Numeros 9:6 - Chol: I T’an Dios

⁶ Pero ti jim bʌ ora añob cha'tiquil uxtiquil bibi'o' bʌ cha'an tsi' tʌlʌyob xchʌmel. Ma'anic tsa' mejli i melob i q'uiñilel Pascua ti jim bʌ ora. Tsa' c'otiyob ba'an Moisés yic'ot Aarón ti jim bʌ ora.

Chol de Tumbalá Bible

⁶ Pero ti jim bʌ ora añob cha'tiquil uxtiquil bibi'o' bʌ cha'an tsi' tʌlʌyob xchʌmel. Ma'anic tsa' mejli i melob i q'uiñilel Pascua ti jim bʌ ora. Tsa' c'otiyob ba'an Moisés yic'ot Aarón ti jim bʌ ora.

Jiñi Tsiji' bʌ Wen T'añ cha'añ Estudio

⁶ Pero añob cha'tiquil uxtiquil bi'bi'o' bʌ cha'añ tsi' tʌlʌyob xchʌmel, jiñi cha'añ ma'añic tsa' mejli i melob i q'uiñilel Pascua ti jiñi bʌ ora. Jiñi wiñicob, ti jiñi jach bʌ q'uiñ tsa' c'otiyob ba'añ Moisés yic'ot Aarón,

Numeros 9:6 Iomraidhean Croise

Exodo 18:15

Moisés tsi' jac'ʌ: Come jini winicob x'ixicob mi' tilelob ba' añon che' yomob i toj'esʌntel ti Dios.

Exodo 18:19

Ñich'tʌbeñon c t'an. Wolic toj'esañet. La' ajnic Dios awic'ot. Yajcʌbilet cha'an ma' pejcan Dios cha'an i coltʌntel winicob x'ixicob. An ti a wenta cha'an ma' wʌc' ti' wenta Dios chuqui woli' yujtel.

Exodo 18:26

Tsi' cha'leyob meloñel ti' tojlel i pi'ʌlob. Jini tsʌts tac bʌ tsi' subeyob Moisés. Jini mach bʌ wocolic ti melol tsi' bajñel meleyob.

Levitico 21:11

Mach ma' wochel ba'an ch'ujlelʌl, anquese a tat a ña'.

Levitico 24:11

Che' woli ti leto i yalobil jini egipto, tsi' p'ajbe i C'aba' lac Yum. I c'aba' i ña' jiñʌch Selomit, i yalobil jini Dibri loq'uem bʌ ti' p'olbal Dan. Tsa' pʌjyi ba'an Moisés jini winic tsa' bʌ i cha'le p'ajoñel.

Numeros 15:33

Jini tsa' bʌ c'oti i tajob jini winic che' woli ti xot' si' tsi' pʌyʌyob tilel ba'an Moisés yic'ot ba'an Aarón, jiñʌch año' bʌ i ye'tel.

Numeros 19:11

Majqui jach mi' tʌlben i bʌc'tal chʌmen bʌ, bibi' mi' cʌytʌl tic wut wucp'ejl q'uin. La' i sʌq'uesan i bʌ ti ja' che' ti yuxp'ejlel q'uin yic'ot ti wucp'ejlel q'uin. Che' jini mi' cha' sʌc'an, pero mi ma'anic tsi' sʌq'uesa i bʌ che' ti yuxp'ejlel q'uin yic'ot ti wucp'ejlel q'uin, bibi' to mi' cʌytʌl.

Numeros 19:14

Che' an majqui mi' chʌmel ti pisil bʌ otot, bibi'ob tic wut jini ya' bʌ añob ti otot yic'ot jini mu' bʌ i yochelob ba'an xchʌmel. Wucp'ejl q'uin an i bibi'lel tic wut.

Numeros 19:16

Majqui jach mi' tʌl winic tsʌnsʌbil bʌ ti bij yic'ot jini yan tac bʌ xchʌmel, mi i bʌquel xchʌmel, mi mucoñibʌl, wucp'ejl q'uin bibi' mi' cʌytʌl tic wut.

Numeros 19:18

La' tilic juntiquil sʌc bʌ winic yic'ot hisopo cha'an mi' ts'aj ya' ti ja' am bʌ ti basija. Che' jini mi caj i tsijcan jini otot, yic'ot pejtelel jini p'ejt an tac bʌ ti' mal jini otot, yic'ot pejtelel jini bibi'o' bʌ año' bʌ ti' mal jini otot, yic'ot xjula'o' bʌ, yic'ot jini tsa' bʌ i tʌlbe i bʌquel ch'ujlelʌl, mi tsʌnsʌbil ti bij o mi che' jach tsa' chʌmi, yic'ot jini tsa' bʌ i tʌlʌ mucoñibʌl.

Numeros 27:2

Che' wa'alob ti' tojlel Moisés yic'ot jini motomaj Eleazar, yic'ot jini año' bʌ i ye'tel ti Israel ti' ti' jini Tabernáculo, tsi' yʌlʌyob:

Numeros 27:5

Jini cha'an Moisés tsa' majli i c'ajtiben lac Yum mi che'ʌch yom. Lac Yum tsi' sube Moisés: Uts'at che' bajche' woli' ña'tañob i yixic'alob Zelofehad. Yomʌch ma' wʌq'ueñob i lum ti' tojlel i yerañob i tat. Jini lum am bʌ ti' wenta i tat la' aq'uenticob.

Numeros 9:7

Tsi' yʌlʌyob: Joñon lojon bibi'on lojon cha'an tsac tʌlʌ lojon xchʌmel. ¿Chucoch tic'bilon lojon cha'an mi cʌq'uen lojon i majtan lac Yum che' i yorajlelix woli i yʌc'ob pejtelel israelob? che'ob.

Juan 18:28

Tsa' caji i pʌyob loq'uel Jesús ti' yotot Caifás. Tsi' pʌyʌyob majlel ti meloñibʌl. Wolix i sʌc'an pañimil. Ma'anic tsa' ochiyob ti meloñibʌl judíojob ame bib'acob, come yom i cha'leñob we'el che' ti Pascua.