Numeros 5:27 - Chol: I T’an Dios

²⁷ Mi isujmʌch tsi' mucu mele i mul ti' tojlel i ñoxi'al, jini ch'aj bʌ ja' mi caj i yochel ti' mal cha'an mi' yʌq'uen i wocol. Mi caj i sijt'el i mal i ñʌc'. Mi caj i laj c'un'an i bʌc'tal. Jini x'ixic chocbil mi caj i cʌytʌl. Mi caj i ts'a'lentel cha'an i pi'ʌlob.

Chol de Tumbalá Bible

²⁷ Mi isujmʌch tsi' mucu mele i mul ti' tojlel i ñoxi'al, jini ch'aj bʌ ja' mi caj i yochel ti' mal cha'an mi' yʌq'uen i wocol. Mi caj i sijt'el i mal i ñʌc'. Mi caj i laj c'un'an i bʌc'tal. Jini x'ixic chocbil mi caj i cʌytʌl. Mi caj i ts'a'lentel cha'an i pi'ʌlob.

Jiñi Tsiji' bʌ Wen T'añ cha'añ Estudio

²⁷ mi isujmʌch bi'bi' yic'ot mi mach xuc'ulic ti' tojlel i ñoxi'al, jiñi ja' mu' bʌ i yʌc' wocol mi caj i yochel ti' mal i ñʌc' cha'añ mi' yʌq'ueñ i wocol, mi caj i sijt'el i mal i ñʌc', mi caj i yochel ti to'ol wa'al bʌ x'ixic, che' jiñi, jiñi x'ixic chocbil mi caj i cʌytʌl ti' tojlel i pi'ʌlob.

Numeros 5:27 Iomraidhean Croise

Salmos 109:18

Mi' cha'len p'ajoñel che' bajche' mi' xoj i bujc, che' bajche' mi' cha'len we'el uch'el.

Eclesiastes 7:26

An x'ixic yujil bʌ lotiya mu' bʌ i pʌy winicob yic'ot i ts'i'lel. Ñumen uts'at muq'uic i chʌmelob jini winicob. Wen ch'aj tsa cubibe i p'ʌtʌlel. I wentajʌch yac jini x'ixic cha'an mi' chuc winicob. Cadena tac i c'ʌb yilal cha'an mi' ñup'ob. Jini winic mu' bʌ i mel chuqui yom Dios mi caj i coltʌntel ame chujquic ti' jontolil, pero muq'uix i yochelob xmulilob ti' p'ʌtʌlel.

Isaias 65:15

Mi caj i ña'tintel la' c'aba' che' bajche' p'ajoñel ti' tojlel jini yajcʌbilo' bʌ c cha'an, che'en. Lac Yum Dios mi caj i yʌq'uetla ti tsʌnsʌntel. Pero mi caj i yotsʌbeñob yambʌ i c'aba' jini x'e'telob i cha'an.

Jeremias 24:9

Mi caj cʌc'ob ti pam pujquel ti pejtelel pañimil ba' ma'anic i lum. Ts'a' mi caj i q'uejlelob. Mi caj i chojquelob loq'uel ti jujump'ejl lum. Mi caj i yubiñob wocol yic'ot wajlentel. Mi caj i tic'lʌntelob. Mi caj i p'ajtʌlob baqui jach mic pucob.

Jeremias 29:18

Mi caj c pam pucob ti pañimil. Baqui jach mic chocob mi caj i ts'a'lentelob, mi caj i p'ajtʌlob

Jeremias 29:22

Cha'an ti' caj i lot ili cha'tiquil mi' cajelob ti p'ajoñel pejtel i pi'ʌlob año' bʌ ti ñajt bʌ lum tsa' bʌ cʌjchiyob loq'uel ti Judá. Mi caj i yʌlob: “La' i melet che' bajche' Sedequías yic'ot Acab tsa' bʌ ajq'uiyob ti pojpontel ti c'ajc cha'an jini rey ti Babilonia”. Che'ʌch mi' cajelob ti p'ajoñel.

Jeremias 42:18

Che' bajche' tsac chocbeyob tilel wocol jini chumulo' bʌ ti Jerusalén che' wen mich'on, che' ja'el mi caj c mich'leñetla che' mi la' majlel ti Egipto. Junyajlel ch'ijiyem mi caj la' cʌytʌl. Mi caj la' p'ajtʌl. Mi caj la' wʌ'lentel. Ma'anix mi caj la' chʌn q'uel la' lumal”. Che' woli' yʌl lac Yum.

Jeremias 44:12

Tsa' tiliyob ti Egipto cha'an che'ʌch yomob i bajñel pusic'al. Mi caj cʌc'ob ti wocol. Wʌ' ti Egipto mi caj i laj jilelob. Mi caj i laj chʌmelob ti espada yic'ot ti wi'ñal, jini ñuco' bʌ yic'ot jini ch'o'ch'oco' bʌ. Mi caj i ts'a'lentelob, mi caj i yʌ'lentelob, mi caj i p'ajtʌlob.

Zacarias 8:13

Ti yambʌ ora pam pujquemob i p'olbal Judá yic'ot Israel ti' tojlel yan tac bʌ tejclum tsa' bʌ i p'ajayetla. P'ump'uñetla. Pero wʌle mach chʌn che'ix. Mi caj j coltañetla cha'an mi la' taj pejtel chuqui yom. Jini cha'an mach la' chʌn cha'len bʌq'uen. Chʌn melela jini Templo, che'en lac Yum.

Numeros 5:20

Pero mi tsa' loq'uiyet ti' tojlel a ñoxi'al, mi tsa' mele a ts'i'lel, mi tsa' pi'le yambʌ winic, yom ma' sub a bʌ wʌle ti' tojlel Dios.

Numeros 5:28

Pero mi ma'anic tsi' cha'le mulil jini x'ixic, mi sʌcʌch, ma'anic chuqui mi caj i tumben. Libre mi' cʌytʌl cha'an pejtelel wocol. Uts'at mi caj i cʌntan i yalobilob.

Romanos 6:21

¿Chuqui tsa' la' taja ti mulil, che' jini? Wʌle che' mi la' cha' ña'tan la' mul, mi la' cha'len quisin, come la' wujilix mi' chʌmelob jini mu' bʌ i cha'leñob mulil che' bajche' jini.

2 Corintios 2:16

Che' mi' yubiñob jini sajtemo', mi' ña'tañob woli' majlelob ti toj mulil. Che' mi' yubiñob jini año' bʌ i cuxtʌlel, mi' ña'tañob añʌch i cuxtʌlel. ¿Majqui an i p'ʌtʌlel cha'an mi' bajñel mel jini e'tel?

Deuteronomio 28:37

Bʌbʌq'uen mi caj a wubin. Mi caj i wajleñetob. Mi caj i ts'a'leñetob jini winicob x'ixicob ti yan tac bʌ tejclum, ya' ba' mi caj i pʌyet majlel lac Yum.

2 Pedro 2:10

Cojco jini mu' bʌ i jac'beñob i colosojlel i pusic'al yic'ot i bibi'lel, mu' bʌ i ts'a'leñob año' bʌ i ye'tel. Ch'ejl mi' melob i bʌ. Mi' melob bajche' jach yomob ti' bajñel pusic'al. Ma'anic mi' bʌc'ñañob i cha'len t'an ti' contra jini año' bʌ i ñuclel ti panchan.