Numeros 8:12 - Chol: I T’an Dios

¹² Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Chol de Tumbalá Bible

¹² Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Jiñi Tsiji' bʌ Wen T'añ cha'añ Estudio

¹² Ti wi'il jiñi levijob mi caj i yʌc'ob i c'ʌb ya' ti' jol jiñi cha'cojt tat wacax: Juncojt mi caj a wʌc' cha'añ i ñusʌntel mulil, jiñi yam bʌ mi caj a pulbeñon tic majtañ, cha'añ mi' ñusʌbentelob i mul jiñi levijob.

Numeros 8:12 Iomraidhean Croise

Exodo 29:10

Che' jini yom ma' pʌy majlel jini alʌ tat wacax ba'an jini Tabernáculo ba' mi' tempañob i bʌ. La' i yʌc'ob i c'ʌb jini Aarón yic'ot i yalobilob ya' ti' jol jini alʌ tat wacax ya' tic tojlel ba'an jini Tabernáculo.

Levitico 1:4

Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Levitico 14:22

Che' ja'el yom mi' ch'ʌm tilel cha'cojt xpuruwoc mi x'ujcuts. Ya' tsiquil bajche' mi' mejlel i cha'an. Yom juncojt cha'an i ñusʌntel i mul, yambʌ cha'an mic pulbentel.

Levitico 16:11

Aarón mi caj i yʌc' ti tsʌnsʌntel jini alʌ tat wacax cha'an i bajñel mul yic'ot i mul jini año' bʌ ti' yotot. Mi caj i yʌc' cha'an i q'uexol i mul.

Levitico 16:21

Aarón mi caj i c'ʌcchocon ti' cha'ts'ijtlel i c'ʌb ti' jol jini chivo, cha'an mi' tsictesan pejtelel i mul israelob. Yom mi' choc majlel jini i tat chivo ti' wenta juntiquil winic wa'chocobil bʌ cha'an mi' pʌy majlel ya' ti colem bʌ i tiquiñal pañimil.

Levitico 16:6

Ñaxan Aarón mi caj i yʌq'ueñon jini alʌ tat wacax cha'an bʌ mic ñusʌben i mul yic'ot i mul jini año' bʌ ti' yotot.

Levitico 4:15

Jini xñoxob ya' ti tejclum mi caj i c'ʌcchocoñob i c'ʌb ya' ti' jol jini wacax. Mi caj i tsʌnsañob jini wacax ya' tic tojlel.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:35

La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Levitico 4:4

Yom mi' pʌy tilel jini wacax ya' ti' ti' jini Tabernáculo. Yom mi' c'ʌcchocon i c'ʌb ya' ti' jol jini wacax. Che' jini mi caj i tsʌnsan tic tojlel.

Levitico 5:7

Mi ma'anic i tojol jini alʌ tat tiñʌme' cha'an mi' yʌq'ueñon, la' i ch'ʌmbeñon tilel cha'cojt xpuruwoc mi cha'cojt x'ucujts, juncojt cha'an majtañʌl cha'an mulil, yambʌ cha'an majtañʌl mu' bʌ c pulbentel.

Levitico 8:14

Ti wi'il tsa' caji i c'ajtin tilel jini alʌ tat wacax cha'an mulil. Aarón yic'ot i yalobilob tsi' yʌc'ʌyob i c'ʌb ya' ti' jol jini wacax cha'an mi' ñusʌbentelob i mul.

Levitico 8:15

Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Levitico 8:18

Ti wi'il Moisés tsi' pʌyʌ tilel jini tat tiñʌme' cha'an mi' yʌq'uen lac Yum. Aarón yic'ot i yalobilob tsi' c'ʌcchocoyob i c'ʌb ya' ti' jol jini tat tiñʌme'.

Levitico 8:34

Jini tsa' bʌ ujti sajmʌl jiñʌch tsa' bʌ i yʌlʌ lac Yum cha'an mi' tojtʌl la' mul.

Levitico 9:7

Moisés tsi' sube Aarón: Lʌc'tesan a bʌ ya' ti' t'ejl jini pulʌntib cha'an ma' wʌq'uen i majtan lac Yum cha'an i tojol mulil. Jiñʌch pulbil bʌ majtañʌl ja'el. Ñaxan yom ma' wʌq'uen i majtan lac Yum cha'an a mul, ti wi'il cha'an i mul pejtelel winicob, come che'ʌch tsi' yʌc'ʌ mandar lac Yum, che'en.

Numeros 6:14

La' i yʌq'ueñon juncojt tat tiñʌme' am bʌ jump'ejl i jabilel, mach bʌ wis anic i bibi'lel mi i c'amʌjel. Jiñʌch majtañʌl mu' bʌ i yʌc' ti pulel. La' i yʌq'ueñon ja'el xch'oc bʌ tiñʌme' am bʌ jump'ejl jab, mach bʌ wis anic i bibi'lel mi i c'amʌjel cha'an mi' ñusʌbentel i mul. La' i yʌc' juncojt tat tiñʌme' jiñʌch c'oc' bʌ ja'el. Jiñʌch majtañʌl cha'an wocolix cʌlʌ cha'an i coltʌntel.

Numeros 6:16

Muq'uix i ch'ʌm jini motomaj. Mi' yʌq'ueñon tsʌnsʌbil bʌ c majtan cha'an i ñusʌntel i mul. Mi' pulben ja'el jini tsʌnsʌbil bʌ i majtan mu' bʌ i yʌq'ueñon.

Numeros 8:13

Muq'uix a wʌq'ueñob i ye'tel jini levíjob ti' tojlel Aarón yic'ot i yalobilob. Muq'uix a wʌc'ob tic wenta che' bajche' majtañʌl mu' bʌ i jʌmts'untel.

Numeros 8:8

Che' ujtemix jini, la' i pʌyob tilel juncojt alʌ tat wacax, yic'ot majtañʌl bʌ harina wen chʌmen juch'bil bʌ yic'ot aceite. Muq'uix a pʌy tilel yambʌ alʌ tat wacax cha'an ma' tsʌnsan cha'an mulil.

Hebreos 9:22

Che' bajche' mi' yʌl jini mandar, cojach yic'ot ch'ich' mi' sʌq'uesʌntel ti pejtelel. Machic mi' bejq'uel i ch'ich'el i majtan Dios, ma'anic i ñusʌntel mulil.