Numeros 7:12 - Chol: I T’an Dios

¹² Awilan jini yumʌl tsa' bʌ i yʌc'ʌ majtañʌl che' ti ñaxan bʌ q'uin jiñʌch Naasón i yalobil Aminadab, loq'uem bʌ ti' p'olbal Judá.

Chol de Tumbalá Bible

¹² Awilan jini yumʌl tsa' bʌ i yʌc'ʌ majtañʌl che' ti ñaxan bʌ q'uin jiñʌch Naasón i yalobil Aminadab, loq'uem bʌ ti' p'olbal Judá.

Jiñi Tsiji' bʌ Wen T'añ cha'añ Estudio

¹² Jiñi yumʌl tsa' bʌ i yʌc'ʌ majtañʌl che' ti ñaxan bʌ q'uiñ jiñʌch Naasón i yalobil Aminadab, loq'uem bʌ ti' p'olbal Judá.

Numeros 7:12 Iomraidhean Croise

Genesis 35:22

Che' ya' chumul Israel ti ili lum, Rubén tsa' ñole yic'ot Bilha, yambʌ i yijñam i tat. Israel tsi' yubi chuqui tsi' mele. An lajchʌntiquil ch'iton bʌ i yalobilob Jacob.

Genesis 35:23

Jini ch'iton bʌ i yalobilob Lea jiñobʌch Rubén jini ascuñʌl bʌ, Simeón, Leví, Judá, Isacar, Zabulón.

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

Genesis 49:8

Judá, mi caj a q'uejlel ti ñuc ti' tojlel a pi'ʌlob. Mi caj a t'uchtan a contrajob. A pi'ʌlob mi caj i c'uchchocoñob i bʌ ba' añet.

Numeros 1:5

Jiñʌch i c'aba' tac jini lajchʌntiquil winicob mu' bʌ caj i coltañetob: Elisur (i yalobil Sedeur) loq'uem bʌ ti Rubén; Selumiel (i yalobil Zurisadai) loq'uem bʌ ti Simeón; Naasón (i yalobil Aminadab) loq'uem bʌ ti Judá; Natanael (i yalobil Zuar) loq'uem bʌ ti Isacar; Eliab (i yalobil Helón) loq'uem bʌ ti Zabulón; Elisama (i yalobil Amiud) loq'uem bʌ ti Efraín, i yalobil José; Gamaliel (i yalobil Pedasur) loq'uem bʌ ti Manasés, i yalobil José; Abidán (i yalobil Gedeoni) loq'uem bʌ ti Benjamín; Ahiezer (i yalobil Amisadaí) loq'uem bʌ ti Dan; Pagiel (i yalobil Ocrán) loq'uem bʌ ti Aser; Eliasaf (i yalobil Deuel) loq'uem bʌ ti Gad; Ahira (i yalobil Enán) loq'uem bʌ ti Neftalí.

Numeros 10:14

Ñaxan tsi' teche xʌmbal i p'olbalob Judá yic'ot i bandera. An ti' wenta Naasón i yalobil Aminadab cha'an mi' pʌyob majlel.

Numeros 2:3

Tsa' ajniyob ti mojt ti mojt che' bajche' iliyi: I p'olbal Judá tsa' ajniyob ti' tojel Tabernáculo ba' mi' pasel q'uin. I yum jiñʌch Naasón (i yalobil Aminadab). Ti pejtelel añob 74,600. I p'olbal Isacar tsa' ajniyob ti' t'ejl Judá. I yum jiñʌch Natanael (i yalobil Zuar). Ti pejtelel añob 54,400. I p'olbal Zabulón tsa' ajniyob ti' t'ejl Isacar. I yum jiñʌch Eliab (i yalobil Helón). Ti pejtelel añob 57,400. Ti pejtelel año' bʌ ti' tojlelob Judá jiñobʌch 186,400. Ñaxan tsa' majliyob jini uxmojt che' bʌ tsa' cajiyob ti xʌmbal majlel jini israelob. I p'olbal Rubén tsa' ajniyob ti' tojel Tabernáculo ti sur. I yum jiñʌch Elisur (i yalobil Sedeur). Ti pejtelel añob 46,500. I p'olbal Simeón tsa' ajniyob ti' t'ejl Rubén. I yum jiñʌch Selumiel (i yalobil Zurisadai). Ti pejtelel añob 59,300. I p'olbal Gad tsa' ajniyob ti' t'ejl Simeón. I yum jiñʌch Eliasaf (i yalobil Reuel). Ti pejtelel añob 46,650. Ti pejtelel año' bʌ yic'ot Rubén jiñobʌch 151,450. Ti wi'il tsa' majliyob ili uxmojt bʌ baqui ora tsi' techeyob xʌmbal Judá yic'ot jini año' bʌ ti' t'ejl. Wi'ilix mi' cajel ti xʌmbal jini levíjob woli bʌ i ch'ʌmob majlel jini Tabernáculo. Che' bʌ mi' cha'leñob xʌmbal, temel mi' majlelob ti mojt ti mojt che' bajche' añob ba' mi' jijlelob. Ti jujunmojt añob i bandera. I p'olbal Efraín tsa' ajniyob ti' tojel Tabernáculo ba' mi' bʌjlel q'uin. I yum jiñʌch Elisama (i yalobil Amiud). Ti pejtelel añob 40,500. I p'olbal Manasés tsa' ajniyob ti' t'ejl Efraín. I yum jiñʌch Gamaliel (i yalobil Pedasur). Ti pejtelel añob 32,200. I p'olbal Benjamín tsa' ajniyob ti' t'ejl Manasés. I yum jiñʌch Abidán (i yalobil Gedeoni). Ti pejtelel añob 35,400. Ti pejtelel año' bʌ yic'ot Efraín jiñobʌch 108,100. Wi'ilix tsi' cha'leyob xʌmbal che' ti' pat Rubén. I p'olbal Dan tsa' ajniyob ti' tojel Tabernáculo ti norte. I yum jiñʌch Ahiezer (i yalobil Amisadai). Ti pejtelel añob 62,700. I p'olbal Aser tsa' ajniyob ti' t'ejl Dan. I yum jiñʌch Pagiel (i yalobil Ocrán). Ti pejtelel añob 41,500. I p'olbal Neftalí tsa' ajniyob ti' t'ejl Aser. I yum jiñʌch Ahira (i yalobil Enán). Ti pejtelel añob 53,400. Ti pejtelelob año' bʌ ti norte jiñobʌch 157,600. Ti wi'il pat tsa' majliyob che' bʌ tsi' cha'leyob xʌmbal majlel jini israelob.

Numeros 7:11

Lac Yum tsi' sube Moisés: Yom mi' yʌc'ob majtañʌl jini ñuco' bʌ i ye'tel, jujuntiquil yumʌl ti jujump'ejl q'uin, che'en.

Numeros 7:13

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Mateo 1:4

I yalobil Aram jiñʌch Aminadab. I yalobil Aminadab jiñʌch Naasón. I yalobil Naasón jiñʌch Salmón.

Lucas 3:32

i tat Natán jiñʌch David, i tat David jiñʌch Isaí, i tat Isaí jiñʌch Obed, i tat Obed jiñʌch Booz, i tat Booz jiñʌch Salmón, i tat Salmón jiñʌch Naasón,