Tsa' sojquiyob che' leco i melbalob. Cabʌlob i mul tsi' cha'leyob ts'i'lel.

Salmos 73:27

Q'uele bajche' mi' jilelob jini mu' bʌ i tʌts'ob i bʌ ba' añet. Mi caj a jisan pejtel mu' bʌ i cʌyet.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:20

Ñʌmʌlet ti jontolil ti oñiyi c'ʌlʌl wʌle. Tsa' la' choco jubel a tajbal yic'ot a cuch tsa' bʌ cʌq'ueyetla. Tsa' la' wʌlʌ: “Mach comic c mel che' bajche' ma' wʌl”, che'et. Pero ti pejtelel jini chan bʌ bujtʌl yic'ot ti' yʌxñʌlel te' tsa' choco a bʌ che' bajche' sts'i'lel bʌ x'ixic.

Jeremias 2:23

Ma' wʌl: “Ma'anic tsac sʌcla Baal dios”, lon che'et. ¿Chucoch woliyet ti lot? Q'uele chuqui tsa' mele ti joctʌl. Wen ña'tan a mul. Lajalet bajche' xch'oc camello. Mach yujilic ñʌjch'el che' woli' c'ajtin i tat.

Jeremias 3:9

Tsa' caji' ch'ujutesan dios tac melbil bʌ ti te' yic'ot ti xajlel. Che' jini tsi' bib'esa jini lum cha'an i ts'i'lel.

Ezequiel 6:9

Jini tsa' bʌ coliyob mi caj i chʌn ña'tañoñob ya' ba' pujquemob, come mi caj cʌq'ueñob i melob i pusic'al cha'an tsi' c'uxbiyob dioste' tac ti' ts'i'lel i pusic'al. Ti jim bʌ ora mi caj i yubiñob quisin cha'an i mul tsa' bʌ i meleyob.

Oseas 2:7

Che' mi' cha' tsajcan jini winicob, ma'anic mi caj i tajob. Mi caj i lon sʌclañob, pero ma'anix mi caj i tajob. Che' jini mi caj i yʌl: “Muq'uix c cha' sujtel ba'an c ñoxi'al, come tijicñayon quic'ot. Ch'ijiyemon wʌle”, che'en.

Oseas 3:1

Lac Yum tsi' cha' subeyon: Yom ma' cha' pʌy a wijñam. Yom ma' c'uxbin a wijñam anquese mi' mulan i ts'i'lel. Come mic chʌn c'uxbin israelob anquese mi' ch'ujutesañob dioste' tac. Cabʌl mi' yʌq'ueñob i majtan tac, letsem bʌ i tojol, che'en lac Yum.

Oseas 5:3

Israel (mu' bʌ i pejcʌntel ti Efraín) cʌmbilix c cha'an la' jontolil. Tsa'ix la' cʌyʌyon che' bajche' mi' cʌy i ñoxi'al jini ts'i'lel bʌ x'ixic. Tsa'ix la' soco la' bʌ ti jontolil.

Marcos 1:1

Jiñʌch i cajibal jini wen t'an mu' bʌ i yʌc' ti cʌjñel Jesucristo i Yalobil Dios.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

2 Pedro 2:14

But'ulob i pusic'al ti' ts'i'lel. Mach mejlic i cʌyob i mul. Mi' pʌyob ti mulil jini mach bʌ xuc'ulobic i pusic'al. Ñʌmʌlobix i mel i ts'i'lel i wut. Chocbilobix ti Dios.

Apocalipsis 17:5

Ts'ijbubil i c'aba' ti' jol. Cʌmbil i sujmlel ti Dios: JINI ÑUC BɅ BABILONIA, I ÑA'AL XMOJAJOB, I ÑA'AL JONTOLIL AM BɅ TI PAÑIMIL.