Numeros 4:16 - Chol: I T’an Dios

¹⁶ Pero an ti' wenta Eleazar i yalobil motomaj Aarón cha'an mi' q'uel jini aceite am bʌ ya' ti lámpara, yic'ot jini pom, yic'ot jini majtañʌl tac melbil bʌ ti trigo, yic'ot jini aceite mu' bʌ i c'ʌjñel cha'an bojñibʌl. Mi caj i q'uel pejtelel i bʌl jini Tabernáculo yic'ot x'e'telob. Che' tsi' yʌlʌ lac Yum.

Chol de Tumbalá Bible

¹⁶ Pero an ti' wenta Eleazar i yalobil motomaj Aarón cha'an mi' q'uel jini aceite am bʌ ya' ti lámpara, yic'ot jini pom, yic'ot jini majtañʌl* tac melbil bʌ ti trigo, yic'ot jini aceite mu' bʌ i c'ʌjñel cha'an bojñibʌl. Mi caj i q'uel pejtelel i bʌl jini Tabernáculo yic'ot x'e'telob. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹⁶ Pero añ ti' wenta Eleazar i yalobil motomaj Aarón cha'añ mi' q'uel jiñi olivo aceite am bʌ ya' ti lámpara, yic'ot jiñi pom, yic'ot jiñi majtañʌl tac, yic'ot jiñi olivo aceite mu' bʌ i c'ʌjñel cha'añ bojñibʌl. Mi caj i cʌntan jiñi Tabernáculo yic'ot pejtelel chuqui añ ti' mal yic'ot pejtelel jiñi mu' bʌ i c'ʌjñel ti jiñi Ch'ujul bʌ Ajñibʌl.”

Numeros 4:16 Iomraidhean Croise

Exodo 30:22

Lac Yum Dios tsi' chʌn pejca Moisés: Yom ma' taj xojocña bʌ perfume, jiñʌch ñumen wen tac bʌ, che' bajche' mirra ñumen wen bʌ, yom ti cha'p'ejl mil peso. Yom ojlil che' bajche' jini xojocña bʌ canela che' bajche' jump'ejl mil peso. Yom jump'ejl mil peso ja'el jini xojocña bʌ cálamo.

Exodo 31:11

Pejtelel jini tsa' bʌ c subeyet, cha'an jini aceite, cha'an bojñibʌl yic'ot jini xojocña bʌ pom, cha'an mi' c'ʌjñel ya' ti Ch'ujul bʌ Ajñibʌl, jiñob mi caj i laj melob. Che' tsi' yʌlʌ lac Yum.

Exodo 37:29

Che' ja'el tsi' c'ʌñʌ i ña'tʌbal cha'an mi' chajpan ch'ujul bʌ aceite cha'an bojñibʌl. Tsi' mele uts'at bʌ xojocña bʌ pom ja'el.

Levitico 24:1

Lac Yum tsi' sube Moisés: Yom ma' subeñob pejtelel jini israelob cha'an mi' ch'ʌmbeñetob tilel jini aceite loc'sʌbil bʌ ti olivote', cha'an ma' c'ʌn a ts'ʌb c'ajc ti pejtelel ora ya' ti cotot.

Numeros 4:17

Lac Yum tsi' subeyob Moisés yic'ot Aarón: Chʌcʌ q'uele la' bʌ cha'an ma'anic mi' chʌmelob i yalobilob Coat. Jiñʌch yom bʌ mi la' mel cha'an ma'anic mi' chʌmelob che' mi' lʌc'tesañob i bʌ ya' ti jini ch'ujul bʌ Tabernáculo. Aarón yic'ot i yalobilob mi caj i pʌsbeñob i ye'tel mu' bʌ caj i melob ti jujuntiquil.

Lucas 4:18

“An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

1 Corintios 4:1

La' i ña'tañob winicob x'e'telon lojon i cha'an Cristo. Xcʌntayajon lojon cha'an i sujmlel Dios mach bʌ tsictiyemic ti yambʌ ora.

1 Timoteo 2:5

Come juntiquil jach Dios yic'ot juntiquil jach la caj ñusa t'an ti' tojlel Dios, jiñʌch jini winic Cristo Jesús.

Hebreos 3:1

Jini cha'an ch'ujul bʌ hermanojob, jatetla woli bʌ la' pʌjyel ti Dios, q'uelela Cristo Jesús, jini chocbil bʌ tilel. Jiñʌch c'ax ñuc bʌ motomaj lac cha'an mu' bʌ lac ñop.

Hebreos 3:6

Pero Cristo i Yalobilʌch Dios. Mi' cʌntan ti xuc'ul i cha'año' bʌ Dios. Tsiquil che' jini, i cha'añonla Dios mi c'ʌlʌl ti' jilibal chʌn lotol ti lac pusic'al chuqui tsa' lac ñopo, mi xuc'ul mi lac pijtan ti' tijicñʌyel lac pusic'al.

1 Pedro 2:25

Ti yambʌ ora tsa' sajtiyetla che' bajche' tiñʌme', pero tsa' la' sutq'ui la' bʌ cha'an mi la' tsajcan majlel jini Xcʌnta tiñʌme', jini Xcʌntaya mu' bʌ i coltan la' ch'ujlel.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.