Numeros 7:10 - Chol: I T’an Dios

¹⁰ Jini ñuc bʌ yumʌlob tsi' ch'ʌmʌyob tilel majtañʌl tac ti jini jach bʌ q'uin che' bʌ tsa' aq'uenti Dios jini pulʌntib. Tsi' yʌq'ueyob i majtan lac Yum ya' ti pulʌntib.

Chol de Tumbalá Bible

¹⁰ Jini ñuc bʌ yumʌlob tsi' ch'ʌmʌyob tilel majtañʌl tac ti jini jach bʌ q'uin che' bʌ tsa' aq'uenti Dios jini pulʌntib. Tsi' yʌq'ueyob i majtan lac Yum ya' ti pulʌntib.

Jiñi Tsiji' bʌ Wen T'añ cha'añ Estudio

¹⁰ Jiñi ñuc bʌ yumʌlob tsi' ch'ʌmʌyob tilel majtañʌl tac ti jiñi jach bʌ q'uiñ che' bʌ tsa' ajq'ui ti' wenta Dios jiñi pulʌntib. Ti jujuntiquil tsi' yʌq'ueyob i majtañ lac Yum ya' ti pulʌntib.

Numeros 7:10 Iomraidhean Croise

2 Cronicas 7:9

Che' ti waxʌcp'ejlel q'uin tsi' cha' tempayob i bʌ pejtelel jini winicob, come wucp'ejl q'uin tsi' meleyob i q'uiñilel jini pulʌntib.

Nehemias 12:27

Che' bʌ tsa' aq'uenti Dios i ts'ajquil Jerusalén, tsi' sajcayob jini levíjob ti pejtelel i yajñib cha'an mi' wets'ob tilel ti Jerusalén, cha'an mi' yʌc'ob ti' wenta Dios i ts'ajquil Jerusalén. An ti' wenta cha'an mi' melob q'uin ti' tijicñʌyel i pusic'al, cha'an mi' subeñob Dios wocolix i yʌlʌ, cha'an mi' cha'lenob c'ay yic'ot música; címbalo tac, yic'ot arpa tac, yic'ot cítara tac.

Nehemias 12:43

Tsi' tsʌnsʌbeyob cabʌl i majtan tac Dios ti ili q'uin. Tsa' ñuc'ayob i pusic'al, come Dios tsi' yʌq'ueyob cabʌl i tijicñʌyel. Tsa' ñuc'ayob i pusic'al x'ixicob yic'ot alʌlob ja'el. Tsa' ñajti tsictiyi i t'an jini año' bʌ ti Jerusalén cha'an wen tijicñayob.

Salmos 30:1

C Yum, mi caj c sub a ñuclel, come tsa'ix a ñuq'uesʌbeyon c pusic'al. Tsa'ix a tiq'ui j contrajob. Ma'anic tsa' mʌjli i cha'añob.

Numeros 7:1

Che' bʌ tsa'ix ujti i wa'chocon jini Tabernáculo, Moisés tsi' tsijca ti aceite, yic'ot i bʌl yic'ot jini pulʌntib yic'ot chuqui tac mu' bʌ i c'ʌjñel ti pulʌntib. Tsi' laj ac'ʌ ti' wenta lac Yum.

Numeros 7:11

Lac Yum tsi' sube Moisés: Yom mi' yʌc'ob majtañʌl jini ñuco' bʌ i ye'tel, jujuntiquil yumʌl ti jujump'ejl q'uin, che'en.

Numeros 7:84

Pejtelel ili majtañʌl tac tsi' yʌc'ʌyob israelob che' bʌ tsa' aq'uenti Dios jini pulʌntib, jintacʌch iliyi: 12 colem latu melbil bʌ ti plata, jump'ejl kilo i yalel ti jujump'ejl; 12 jarra melbil bʌ ti plata, ojlil kilo i yalel ti jujump'ejl, che' ti pejtelel jiñʌch 18 kilo; 12 alʌ latu melbil bʌ ti oro 100 gramo ti jujump'ejl, ñumen ti jump'ejl kilo ti pejtelel.

Numeros 7:88

Jini majtañʌl (cha'an mi' yʌq'uentel wocolix i yʌlʌ Dios) jiñʌch chʌncojt i cha'c'al alʌ tat wacax yic'ot uxc'al tat tiñʌme', yic'ot uxc'al tat chivo, yic'ot uxc'al alʌ tat tiñʌme' an tac bʌ jujump'ejl i jabilel. Pejtelel iliyi jiñʌch majtañʌl tac tsa' bʌ aq'uenti Dios che' bʌ tsi' yʌq'ueyob jini pulʌntib.

Deuteronomio 20:5

Jini año' bʌ i ye'tel mi caj i subeñob jini soldadojob: “Mi an juntiquil winic tsa' bʌ i mele tsiji' bʌ i yotot maxto bʌ anic tsi' c'ʌñʌ, la' sujtic ti' yotot, ame chʌmic ya' ti guerra, ame ochic yambʌ i yum.