Numeros 33:53 - Chol: I T’an Dios

⁵³ Tsa'ix cʌq'ueyetla ti la' wenta jini lum cha'an mi la' ch'ʌm. Ch'ʌmʌla che' jini. Ochenla ti chumtʌl.

Chol de Tumbalá Bible

⁵³ Tsa'ix cʌq'ueyetla ti la' wenta jini lum cha'an mi la' ch'ʌm. Ch'ʌmʌla che' jini. Ochenla ti chumtʌl.

Jiñi Tsiji' bʌ Wen T'añ cha'añ Estudio

⁵³ Mi caj la' choc loq'uel pejtelel jiñi ya' bʌ chumulob cha'añ mi la' chumtʌl ya'i, tsa'ix cʌq'ueyetla jiñi lum cha'añ mi la' ch'ʌm ti la' wenta.

Numeros 33:53 Iomraidhean Croise

Genesis 15:7

Tsi' sube: Joñon a Yumon tsa' bʌ c pʌyʌyet loq'uel ti Ur i cha'an caldeojob cha'an mi cʌq'ueñet a lum cha'an ma' wochel ti' yum, che'en.

Salmos 115:16

Lac Yum i yumʌch panchan. Pero tsi' yotsa pañimil ti' wenta winicob x'ixicob.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 4:25

Mi caj a tʌts' a bʌ ti' tojlel winicob. Mi caj a wajñel yic'ot bʌte'el. Mi caj a c'ux jam che' bajche' wacax. Jini tijil mi caj i yʌch'esan a bʌc'tal. Wucp'ejl jab mi caj a wajñel che' bajche' iliyi, jinto ma' wen cʌn jini Dios am bʌ i p'ʌtʌlel ti' tojlel pejtelel yumʌlob ti pañimil. Mi' wa'chocon ti yumʌl majqui jach yom.

Daniel 4:32

Mi caj a chojquel loq'uel ti' tojlel winicob. Mi caj a wajñel yic'ot bʌte'el wucp'ejl jab. Mi caj a c'ux jam che' bajche' tat wacax jinto ma' wen cʌn jini Dios am bʌ ti chan am bʌ i p'ʌtʌlel ti pejtelel tejclum tac ti pañimil. Mi' wa'chocon ti yumʌl majqui jach yom, che'en.

Mateo 20:15

¿Mach ba anic mi mejlel c cha'len chuqui jach com yic'ot c chubʌ'an? ¿Am ba i ts'i'lel la' wut cha'an chubʌ'añʌl come p'ewon?” che'en.

Deuteronomio 11:31

Mux caj la' c'axel ti Jordán cha'an mi la' chumtʌl ti jini lum woli bʌ i yʌq'ueñetla lac Yum Dios. Mux caj la' ch'ʌm cha'an mi la' cha'len chumtʌl.

Deuteronomio 17:14

Che' ochemetixla ti la' lum woli bʌ i yʌq'ueñetla lac Yum Dios, che' anix ti la' wenta cha'an mi la' q'uel, che' jini mi caj la' wʌl: “La comix lac wa'chocon rey che' bajche' mi' melob yan tac bʌ tejclum año' bʌ ti lac joytilel”, che'etla.

Deuteronomio 3:18

Tsac subeyetla: Lac Yum Dios tsi' yʌq'ueyetla ili lum ba' yom mi la' chumtʌl. Pero yom ch'ʌlbiletla ti la' we'tijib cha'an mi la' ñumel yic'ot la' pi'ʌlob israelob mu' bʌ i majlelob ti guerra.

Deuteronomio 32:8

Dios tsi' t'oxbeyob i lum pejtelel tejclum tac, Tsi' pucuyob pejtelel winicob x'ixicob, Tsi' yʌq'ueyob i cayajonlel tac ba' jaxʌl i lum i yalobilob Israel,

Deuteronomio 7:17

Mi tsa' caji la' wʌl ti la' pusic'al: “Ñumen cabʌlob che' bajche' joñonla. ¿Bajche' mi mejlel lac choc loq'uel?” mi che'etla,

Josue 1:6

Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Josue 21:43

Jiñʌch bajche' lac Yum tsi' yʌq'ueyob israelob pejtel jini lum che' bajche' tsi' wʌn subeyob i ñojte'elob. Ya' ba' tsi' ch'ʌmʌyob ti' wenta jini lum tsa' chumleyob.

Josue 23:5

Lac Yum Dios tsi' chocoyob loq'uel cha'an mi yʌq'ueñetla. Tsi' chocoyob loq'uel cha'an mi' la' ch'ʌmben i lum che' bajche' lac Yum Dios tsi' wʌn aq'ueyetla i t'an.