Numeros 5:9 - Chol: I T’an Dios

^9-10 Pejtelel jini majtañʌl tac yic'ot ch'ujul tac bʌ mu' bʌ i yʌc'ob jini israelob, i cha'añʌch jini motomajob, che'en lac Yum Dios.

Chol de Tumbalá Bible

^9-10 Pejtelel jini majtañʌl tac yic'ot ch'ujul tac bʌ mu' bʌ i yʌc'ob jini israelob, i cha'añʌch jini motomajob, che'en lac Yum Dios.

Jiñi Tsiji' bʌ Wen T'añ cha'añ Estudio

⁹ “Baqui jach bʌ majtañʌl tac ch'ujul bʌ mu' bʌ i yʌc'ob i yalobilob Israel, i cha'añʌch jiñi motomajob.

Numeros 5:9 Iomraidhean Croise

Exodo 29:28

I cha'añʌch Aarón yic'ot i yalobilob yom bʌ mi' yʌq'uentelob cha'an israelob ti pejtelel ora. Jiñʌch pulbil bʌ c majtan mu' bʌ i yʌc' jini israelob cha'an mi' yʌq'ueñoñob wocolix cʌlʌ.

Levitico 10:13

Jini cha'an yom mi la' c'ux ya' ti Ch'ujul bʌ Ajñibʌl, come jiñʌch tsa' bʌ aq'uentiyetla mi la' c'ux, jatetla yic'ot ch'iton bʌ la' walobilob. Loq'uemʌch ti pulbil tac bʌ i majtan lac Yum che' bajche' tsi' subeyon.

Levitico 10:14

Pero i bʌc'tal i tajn yic'ot i ya' jʌmts'ubil bʌ ti' tojlel lac Yum mi mejlel la' c'ux jatet, yic'ot ch'iton bʌ yic'ot xch'oc bʌ la' walobilob baqui jach la' wom ya' ba' sʌc pañimil. La' cha'añʌch cha'an i bʌl la' ñʌc'. Loq'uemʌch ti' majtan lac Yum mu' bʌ i yʌq'ueñob i tijicñʌyel i pusic'al winicob x'ixicob.

Levitico 10:15

Mi caj i ch'ʌmob tilel jini i ya' yic'ot i tajn tsa' bʌ aq'uenti lac Yum che' bʌ tsa' puli i lewil. Che' bʌ tsa'ix i jʌmts'uyob ti' tojlel lac Yum mi caj la' ch'ʌm yic'ot la' pi'ʌlob, come che'ʌch tsi' yʌc'ʌ mandar lac Yum, che'en Moisés.

Levitico 6:26

Jini motomaj mu bʌ i yʌc' jini majtañʌl cha'an mulil mi caj i c'uxe' ya' ti ch'ujul bʌ ajñibʌl ti' pat jini pisil bʌ cotot ba' mi lac tempan lac bʌ.

Levitico 7:32

Yom mi la' wʌq'uen jini motomaj i bʌc'tal i pat am bʌ ti' tojel i ñoj cha'an mi' c'ux. I cha'añʌch jini motomaj mu' bʌ i yʌq'ueñon majtañʌl cha'an wocolix cʌlʌ.

Levitico 7:34

Come joñon woli cʌq'ueñob motomajob i tajn c majtan mu' bʌ i jʌmts'untel yic'ot i bʌc'tal i pat mu' bʌ i yʌq'ueñoñob jini israelob. Tsa cʌq'ueyob ti' wenta jini motomaj Aarón yic'ot i yalobilob. Che'ʌch yom ti pejtelel ora.

Numeros 18:19

Pejtelel jini ch'ujul tac bʌ majtañʌl mu' bʌ i yʌq'ueñoñob jini israelob tsa'ix cʌq'ueyetla ti la' wenta, yic'ot ti' tojlel jini ch'iton bʌ yic'ot xch'oc bʌ la' walobilob. Che'ʌch yom melol ti pejtelel ora. Yom chʌn c'ajal la' cha'an, come jiñʌch c trato woli bʌ cʌq'ueñet yic'ot a walobilob c'ʌlʌl ti pejtelel ora, che'en lac Yum Dios.

Numeros 31:41

Pejtelel i cha'an bʌ lac Yum Dios tsa' aq'uenti jini motomaj Eleazar che' bajche' lac Yum tsi' sube Moisés.

Numeros 5:8

Pero mi tsa' chʌmi jini winic tsa' bʌ tic'lʌnti, mi ma'anix lʌc'ʌl bʌ i pi'ʌl, la' aq'uentic jini motomaj i tojol tic wut. La' aq'uentic jini motomaj juncojt i tat tiñʌme' cha'an mi' ñusʌbentel i mul.

Deuteronomio 12:26

Pero yom mi la' ch'ʌmben majlel lac Yum jini ch'ujul bʌ majtañʌl yic'ot jini ofrenda tac tsa' bʌ la' wʌlʌ mu' bʌ caj la' wʌq'uen lac Yum. Yom mi la' ch'ʌm majlel ti' yajñib lac Yum yajcʌbil bʌ i cha'an.