Numeros 8:7 - Chol: I T’an Dios

⁷ Jiñʌch bajche' mi caj a sʌq'uesañob. Yom ma' ch'ʌm jini ch'ujul bʌ ja' cha'an ma' tsijcañob. Yom mi' laj jujchiñob i tsutsel i cuctal. La' i wuts'ob i pislel.

Chol de Tumbalá Bible

⁷ Jiñʌch bajche' mi caj a sʌq'uesañob. Yom ma' ch'ʌm jini ch'ujul bʌ ja' cha'an ma' tsijcañob. Yom mi' laj jujchiñob i tsutsel i cuctal. La' i wuts'ob i pislel.

Jiñi Tsiji' bʌ Wen T'añ cha'añ Estudio

⁷ Jiñʌch bajche' mi caj a sʌc-esañob: tsijcañob ti jiñi ja' cha'añ i ñusʌntel mulil yic'ot ac'ʌ ti jujchintel i tsutsel i bʌc'tal; mi caj i wuts'ob i pislel, che' jiñi sʌc-esʌbilobix.

Numeros 8:7 Iomraidhean Croise

Genesis 35:2

Jacob tsi' sube jini año' bʌ ti' yotot yic'ot pejtelel año' bʌ ti' wenta: Chocoxla jini dioste' tac am bʌ la' cha'an. Sʌq'uesan la' bʌ. Q'uextan la' pislel.

Salmos 51:2

Lu' pocbeñon loq'uel c jontolil. Sʌq'uesʌbeñon c pusic'al cha'an tsac cha'le mulil.

Salmos 51:7

Sʌq'uesañon yic'ot i ch'ich'el alʌc'ʌl Cha'an wen sʌc mi cajñel. Pocoyon cha'an ñumen sʌc mi cajñel bajche' sʌsʌc bʌ tocal.

Exodo 19:10

Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Isaias 52:15

Che' jini mi caj i mulbeñob ti' ch'ich'el cabʌl winicob x'ixicob ti yan tac bʌ lum. Jini yumʌlob ñʌch'ʌlix mi caj i cʌytʌlob ti' tojlel jini winic. Come ma'anic tsa' subentiyob chucoch tsa' tic'lʌnti, pero che' mi' q'uelob mi caj i ch'ʌmbeñob isujm jini mach bʌ anic tsi' yubiyob.

Jeremias 4:14

Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Levitico 15:27

Majqui jach mi' yochel ya' ti otot, mi tsi' tʌlʌ jini wʌyibʌl mi jini tem, wersa yom mi' wuts' i pislel. Yom mi' cha'len ts'ʌmel, pero bibi' to mi' cʌytʌl c'ʌlʌl mi' bʌjlel q'uin.

Levitico 15:6

Majqui jach mi' buchtʌl ya' ti' buchlib jini, yom mi' wersa wuts' i pislel. Yom mi' cha'len ts'ʌmel ja'el. Ma'anic mi' poj q'uejlel ti sʌc c'ʌlʌl mi' bʌjlel q'uin.

Levitico 16:28

Jini mu' bʌ majlel i pule' la' i wuts' i pislel. La' i cha'len ts'ʌmel. Ti wi'il mi caj i cha' ochel ti' mal jini tejclum.

Levitico 8:6

Che' jini Moisés tsi' pʌyʌ tilel Aarón yic'ot i yalobilob. Tsi' pocoyob ti ja'.

Numeros 19:13

Jujuntiquil winic mu' bʌ i tʌlben i bʌc'tal ch'ujlelʌl wersa mi' sʌq'uesan i bʌ. Mi ma'anic tsi' sʌq'uesa i bʌ, tsa'ix i bibesa ja'el c Tabernáculo. Mi caj i chojquel loq'uel ti Israel. Come ma'anic tsi' c'ʌñʌ ja' mu' bʌ i sʌq'uesan. Bibi' mi' cʌytʌl. I bajñel an ti' wenta i mul.

Numeros 31:20

Che' ja'el yom mi la' laj sʌq'uesan la' pislel, yic'ot jini la' pʌchi tac, yic'ot jini melbil tac bʌ ti' tsutsel chivo, yic'ot yan tac bʌ e'tijibʌl melbil bʌ ti te'. Che' tsi' yʌlʌ Moisés.

Numeros 8:21

Jini levíjob tsi' sʌq'uesayob i bʌ. Tsi' wuts'uyob i pislel. Aarón tsi' yʌc'ʌ jini levíjob ti' wenta lac Yum che' bajche' i majtan. Tsi' tsʌnsa tat wacax cha'an i mul cha'an mi' tajob i sʌq'uesʌntel.

Hebreos 9:10

Come i melbal jach winicob ili waj yic'ot ili japbil bʌ. Mi' pocob ti ja'. I yejtal jach jini mero isujm bʌ. Che' mi' tilel jini isujm bʌ, mi' jilel i c'ʌjñibal yambʌ.

Hebreos 9:13

I ch'ich'el tat wacax yic'ot i ch'ich'el alʌ chivo yic'ot i tʌñil alʌ ña' wacax tsa' mejli i poj sʌq'uesʌbeñob i bʌc'tal jini bibi'o bʌ che' tsijcʌbil ti' pam.

Santiago 4:8

Lʌc'tesan la' bʌ ba'an Dios. Che' jini mi caj i lʌc'tesan i bʌ ba' añetla. Xmulilob, poco la' c'ʌb. Jatetla cha'chajp jax bʌ la' pusic'al sʌq'uesan la' bʌ.

1 Pedro 3:21

Jiñʌch i yejtal bajche' mi laj coltʌntel wʌle ti ch'ʌm ja'. Ma'anic mi' poc loq'uel i lumil lac pʌchʌlel, pero mi' pʌsonla ti sʌc ti' wut Dios che' ñʌch'ʌl lac pusic'al cha'an tsa' lac subu lac bʌ ti' tojlel Dios. Tsa'ix tejchiyonla ch'ojyel yic'ot Jesucristo.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.