Numeros 8:11 - Chol: I T’an Dios

¹¹ Che' jini Aarón mi caj i yʌc' jini levíjob tic wenta che' bajche' jump'ejl majtañʌl mu' bʌ i jʌmts'untel mu' bʌ i yʌc'ob israelob cha'an mi' melbeñoñob que'tel.

Chol de Tumbalá Bible

¹¹ Che' jini Aarón mi caj i yʌc' jini levíjob tic wenta che' bajche' jump'ejl majtañʌl mu' bʌ i jʌmts'untel mu' bʌ i yʌc'ob israelob cha'an mi' melbeñoñob que'tel.

Jiñi Tsiji' bʌ Wen T'añ cha'añ Estudio

¹¹ Che' jiñi, jiñi Aarón mi caj i yʌc' jiñi levijob ti' wenta lac Yum che' bajche' majtañʌl mu' bʌ i yʌc'ob israelob, che' jiñi mi caj i melbeñoñob que'tel.

Numeros 8:11 Iomraidhean Croise

Exodo 29:24

Ac'ʌ pejtelel ti' c'ʌb Aarón yic'ot ti' c'ʌb i yalobilob. Che' jini yom ma' jʌmts'un che' bajche' majtañʌl jʌmts'ubil bʌ tic tojlel, che'en lac Yum.

Levitico 7:30

Ti' c'ʌb la' i chuc tilel jini majtañʌl mu' bʌ caj i pulbeñon. Yom mi' ch'ʌmbeñon tilel i lewil am bʌ ti' tajn cha'an mi' jʌmts'untel tic tojlel ba'an jini pulʌntib.

Levitico 7:34

Come joñon woli cʌq'ueñob motomajob i tajn c majtan mu' bʌ i jʌmts'untel yic'ot i bʌc'tal i pat mu' bʌ i yʌq'ueñoñob jini israelob. Tsa cʌq'ueyob ti' wenta jini motomaj Aarón yic'ot i yalobilob. Che'ʌch yom ti pejtelel ora.

Levitico 8:27

Tsi' yʌq'ue tac ti' wenta Aarón yic'ot i yalobilob cha'an mi' jʌmts'uñob ti' tojlel lac Yum come jiñʌch jʌmts'ubil bʌ i majtan.

Levitico 8:29

Moisés tsi' ch'ʌmbe i tajn alʌc'ʌl. Tsi' yʌq'ue jʌmts'ubil bʌ i majtan lac Yum. Jiñʌch tsa' bʌ aq'uenti i c'ux Moisés che' bajche' lac Yum tsi' yʌq'ue mandar.

Numeros 6:20

Mi caj i jʌmts'un jini majtañʌl tic tojlel, ch'ujul ti' pejtelel. Jini jʌmts'ubil bʌ i bʌc'tal i tajn tat tiñʌme' yic'ot i quejlab i cha'añʌch motomaj cha'an i ye'tel. Ti wi'il mi mejlel i cha' jap vino jini winic, come loq'uemix ti' ye'tel ti nazareo, come tsa'ix ts'ʌctiyi ja'el i ye'tel.

Deuteronomio 10:8

Ti jim bʌ ora lac Yum tsi' wa'choco i p'olbal Leví cha'an mi' ch'ʌmob majlel jini Arca ba' lotol jini xuc'ul bʌ t'an i cha'an lac Yum. Tsi' wa'chocoyob cha'an mi' chʌn ajñelob ti' tojlel lac Yum, cha'an ja'el mi' subob i yutslel i pusic'al lac Yum che' bajche' woli' chʌn melob c'ʌlʌl wʌle.