Numeros 6:20 - Chol: I T’an Dios

²⁰ Mi caj i jʌmts'un jini majtañʌl tic tojlel, ch'ujul ti' pejtelel. Jini jʌmts'ubil bʌ i bʌc'tal i tajn tat tiñʌme' yic'ot i quejlab i cha'añʌch motomaj cha'an i ye'tel. Ti wi'il mi mejlel i cha' jap vino jini winic, come loq'uemix ti' ye'tel ti nazareo, come tsa'ix ts'ʌctiyi ja'el i ye'tel.

Chol de Tumbalá Bible

²⁰ Mi caj i jʌmts'un jini majtañʌl tic tojlel, ch'ujul ti' pejtelel. Jini jʌmts'ubil bʌ i bʌc'tal i tajn tat tiñʌme' yic'ot i quejlab i cha'añʌch motomaj cha'an i ye'tel. Ti wi'il mi mejlel i cha' jap vino jini winic, come loq'uemix ti' ye'tel ti nazareo, come tsa'ix ts'ʌctiyi ja'el i ye'tel.

Jiñi Tsiji' bʌ Wen T'añ cha'añ Estudio

²⁰ Jiñi motomaj mi caj i yʌq'ueñon che' bajche' jʌmts'ubil bʌ majtañʌl tic tojlel, jiñʌch ch'ujul bʌ, mu' bʌ i yʌq'uentel jiñi motomaj jiñʌch i jʌmts'ubil bʌ i bʌc'tal i tajñ yic'ot i ya' jiñi tat tʌñʌme'. Ti wi'il jiñi nazareo muq'uix i mejlel i jap i ya'lel ts'usub.”

Numeros 6:20 Iomraidhean Croise

Eclesiastes 9:7

Jini cha'an, cucu, cha'len we'el yic'ot uch'el yic'ot i tijicñʌyel a pusic'al. Come tsa'ix i q'uele Dios pejtel a melbal.

Isaias 25:6

I Yum Panchan yic'ot Pañimil mi caj i chajpan q'uiñijel wʌ' ti Jerusalén ti Sion wits. Mi caj i pʌy tilel jini ñajt bʌ ch'oyolob cha'an mi' c'uxob sumuc bʌ i bʌl i ñʌc' yic'ot yajcʌbil bʌ we'elʌl, cha'an mi' japob vino am bʌ i jabilel.

Isaias 35:10

Wen tijicñayob i pusic'al mi caj i sujtelob jini mʌmbilo' bʌ i cha'an lac Yum. Cha' talob ti jini bij cha'an mi' majlelob ti Sion. Ti pejtelel ora tijicña mi caj i yubiñob. Mi' cajelob ti c'ay. Mi caj i lajmel wocol yic'ot c'amʌjel.

Levitico 10:15

Mi caj i ch'ʌmob tilel jini i ya' yic'ot i tajn tsa' bʌ aq'uenti lac Yum che' bʌ tsa' puli i lewil. Che' bʌ tsa'ix i jʌmts'uyob ti' tojlel lac Yum mi caj la' ch'ʌm yic'ot la' pi'ʌlob, come che'ʌch tsi' yʌc'ʌ mandar lac Yum, che'en Moisés.

Levitico 7:30

Ti' c'ʌb la' i chuc tilel jini majtañʌl mu' bʌ caj i pulbeñon. Yom mi' ch'ʌmbeñon tilel i lewil am bʌ ti' tajn cha'an mi' jʌmts'untel tic tojlel ba'an jini pulʌntib.

Levitico 7:31

Jini motomaj mi caj i pulbeñon i lewil ya' ti pulʌntib, pero jini i tajn i cha'añʌch Aarón yic'ot i yalobilob.

Levitico 7:32

Yom mi la' wʌq'uen jini motomaj i bʌc'tal i pat am bʌ ti' tojel i ñoj cha'an mi' c'ux. I cha'añʌch jini motomaj mu' bʌ i yʌq'ueñon majtañʌl cha'an wocolix cʌlʌ.

Levitico 7:34

Come joñon woli cʌq'ueñob motomajob i tajn c majtan mu' bʌ i jʌmts'untel yic'ot i bʌc'tal i pat mu' bʌ i yʌq'ueñoñob jini israelob. Tsa cʌq'ueyob ti' wenta jini motomaj Aarón yic'ot i yalobilob. Che'ʌch yom ti pejtelel ora.

Levitico 9:21

Pero i bʌc'tal i tajn yic'ot i pechquen am bʌ ti' ñoj, tsi' jʌmts'u Aarón. Jiñʌch jʌmts'ubil bʌ i majtan lac Yum, che' bajche' tsi' yʌc'ʌ mandar Moisés.

Zacarias 10:7

Mi caj i q'uejlelob ti ñuc che' bajche' soldado mu' bʌ i mʌjlel i cha'an. Mi caj i wen ñuc'an i pusic'al che' bajche' ti vino. I yalobilob mi caj i q'uelob. Mi caj i yubiñob i tijicñʌyel ja'el. Mi caj i tajob i tijicñʌyel i pusic'al ti lac Yum.

Zacarias 9:15

I Yum Panchan yic'ot Pañimil mi caj i cʌntan i tejclumob. Jini israelob mi caj i mʌjlel i cha'añob. Mi' cajelob ti oñel che' bajche' xyʌc'ajelob. Cabʌl mi caj i bejq'uel i ch'ich'el i contrajob.

Zacarias 9:17

Ti jim bʌ ora c'ax uts'atax jini pañimil. Wen chumulob ti pejtelelob. I yonlel trigo yic'ot tsijib vino mi caj i tijicñesʌbeñob i pusic'al jini ch'iton winicob yic'ot xch'ocob.

Numeros 18:18

Jini i bʌc'tal a cha'añʌch, yic'ot pejtelel jini jʌmts'ubil bʌ tic tojlel. Jini i bʌc'tal i tajn jini alʌc'ʌl yic'ot i bʌc'tal i pat am bʌ ti' ñoj, a cha'añʌch ja'el.

Numeros 5:25

Jini motomaj mi caj i ch'ʌmben jini majtañʌl chucbil bʌ ti' c'ʌb jini x'ixic. Mi caj i jʌmts'un tic tojlel. Mi caj i yʌc' ya' ti pulʌntib.

Numeros 6:21

Jiñʌch ili mandar tac cha'an jini nazareo yic'ot cha'an jini majtañʌl mu' bʌ i yʌc' che' mi' loq'uel ti' ye'tel che' ts'ʌctiyemix. Ts'ʌcʌl yom mi' yʌq'ueñon ti pejtelel che' bajche' tsi' subeyon che' bʌ tsa' ochi ti nazareo. Che' tsi' yʌlʌ lac Yum.

Mateo 26:29

Pero mic subeñetla, ma'anix mic chʌn jap i ya'lel ts'usub jinto che' temel quic'otetla mic jap jini tsiji' bʌ ti' yumʌntel c Tat, che'en Jesús.

Marcos 14:25

Isujm mic subeñetla, ma'anic mic chʌn jap i ya'lel ts'usub jinto mi' tilel jini q'uin che' mic jap jini tsiji' bʌ ti' yumʌntel Dios, che'en Jesús.

Juan 19:30

Che' bʌ tsa'ix i ch'ʌmʌ jini vinagre Jesús, tsi' yʌlʌ: Tsa'ix ts'ʌctiyi, che'en. Tsi' ju'sa i jol. Tsi' yʌc'ʌ ti loq'uel i ch'ujlel.