Numeros 7:1 - Chol: I T’an Dios

¹ Che' bʌ tsa'ix ujti i wa'chocon jini Tabernáculo, Moisés tsi' tsijca ti aceite, yic'ot i bʌl yic'ot jini pulʌntib yic'ot chuqui tac mu' bʌ i c'ʌjñel ti pulʌntib. Tsi' laj ac'ʌ ti' wenta lac Yum.

Chol de Tumbalá Bible

¹ Che' bʌ tsa'ix ujti i wa'chocon jini Tabernáculo, Moisés tsi' tsijca ti aceite, yic'ot i bʌl yic'ot jini pulʌntib yic'ot chuqui tac mu' bʌ i c'ʌjñel ti pulʌntib. Tsi' laj ac'ʌ ti' wenta lac Yum.

Jiñi Tsiji' bʌ Wen T'añ cha'añ Estudio

¹ Che' bʌ tsa'ix ujti i wa'chocon Moisés jiñi Tabernáculo, tsi' tsijca ti olivo aceite, tsi' sʌc-esa yic'ot pejtelel jiñi mu' bʌ i c'ʌjñel tac, che'ʌch tsi' tsijca ja'el jiñi pulʌntib yic'ot tsi' sʌc-esa pejtelel chuqui tac mi' c'ʌjñel.

Numeros 7:1 Iomraidhean Croise

Genesis 2:3

Dios tsi' yʌlʌ uts'at i wucp'ejlel q'uin. Tsi' q'uele ti ch'ujul. Come ti' wucp'ejlel q'uin tsi' c'aja i yo cha'an pejtel i ye'tel tsa' bʌ i mele.

1 Reyob 8:64

Ti jini jach bʌ q'uin jini rey tsi' yʌq'ue lac Yum jini patio am bʌ ti' tojel i yotot lac Yum cha'an ya' mi' pulbentel i majtan, come ch'o'ch'oc jax jini pulʌntib melbil bʌ ti bronce am bʌ ti' tojel lac Yum. Mach ochic ti pejtelel. Tsi' yʌq'ue lac Yum ja'el jini majtañʌl melbil bʌ ti trigo, yic'ot cha'an i ñʌch'tilel i pusic'al. Wen on jini majtañʌl.

Exodo 29:36

Ti jujump'ejl q'uin yom ma' tsʌnsan juncojt alʌ tat wacax cha'an i tojol mulil. Che' ma' wʌc' ti pulʌntib jini majtañʌl cha'an mulil mi caj c sʌq'uesan jini pulʌntib. Mi caj c boñe'.

Exodo 40:11

Che' ja'el yom ma' bon i yajñib ja', yic'ot i buchlib cha'an ch'ujul mi' yajñel ja'el.

Numeros 7:10

Jini ñuc bʌ yumʌlob tsi' ch'ʌmʌyob tilel majtañʌl tac ti jini jach bʌ q'uin che' bʌ tsa' aq'uenti Dios jini pulʌntib. Tsi' yʌq'ueyob i majtan lac Yum ya' ti pulʌntib.

Numeros 7:84

Pejtelel ili majtañʌl tac tsi' yʌc'ʌyob israelob che' bʌ tsa' aq'uenti Dios jini pulʌntib, jintacʌch iliyi: 12 colem latu melbil bʌ ti plata, jump'ejl kilo i yalel ti jujump'ejl; 12 jarra melbil bʌ ti plata, ojlil kilo i yalel ti jujump'ejl, che' ti pejtelel jiñʌch 18 kilo; 12 alʌ latu melbil bʌ ti oro 100 gramo ti jujump'ejl, ñumen ti jump'ejl kilo ti pejtelel.

Numeros 7:88

Jini majtañʌl (cha'an mi' yʌq'uentel wocolix i yʌlʌ Dios) jiñʌch chʌncojt i cha'c'al alʌ tat wacax yic'ot uxc'al tat tiñʌme', yic'ot uxc'al tat chivo, yic'ot uxc'al alʌ tat tiñʌme' an tac bʌ jujump'ejl i jabilel. Pejtelel iliyi jiñʌch majtañʌl tac tsa' bʌ aq'uenti Dios che' bʌ tsi' yʌq'ueyob jini pulʌntib.

Mateo 23:19

¡Tontojetla! ¡Xpots'etla! ¿Baqui bʌ ñumen ñuc? ¿Jim ba i majtan Dios o jim ba pulʌntib ba' mi' taj i c'ʌjñibal i majtan Dios?