Numeros 5:18 - Chol: I T’an Dios

¹⁸ Jini motomaj muq'uix i suben wa'tʌl jini x'ixic tic tojlel. Che' jini mi' ticben i jol jini x'ixic. Mi' yʌq'uen i chuc jini cebada mu' bʌ i yʌc' ti ña'tʌntel i mul che' tsʌytsʌyña i pusic'al i ñoxi'al. Jini motomaj yom chucbil i cha'an jini vaso but'ul bʌ ti ch'aj bʌ ja' mu' bʌ i yʌc' ti wocol jini am bʌ i mul.

Chol de Tumbalá Bible

¹⁸ Jini motomaj muq'uix i suben wa'tʌl jini x'ixic tic tojlel. Che' jini mi' ticben i jol jini x'ixic. Mi' yʌq'uen i chuc jini cebada mu' bʌ i yʌc' ti ña'tʌntel i mul che' tsʌytsʌyña i pusic'al i ñoxi'al. Jini motomaj yom chucbil i cha'an jini vaso but'ul bʌ ti ch'aj bʌ ja' mu' bʌ i yʌc' ti wocol jini am bʌ i mul.

Jiñi Tsiji' bʌ Wen T'añ cha'añ Estudio

¹⁸ Jiñi motomaj muq'uix i su'ben wa'tʌl jiñi x'ixic ti' tojlel lac Yum, che' jiñi mi' ticben i tsutsel i jol jiñi x'ixic yic'ot mi yʌq'ueñ i chuc jiñi majtañʌl cha'añ mich' i pusic'al i ñoxi'al cha'añ mi' yʌc' ti cʌjñel mulil. Jiñi motomaj mi caj i chuc jiñi vaso but'ul bʌ ti ch'aj bʌ ja' mu' bʌ i yʌc' ti wocol jiñi am bʌ i mul.

Numeros 5:18 Iomraidhean Croise

Proverbios 5:4

Ch'aj bajche' xch'ajte' mi' yubin majqui jach mi' pi'len jini x'ixic. Mi' jejq'uel i pusic'al che' bajche' ti espada cha'wejl bʌ i yej.

Eclesiastes 7:26

An x'ixic yujil bʌ lotiya mu' bʌ i pʌy winicob yic'ot i ts'i'lel. Ñumen uts'at muq'uic i chʌmelob jini winicob. Wen ch'aj tsa cubibe i p'ʌtʌlel. I wentajʌch yac jini x'ixic cha'an mi' chuc winicob. Cadena tac i c'ʌb yilal cha'an mi' ñup'ob. Jini winic mu' bʌ i mel chuqui yom Dios mi caj i coltʌntel ame chujquic ti' jontolil, pero muq'uix i yochelob xmulilob ti' p'ʌtʌlel.

Isaias 38:17

C Yum, che' c'amon wen ch'ijiyemon, pero tsa' wʌq'ueyon wocol cha'an mic taj i ñʌch'tʌlel c pusic'al. Ti' yutslel a pusic'al cha' techeyon ame chʌmicon. Tsa' laj ñusʌbeyon c mul.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Levitico 13:45

Juntiquil winic am bʌ leco bʌ i tsoy wersa mi caj i tsil i bujc. Che' jax wajtsuc'tic yom i jol. La' i pʌch'cʌm i pʌchʌlel i yej am bʌ ti chan. La' i yʌl: “Bibi'onix, an leco bʌ c tsoy”.

Numeros 5:17

Jini motomaj mi' ch'ʌm jini vaso but'ul bʌ ti ch'ujul bʌ ja'. Mi' ch'ʌm ja'el jini ts'ubejn am bʌ ti lum ti' mal jini Tabernáculo. Mi' yotsan yic'ot jini ja'.

Numeros 5:19

Jini motomaj mi caj i suben jini x'ixic: “Mi isujm ma'anic majch tsa' tots'le a wic'ot, mi ma'anic tsa' mele a ts'i'lel, coltʌbiletix wʌle che' ma' jap ili ch'aj bʌ ja' mu' bʌ i yʌc' ti ña'tʌntel a mul.

1 Corintios 11:15

Mach che'ic x'ixic. Mi tam i jol i t'ojol jax, come aq'uebil i tsutsel i jol cha'an i mosil.

1 Corintios 11:6

Mi ma'anic mi' mos i jol x'ixic, la' laj sejt'ic i jol. Mi quisintic mi' yubin che' set'bil i jol yic'ot che' jujchibil, la' i mos i jol.

Deuteronomio 29:18

Chʌcʌ q'uele la' bʌ ame anic winic mi x'ixic, mi xchumtʌl mu' bʌ i cʌy i tsajcan lac Yum Dios cha'an mi' ch'ujutesan jini dios tac c'uxbibil bʌ i cha'añob. Chʌcʌ q'uele la' bʌ ame tejchic chuqui leco ti la' pusic'al, ame sujtiquet che' bajche' jini te' mu' bʌ i yʌc' i venenojlel.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

1 Samuel 15:32

Samuel tsi' yʌlʌ: Pʌybeñon tilel Agag i rey amalecob, che'en. C'unte' tsa' c'oti ba'an Samuel jini Agag. Tijicña i wut che' bʌ tsi' yʌlʌ: Melel, ma'anix bʌq'uen. Tsa'ix ñumi i yorajlel chʌmel, che'en.