Numeros 6:27 - Chol: I T’an Dios

²⁷ Mi caj i subob j c'aba' ti' tojlel israelob. Mi caj cʌq'ueñob i yutslel c t'an”, che'en lac Yum.

Chol de Tumbalá Bible

²⁷ Mi caj i subob j c'aba' ti' tojlel israelob. Mi caj cʌq'ueñob i yutslel c t'an”, che'en lac Yum.

Jiñi Tsiji' bʌ Wen T'añ cha'añ Estudio

²⁷ “Che'ʌch mi caj i su'bob ti ñuc j c'aba' ti' tojlel israelob, che' jiñi, joñon mi caj cʌq'ueñob i yutslel c t'añ.”

Numeros 6:27 Iomraidhean Croise

Genesis 32:26

Jini winic tsi' yʌlʌ: La'ix majlicon, come woli' sʌc'an pañimil, che'en. Jacob tsi' yʌlʌ: Ma'anic mi caj j cʌyet jinto ma' wʌq'ueñon i yutslel a t'an, che'en.

Genesis 32:29

Jacob tsi' c'ajtibe: Awocolic subeñon a c'aba', che'en. Tsi' yʌlʌ: ¿Chucoch wola' c'ajtibeñon j c'aba'? che'en. Tsi' yʌq'ue i yutslel i t'an ya'i.

2 Samuel 7:23

Ma'anic yambʌ tejclum c'uxbibil bʌ bajche' Israel wʌ' ti pañimil. Come tsa' loc'sa ti wocol cha'an mi' ñochtañet. Tsa' pʌyʌyob cha'an ma' wʌc' ti ñuc i c'aba'. Tsa' pʌsbeyob i yejtal tac a p'ʌtʌlel cha'an mi' bʌc'ñañetob. Tsa'ix a mʌñʌyob loq'uel ti' lumal Egipto. Tsa'ix a choco jubel yan tac bʌ tejclum yic'ot i diosob.

1 Cronicas 4:10

Jini Jabes tsi' pejca i Dios Israel ti oración: Awocolic aq'ueñon i yutslel a pusic'al. Coltañon ti que'tel. Yom ma' wajñel quic'ot ti pejtelel chuqui mic mel. Coltañon cha'an ma'anic mi' tajon mulil mi wocol. Che'ʌch tsi' c'ajtibe Jabes. Che' jini lac Yum tsi' yʌq'ue jini tsa' bʌ i c'ajtibe.

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Salmos 5:12

Come jatet mi caj a wʌq'uen i yutslel a t'an jini toj bʌ. C Yum, mi caj a joy mʌctan ti' yutslel a pusic'al i wenta mʌctʌjibʌl.

Salmos 67:7

Dios mi caj i pʌsbeñonla i yutslel. Mi caj i bʌc'ñañob Dios winicob x'ixicob c'ʌlʌl ti ñajt tac bʌ pañimil.

Exodo 6:3

Tsac pʌsʌ c bʌ ti' tojlelob Abraham, yic'ot Isaac yic'ot Jacob. Tsac tsictesʌbeyob j C'aba' cha'an Dioson Mach bʌ anic i P'isol c P'ʌtʌlel. Ma'anic tsac tsictesʌbeyob mi i Yumon. Jiñʌch yambʌ j C'aba', Yumʌlon.

Isaias 43:7

Mi caj i laj tilelob mu' bʌ i pejcañoñob ti' yum. Tsac meleyob cha'an mi' tsictesañob c ñuclel. C melbalob.

Jeremias 14:9

¿Chucoch ma' tʌts' a bʌ che' bajche' winic mach bʌ yujilic coltaya, che' bajche' laj contra mach bʌ mejlic i coltañonla? Pero wʌ' añet tic tojlel lojon, c Yum. A cʌñʌyonix lojon, a winicon lojon. Mach a cʌyon lojon.

Numeros 23:20

Awilan tsi' yʌq'ueyon tic wenta cha'an mi cʌq'ueñob i yutslel c t'an jini israelob. Come lac Yum tsa'ix i yʌq'ueyon i yutslel i t'an. Mach mejlic j q'uextan.

Mateo 28:19

Cucula che' jini. Sutq'uiñob ti xcʌnt'añob winicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, ti' c'aba' Ch'ujul bʌ Espíritu.

Efesios 1:3

La' sujbic i ñuclel Dios, i Tat lac Yum Jesucristo tsa' bʌ i yʌq'ueyonla ti lac majtan ya' ti panchan pejtel chuqui uts'at ti Cristo.

Deuteronomio 28:10

Che' jini pejtel jini yambʌ tejclum tac mi caj i q'uelob ñucʌch i p'ʌtʌlel lac Yum ti la' tojlel. Jini cha'an mi caj i bʌc'ñañet come i cha'añetla lac Yum.