Numeros 9:15 - Chol: I T’an Dios

¹⁵ Ti jini jach bʌ q'uin che' bʌ tsa' ujti i wa'chocoñob jini Tabernáculo, tsi' moso jini Tocal. Che' ti ic'ajel chʌcleman tsa' majli che' bajche' c'ajc. Ya' tsa' jal'a c'ʌlʌl ti sʌc'ajel.

Chol de Tumbalá Bible

¹⁵ Ti jini jach bʌ q'uin che' bʌ tsa' ujti i wa'chocoñob jini Tabernáculo, tsi' moso jini Tocal. Che' ti ic'ajel chʌcleman tsa' majli che' bajche' c'ajc. Ya' tsa' jal'a c'ʌlʌl ti sʌc'ajel.

Jiñi Tsiji' bʌ Wen T'añ cha'añ Estudio

¹⁵ Ti jiñi jach bʌ q'uiñ che' bʌ tsa' ujti i wa'chocoñob jiñi Tabernáculo, jiñi tocal tsi' moso jiñi Tabernáculo. Che' ti ic'ajel chʌcxowan tsi' pʌsʌ i bʌ che' bajche' c'ajc ya' ti' pam jiñi Tabernáculo c'ʌlʌl ti sʌc'ajel.

Numeros 9:15 Iomraidhean Croise

Nehemias 9:12

Che' ti q'uiñil tsa' toj'esayob majlel ti toj wa'al bʌ tocal. Che' ti ac'ʌlel tsa' tsictesʌbeyob i bijlel ti toj wa'al bʌ c'ajc.

Nehemias 9:19

cabʌl tsa' p'untayob. Ma'anic tsa' cʌyʌyob ti tiquin bʌ lum. Jini toj wa'al bʌ tocal ma'anic tsi' cʌyʌ i toj'esañob majlel ti q'uiñil. Jini toj wa'al bʌ c'ajc ma'anic tsi' cʌyʌ i toj'esañob majlel ti ac'ʌlel. Tsi' chʌn aq'ueyob i sʌclel. Tsi' chʌn pʌsbeyob i bijlel baqui yom mi' majlelob.

Salmos 105:39

Lac Yum tsi' lich'ye'e jini tocal cha'an mi' mosob ti q'uiñil, Yic'ot c'ajc cha'an mi' yʌc' i sʌclel pañimil ti ac'ʌlel.

Salmos 78:14

Che' ti q'uiñil tsi' c'ʌñʌ tocal i pʌyob majlel. Che' bʌ tsa' ic'a c'ʌlʌl tsa' sʌc'a tsi' c'ʌñʌ c'ajc i tsictesʌbeñob i bijlel.

Exodo 13:21

Che' ti q'uiñil lac Yum tsa' majli ti ñaxan ti wa'al bʌ tocal cha'an mi' pʌyob majlel. Ti ac'ʌlel tsi' pʌyʌyob majlel ti wa'al bʌ c'ajc cha'an mi' pʌsbeñob i sʌclel. Che' jini tsa' mejliyob ti xʌmbal ti q'uiñil ti ac'ʌlel.

Exodo 13:22

Jini wa'al bʌ tocal ma'anic tsi' cʌyʌyob ti q'uiñil. Jini wa'al bʌ c'ajc ma'anic tsi' cʌyʌyob ti ac'ʌlel. Pejtelel ora ya'an.

Exodo 14:24

Che' ti wen sʌc'ajel lac Yum am bʌ ti wa'al bʌ C'ajc yic'ot Tocal tsi' q'uele jini soldadojob ch'oyolo' bʌ ti Egipto. Tsi' bʌc'tesa egiptojob. Tsa' toj sajtiyob i pusic'al.

Exodo 40:34

Jini Tocal tsa' ajni yic'otob. Tsi' moso jini otot ba' mi' tempañob i bʌ. I ñuclel lac Yum tsa' bujt'i ti jini otot.

Exodo 40:35

Ma'anix tsa' mejli ti ochel Moisés ya' ti otot ba' mi' tempañob i bʌ, come jini Tocal tsi' moso. Tsa' bujt'i ti' ñuclel lac Yum.

Exodo 40:38

Come i Tocal lac Yum ya'an che' ti q'uiñil ya' ti otot. Jini c'ajc an ti Tocal che' ti ac'ʌlel cha'an mi' q'uelob pejtelel israelob baqui jach mi' majlelob.

Isaias 4:5

Lac Yum mi caj i yʌc' buts' yic'ot tocal che' ti q'uiñil cha'an mi' mos jini wits i c'aba' Sion yic'ot pejtel otot an tac bʌ ti Jerusalén. Tsiquil woli' cʌntañob. Che' ti ac'ʌlel mi caj i yʌc' c'ajc che' bajche' tocal. I ñuclel lac Yum mi caj i yajñel ti' chañelal jini tejclum ba' mi caj i q'uejlel ti pejtelelob.

Numeros 10:34

Jini Tocal i cha'an bʌ lac Yum temel tsa' majli yic'otob che' bʌ tsi' cʌyʌyob jini lum ba' tsa' poj jijliyob.

Numeros 14:14

Tsa'ix i subeyob jini chumulo' bʌ ti Canaán wʌ'añet tic tojlel lojon. Laj yujilobix añet tic tojlel lojon. Ma' pejcan israelob che' bajche' mi' pejcañob i bʌ winicob che' mi' q'uelob i bʌ. Mic chumtʌl lojon ti yebal a Tocal. Ma' majlel ti ñaxan baqui jach ma' pʌyon lojon majlel. Ma' toj'esañon lojon majlel ti a Tocal che' ti q'uiñil yic'ot ti c'ajc che' ti ac'ʌlel.

Numeros 17:7

Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

1 Corintios 10:1

Hermanojob, mach comic mi' ñajʌyel ti la' pusic'al bajche' tsa' ajniyob pejtelel lac ñojte'el che' bʌ tsi' toj'esayob majlel Dios ti tocal. Ti pejtelelob tsa' ñumiyob majlel ti ojlil colem ñajb.

Deuteronomio 1:33

Jini tsa' ñaxan majli ti' tojel la' wut cha'an mi' sʌclʌbeñetla jini lum baqui yom mi la' jijlel. Jini tsi' pʌsbeyetla majlel c'ajc che' ti ac'ʌlel yic'ot jini tocal che' ti q'uiñil.