Numeros 6:26 - Chol: I T’an Dios

²⁶ La' i q'uelet lac Yum ti uts'at. La' i yʌq'ueñet i ñʌch'tʌlel a pusic'al, che'etla.

Chol de Tumbalá Bible

²⁶ La' i q'uelet lac Yum ti uts'at. La' i yʌq'ueñet i ñʌch'tʌlel a pusic'al, che'etla.

Jiñi Tsiji' bʌ Wen T'añ cha'añ Estudio

²⁶ La' i q'uelet lac Yum ti uts'at yic'ot la' i yʌq'ueñet i ñʌch'tʌlel a pusic'al.”

Numeros 6:26 Iomraidhean Croise

Salmos 29:11

Lac Yum mi' yʌq'ueñob i p'ʌtʌlel i cha'año' bʌ. Lac Yum mi' yʌq'ueñob i ñʌch'tʌlel i pusic'al.

Salmos 37:37

Q'uele jini xuc'ul bʌ winic, jini toj bʌ. Tijicña mi' caj ti ajñel jini winic uts bʌ i pusic'al.

Salmos 4:6

Cabʌlob mi' yʌlob: ¿Majqui mi caj i pʌsbeñonla chuqui tac wen? che'ob. C Yum, q'ueleyon lojon ti uts'at.

Salmos 42:5

¿Chucoch ch'ijiyem c pusic'al? ¿Chucoch wulwulña c pusic'al? La' c pijtan Dios, come mach jalix mi caj c suben wocolix i yʌlʌ caj Coltaya Dios.

Salmos 44:3

Come mach ti' p'ʌtʌlelic i yespada tsi' ch'ʌmʌyob jini lum. Ma'anic tsa' mʌjli i cha'añob ti' bajñel p'ʌtʌlel. Pero ti' p'ʌtʌlel jini ñoj bʌ a c'ʌb jini wen yujil bʌ e'tel tsa' coltayob, Come tsa' pʌsbeyob i yutslel a pusic'al.

Salmos 89:15

Tijicñayob mu' bʌ i yubiñob i t'an trompeta, Come mi' yajñelob ti a sʌclel.

Isaias 26:12

C Yum, aq'ueñon lojon i ñʌch'tilel lojon c pusic'al, come tilem ti jatet pejtel c melbal lojon. Tsa' jach mejliyon lojon cha'an tsa' coltayon lojon.

Isaias 26:3

Jatet c Yum ma' cʌntʌben i pusic'al jini mu' bʌ i ñopet cha'an ñʌch'ʌl mi' yajñel mu' bʌ i chʌn ña'tañet.

Isaias 57:19

La' ñʌch'lec i pusic'al jini ñajt bʌ añob yic'ot jini lʌc'ʌl bʌ añob. Joñon mi caj c lajmesañob.

Miqueas 5:5

Jini xcʌntaya mi caj i yʌq'ueñonla i tijicñʌyel lac pusic'al. Che' mi' tilelob ti lac lumal jini asiriajob cha'an mi' jemob lac tejclum, mi caj i wa'chocon wuctiquil xcʌñañob cha'an mi' q'ueloñob, yic'ot waxʌctiquil ñuco' bʌ i ye'tel cha'an mi' toj'esañoñob.

Lucas 2:14

Tsi' yʌlʌyob: Wen ñuc Dios am bʌ ti panchan. Wʌ' ti pañimil woli' yʌq'uentelob i ñʌch'tilel i pusic'al winicob x'ixicob mu' bʌ i q'uejlelob ti uts'at ti Dios, che'ob.

Juan 14:27

Mic ñʌch'chocobeñetla la' pusic'al. Jiñʌch i ñʌch'tilel c pusic'al mu' bʌ cʌq'ueñetla. Mach lajalic bajche' mi la' taj ti pañimil. Mach la' mel la' pusic'al. Mach la' cha'len bʌq'uen.

Juan 16:33

Tsac subeyetla jini t'an cha'an mi la' taj i ñʌch'tilel la' pusic'al ti joñon. Ti pañimil mi caj la' taj wocol. La' ñuc'ac la' pusic'al, come tsac jisʌbe i yumʌntel pañimil, che'en.

Juan 20:21

Jesús tsi' cha' subeyob: La' ñʌch'lec la' pusic'al. Che' bajche' c Tat tsi' chocoyon tilel, che' ja'el mic choquetla majlel, che'en.

Juan 20:26

Tsa' ñumi waxʌcp'ejl q'uin. Cha' ya'ix añob xcʌnt'añob i cha'an ti' mal otot, ya'an Tomás yic'otob. Tsa' ochi Jesús che' ñup'ul i ti' otot. Ya' tsa' wa'le ti yojlilob. Jesús tsi' subeyob: La' ñʌch'lec la' pusic'al, che'en.

Hechos 10:36

Dios tsi' choco tilel i t'an ba'an israelob. Tsi' subeyob jini wen t'an cha'an mi' tajob i ñʌch'tilel i pusic'al ti Jesucristo, jiñʌch i Yum pejtelel winicob.

Hechos 2:28

Tsa'ix a pʌsbeyon i bijlel j cuxtʌlel. Mi caj a ñuq'uesan c pusic'al cha'an añet quic'ot”, che'en.

Romanos 15:13

Jini Dios mu' bʌ i yʌq'ueñonla lac pijtaya che' mi lac ñop, la' i bujt'esan la' pusic'al ti' tijicñʌyel yic'ot i ñʌch'tilel cha'an mi la' wen pijtan ti' p'ʌtʌlel Ch'ujul bʌ Espíritu.

Romanos 15:33

Jini Dios mu' bʌ i yʌq'ueñonla i ñʌch'tilel lac pusic'al la' ajnic la' wic'ot ti la' pejtelel. Amén.

Romanos 5:1

Dios tsa'ix i ñusʌbeyonla lac mul. Tsa'ix i yotsayonla ti' wenta cha'an tsa' lac ñopo Cristo. Ma'anix woli laj contrajin Dios, come tsi' yuts'esayonla lac Yum Jesucristo.

Efesios 6:23

La' aq'uenticob la quermanojob i ñʌch'tilel i pusic'al, yic'ot c'uxbiya, yic'ot i xuc'tilel i pusic'al ch'oyol bʌ ti Dios lac Tat yic'ot ti lac Yum Jesucristo.

Filipenses 4:7

Che' jini, i ñʌch'tʌlel la' pusic'al ch'oyol bʌ ti Dios mi caj i cʌntan la' pusic'al yic'ot la' ña'tʌbal ti Cristo Jesús. Ma'anic i p'isol i ñʌch'tʌlel lac pusic'al mu' bʌ i yʌq'ueñonla.

2 Tesalonicenses 3:16

Lac Yum mu' bʌ i yʌq'ueñonla i ñʌch'tilel lac pusic'al, la' i yʌq'ueñetla i ñʌch'tilel la' pusic'al ti pejtelel ora bajche' jach añetla. La' ajnic lac Yum la' wic'ot ti la' pejtelel.