Numeros 4:15 - Chol: I T’an Dios

¹⁵ Aarón yic'ot i yalobilob mi caj i pixob jini Ch'ujul bʌ Ajñibʌl, yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl. Che' laj pixbilix mi caj i tilelob i yalobilob Coat cha'an mi' ch'ʌmob majlel che' mi' techob i xʌmbal. Pero mach mejlic i tʌlob jini ch'ujul tac bʌ ame chʌmicob. Jiñʌch ch'ujul bʌ i ye'tel i p'olbal Coat.

Chol de Tumbalá Bible

¹⁵ Aarón yic'ot i yalobilob mi caj i pixob jini Ch'ujul bʌ Ajñibʌl, yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl. Che' laj pixbilix mi caj i tilelob i yalobilob Coat cha'an mi' ch'ʌmob majlel che' mi' techob i xʌmbal. Pero mach mejlic i tʌlob jini ch'ujul tac bʌ ame chʌmicob. Jiñʌch ch'ujul bʌ i ye'tel i p'olbal Coat.

Jiñi Tsiji' bʌ Wen T'añ cha'añ Estudio

¹⁵ Ti wi'il Aarón yic'ot i yalobilob, che' bʌ tsa'ix ujti i mosob jiñi Ch'ujul bʌ Ajñibʌl yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl, che' muq'uix cajel i techob i xʌmbal jiñi israelob, mi caj i tilelob i yalobilob Coat cha'añ mi' ch'ʌmob majlel, pero mach yomic mi' tʌlob jiñi ch'ujul tac bʌ, ame chʌmicob. Jiñi e'tel mu' bʌ caj i melob i p'olbalob Coat jiñʌch cha'añ mi' ch'ʌmob majlel jiñi Tabernáculo ba' mi la' tempan la' bʌ.

Numeros 4:15 Iomraidhean Croise

2 Samuel 15:24

Tsa' majli Sadoc ja'el yic'ot pejtelel jini levíjob woli bʌ i q'uechob majlel jini Arca ba' lotol Xuc'ul bʌ i T'an lac Yum. Tsa' poj wa'leyob yic'ot jini Arca ti' tojlel Abiatar jinto tsa' laj loq'uiyob winicob ti tejclum.

2 Samuel 6:13

Che' an jax to wʌcxajc tsi' yʌc'ʌyob i yoc jini woli bʌ i q'uechob majlel jini Arca, tsa' wa'leyob ti bij. David tsa' caj i tsʌnsʌben i majtan lac Yum, juncojt tat wacax yic'ot tat tiñʌme'.

1 Reyob 8:3

Che' jini tsi' cha'leyob q'uiñijel. Jini motomajob tsi' ch'ʌmʌyob tilel jini Arca yic'ot pejtel jini ch'ujul bʌ e'tijibʌl tac am bʌ ti' mal jini Tabernáculo.

1 Cronicas 15:15

Jini levíjob tsa' caji i q'uechob tilel jini Arca ti' quejlab yic'ot cha'ts'ijt te', che' bajche' tsi' wʌn subu Moisés cha'an ti' mandar lac Yum.

1 Cronicas 15:2

David tsa' caji i yʌc' jini mandar: Che' mi laj c'axtesan tilel jini Arca, cojach jini levíjob mi mejlel i q'uechob tilel, come wa'chocobilob jini levíjob cha'an mi' q'uechob jini Arca, cha'an mi' melbeñob i ye'tel ti pejtelel ora, che'en.

1 Cronicas 23:26

Che' jini mach wersajix mi' chʌn ch'ʌmob majlel jini pisil bʌ otot jini levíjob, yic'ot jini uch'ijibʌl tac am bʌ ti' wenta. Che' tsi' yʌlʌ David.

Exodo 19:12

Mi caj a mel mojon tac ya' ti' joytilel jini wits cha'an mach mi' ñumelob. Subeñob: “Chʌcʌ q'uele la' bʌ cha'an ma'anic mi la' letsel ti wits. Mach yomic ja'el mi la' tʌl jini wits. Majqui jach mi' tʌl jini wits wersa mi caj i chʌmel.

Exodo 19:21

Yom ma' cha' jubel cha'an ma' wʌq'ueñob mandar a pi'ʌlob, cha'an mach mi' ñumelob ba'an mojon tac cha'an mi' q'ueloñob, ame chʌmicob cabʌlob.

Exodo 27:7

Yom mi' yochel jini bara ba' xotol jini tsucu taq'uin tac. Yom laj bʌ ñumen i ni' ti jujunwejl jini pulʌntib.

Levitico 16:13

Yom mi' yotsan jini xojocña bʌ perfume ti c'ajc tic tojel. Awilan i buts'il jini perfume mi caj i mose' jini ajñibʌl ti' pam Arca ba' mic ñusan mulil. Che' jini ma'anic mi caj i chʌmel.

Numeros 1:50

Come jini levíjob tsa' aq'uentiyob i ye'tel ya' ti Tabernáculo. An ti' wenta cha'an mi' cuchob majlel jini Tabernáculo yic'ot pejtelel i bʌl. Lʌc'ʌl mi' chumtʌlob ti Tabernáculo.

Numeros 1:51

Baqui ora mi' ch'ʌjmel majlel jini Tabernáculo, an ti' wenta jini levíjob cha'an mi' chejob. An ti' wenta ja'el cha'an mi' cha' wa'chocoñob. Mi tsi' lʌc'tesa yambʌ winic mach bʌ levíjic la' chʌmic.

Numeros 10:21

Tsa' loq'uiyob majlel ja'el i p'olbalob Coat woli bʌ i q'uechob majlel jini Ch'ujul bʌ i bʌl Tabernáculo. Che' bʌ tsa' c'otiyob jini wi'ipato' bʌ, cha' wa'chocobilix jini Tabernáculo ya' ba' mi caj i jijlelob.

Numeros 3:38

Jini mu' bʌ caj i yajñelob ya' ti' tojel Tabernáculo ba' mi' pasel q'uin jiñobʌch Moisés yic'ot Aarón yic'ot i yalobilob, cha'an i ye'tel ti' mal jini Ch'ujul bʌ Ajñibʌl, cha'an mi' ch'ujutesañob Dios ti' tojlel israelob. Majqui jach joch winic mi tsa' ochi ya' ti Tabernáculo muq'uix i chʌmel.

Numeros 4:14

Mi caj i yʌc'ob pejtelel i ye'tijib cha'an pulʌntib ti' pam pisil che' bajche' jini wechel bʌ lata tac, yic'ot jini rocol bʌ i ni' tsucu taq'uin, yic'ot jini lecho' nich c'ajc, yic'ot jini taza tac, yic'ot pejtelel mu' bʌ i c'ʌjñel ya' ti pulʌntib. Mi caj i mosob ti' pʌchʌlel chivo. Che' jini mi caj i yotsʌbeñob i te'el tac cha'an mi' ch'ʌmob majlel.

Numeros 4:20

Mach yomic mi' yochelob ti Ch'ujul bʌ Ajñibʌl i yalobilob Coat ame i q'uelob che' woli la' mos jini c'ax ch'ujul tac, ame chʌmicob.

Numeros 7:9

Pero jini i yalobilob Coat ma'anic tsa' aq'uentiyob carreta tac, come añob ti' wenta cha'an mi' q'uechob majlel i bʌl jini Tabernáculo.

Deuteronomio 31:9

Che' jini Moisés tsi' ts'ijba ili mandar che' bʌ tsa'ix i subeyob jini winicob. Tsi' yʌq'ueyob jini motomajob i p'olbalob Leví tsa' bʌ i q'uecheyob jini Arca ba' lotol jini xuc'ul bʌ i t'an lac Yum. Tsi' yʌq'ueyob ja'el jini xñoxob i cha'año' bʌ Israel.

Josue 4:10

Jini motomajob q'uechel bʌ i cha'an Arca tsa' wa'leyob ti' yojlil Jordán ja' c'ʌlʌl jinto tsa' ts'ʌctiyi pejtel i t'an lac Yum che' bajche' tsi' sube Josué. Josué tsi' cha' subeyob winicob. Tsa' ts'ʌctiyi ti pejtelel che' bajche' Moisés tsi' sube Josué. Tsa' c'axiyob ti ora jini winicob x'ixicob.

1 Samuel 6:19

Lac Yum tsi' tsʌnsa lamital jini winicob año' bʌ ti Betsemes cha'an tsi' q'uelbeyob i mal jini Arca i cha'an bʌ lac Yum. Tsi' tsʌnsa lujuntiquil i chʌnc'al (70) winicob. Jini cha'an tsi' wen cha'leyob uq'uel jini ya' bʌ chumulob cha'an on tsa' jiliyob i pi'ʌlob.