Numeros 30:2 - Chol: I T’an Dios

² Lac Yum tsi' yʌlʌ: Che' an winic mu' bʌ i yʌc' i t'an ti' tojlel lac Yum cha'an chuqui tac mi caj i mel, mi tsi' ña'ta ti' pusic'al, mi tsi' yʌlʌ ti yej, mach yomic che' jach mi' cʌytʌl. Yom mi' wersa ts'ʌctesan i t'an.

Chol de Tumbalá Bible

² Lac Yum tsi' yʌlʌ: Che' an winic mu' bʌ i yʌc' i t'an ti' tojlel lac Yum cha'an chuqui tac mi caj i mel, mi tsi' ña'ta ti' pusic'al, mi tsi' yʌlʌ ti yej, mach yomic che' jach mi' cʌytʌl. Yom mi' wersa ts'ʌctesan i t'an.

Jiñi Tsiji' bʌ Wen T'añ cha'añ Estudio

² Che' añ juntiquil mu' bʌ i yʌc' xuc'ul bʌ i t'añ tic tojlel o che' mi' wa'chocon i t'añ cha'añ chuqui mi caj i mel che' bajche' tsi' ña'ta ti' pusic'al, ma'añic mi caj i jem i t'añ; mi caj i ts'ʌctesan che' bajche' tsi' yʌlʌ.”

Numeros 30:2 Iomraidhean Croise

Job 22:27

Che' ma' pejcan, mi caj i yubiñet. Mi caj a ts'ʌctesan a t'an tsa' bʌ a wʌc'ʌ.

Salmos 116:14

Ya' ti' tojlel i cha'ano' bʌ Mi caj c ts'ʌctesan c t'an tsa' bʌ c sube c Yum.

Salmos 116:18

Ya' ti' tojlel pejtel i cha'año' bʌ Mi caj c ts'ʌctesan c t'an tsa' bʌ c sube c Yum

Salmos 119:106

Tsa'ix cʌc'ʌ c t'an. Mi caj c jac'beñet, come toj ma' cha'len meloñel.

Salmos 15:3

Mach yujilic jop't'an. Ma'anic chuqui mi' tumben i cʌñʌ bʌ. Ma'anic mi' chʌn ña'tiben i mul i pi'ʌlob.

Salmos 22:25

Jini cha'an mic sub i ñuclel c Yum ti' tojlel jini mu' bʌ i tempañob i bʌ. Ya' ti' tojlel winicob mu' bʌ i ch'ujutesañob Dios mi caj c mel ti ts'ʌcʌl bajche' tsac wʌn subeyet.

Salmos 50:14

Yom ma' subeñon wocolix cʌlʌ. Jiñʌch tsʌnsʌbil bʌ c majtan, yubil. Yom ma' ts'ʌctesan a t'an che' bajche' tsa' wʌn ña'ta a mel.

Salmos 55:20

Jini j cʌñʌ bʌ tsi' choñoyon che' ma'anic c mul ti' tojlel. Tsi' jeme i t'an tsa' bʌ i subeyon.

Salmos 56:12

C Dios, wersa mi caj c mel che' bajche' tsac subeyet. Mi caj c subeñet wocolix a wʌlʌ.

Salmos 76:11

Suben lac Yum Dios chuqui mi caj la' mel. Melela che' bajche' tsa' la' sube. La' i ch'ʌmbeñob tilel i majtan Dios ti pejtelel lum, come lac Yum jiñʌch yom bʌ mi lac bʌc'ñan.

Exodo 20:7

Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Proverbios 20:25

Jini mu' bʌ i bʌc' suben lac Yum chuqui mi caj i yʌq'uen, chucul ti yac yubil che' wi'il to mi' c'un ña'tan i t'an.

Levitico 5:4

Che' ja'el che' an juntiquil mu' bʌ i payxo ac' i t'an ti ora cha'an chuqui mi caj i mel, mi uts'at o mi mach uts'atic, añʌch i mul che' mi' cajel i ña'tan chuqui tsi' mele.

Nahum 1:15

Awilanix tilel ti wits tac jini mu' bʌ i cha'leñob subt'an. Talob ti ajñel cha'an mi' subob jini tijicña bʌ t'an cha'an tsa'ix lajmi guerra. Jini cha'an, cha'lenla q'uiñijel añet bʌ la ti Judá. Ts'ʌctesan la' t'an tsa' bʌ la' subu ti' tojlel Dios. Come ma'anix mi caj i cha' ñumelob ti jisaya la' contrajob. Jini jontolo' bʌ mi caj i junyajlel jisʌntelob. Suben la' Yum wocolix i yʌlʌ.

Numeros 21:2

Jini israelob tsi' pejcayob lac Yum: C Yum, muq'uic a coltañon lojon ti' tojlel jini rey yic'ot ti' tojlel i winicob, mi caj c junyajlel jisan lojon Arad yic'ot pejtelel jini tejclum tac am bʌ ti' joytʌlel, che'ob.

Numeros 30:10

Mi ñujpuñem jini x'ixic tsa' bʌ i yʌc'ʌ i t'an, mi chumul yic'ot i ñoxi'al, che' jini wersa mi' ts'ʌctesan chuqui tsi' yʌlʌ mi ma'anic tsi' tiq'ui jini i ñoxi'al che' bʌ tsi' yubi.

Numeros 32:24

Yom mi la' mel che' bajche' tsa' la' wʌlʌ. Chajpʌbenla i yotot la' walobilob, yic'ot corral tac cha'an la' tiñʌme'. Che' jini cucula la' wic'ot la' pi'ʌlob. Melela che' bajche' tsa' la' subu. Che' tsi' yʌlʌ Moisés.

Mateo 23:16

¡Mi caj la' taj wocol xpots' bʌ xpʌs bijetla! Mi la' lon al che' an majch mi' taj ti t'an jini Templo cha'an mi' wa'chocon i t'an, mach wersajic mi' mel chuqui tsi' yʌlʌ. Mi tsi' taja ti t'an jini oro am bʌ ti Templo, mi la' wʌl wersa yom mi' mel chuqui tsi' yʌlʌ.

Mateo 23:18

Che' ja'el, mi la' wʌl che' an majch mi' taj ti t'an jini pulʌntib che' mi' wa'chocon i t'an, mach wersajic mi' mel chuqui tsi' yʌlʌ. Pero che' mi' taj ti t'an i majtan Dios am bʌ ti pulʌntib, mi la' wʌl wersa yom mi' mel chuqui tsi' yʌlʌ.

Hechos 23:12

Ti sʌc'ajel cabʌl judíojob tsi' tempayob i bʌ. Tsi' temeyob i t'an cha'an mi' tsʌnsañob Pablo. Tsi' bajñel ch'ʌcʌyob i bʌ cha'an ma'anic chuqui mi caj i c'uxob, ma'anic chuqui mi caj i japob jinto mi' tsʌnsañob Pablo.

Hechos 23:14

Tsa' majliyob ba'an i yumob motomajob yic'ot xñoxob año' bʌ i ye'tel. Tsi' yʌlʌyob: Tsa'ix c wersa wa'choco lojon c t'an che' bʌ tsac bajñel ch'ʌcʌ lojon c bʌ. Ma'anic mi caj c wis c'ux lojon i bʌl lojon c ñʌc' jinto mic tsʌnsan lojon Pablo.

Hechos 23:21

Mach a jac'beñob i t'an, come ñumen ti cha'c'al winicob woli' chijtañob. Tsi' bajñel ch'ʌcʌyob i bʌ cha'an ma'anic chuqui mi caj i c'uxob, ma'anic chuqui mi caj i japob jinto mi' tsʌnsañob Pablo. Tsa'ix i chajpayob i bʌ. Woli jach i pijtañob a t'an, che'en jini ch'iton.

2 Corintios 1:23

La' i q'uel c pusic'al Dios come isujm maxto anic tsa' tiliyon ti Corinto ba' añetla come mach comic c tsʌts pejcañetla.

Juezob 11:11

Jini cha'an Jefté tsi' jac'ʌ. Temel tsa' majliyob. Pejtelel jini winicob tsi' wa'chocoyob cha'an mi' yumañob. Jefté tsi' cha' ac'ʌ i t'an ti' tojlel lac Yum ti Mizpa.

Juezob 11:39

Che' bʌ ts'ʌctʌyemix cha'p'ejl uw, tsa' cha' sujti tilel ti' yotot i tat. Jefté tsi' mele ti' tojlel i yalobil che' bajche' tsi' yʌlʌ ti trato. Jini xch'oc ma'anic ba' ora tsi' pi'le winic.