Numeros 3:10 - Chol: I T’an Dios

¹⁰ Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Chol de Tumbalá Bible

¹⁰ Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Jiñi Tsiji' bʌ Wen T'añ cha'añ Estudio

¹⁰ Cojach Aarón yic'ot i yalobilob mi caj a wʌq'ueñob ti' wenta cha'añ mi' cha'leñob motomajintel. Mi tsi' yotsa i bʌ ti motomaj joch wiñic, mi caj i chʌmel.”

Numeros 3:10 Iomraidhean Croise

2 Samuel 6:7

Che' jini tsa' bʌc' c'oti i mich'lel lac Yum ti' tojlel Uza. Ti ora jach tsa' chʌmi ya' ti' t'ejl jini Arca.

1 Reyob 12:31

Jeroboam tsi' mele ja'el i yotlel diosob ya' ti bujbujtʌl. Tsi' wa'choco motomajob mach bʌ levíjobic.

1 Cronicas 6:32

Che' bʌ tsi' mele jini Templo Salomón ya' ti Jerusalén, jini xc'ayob tsa' caji i melob i ye'tel ti Templo.

Nehemias 6:11

Tsac sube: ¿Yom ba mic puts'el che' ñuc que'tel? Mach yomic. Mach mejlic ti ochel jini mach bʌ motomajic, come tic'bil. Anquese yomob i tsʌnsañon, ma'anic mi caj cochel, cho'on.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Ezequiel 44:8

Come ma'anic tsa' la' jac'ʌ ti pejtelel jini tsa' bʌ ajli cha'an i cʌntʌntel jini Ch'ujul bʌ Ajñibʌl, come tsa'ix la' wotsa yambʌ winicob cha'an mi' cha'leñob i ye'tel ya' ti Ch'ujul bʌ Cajñib.

Levitico 22:10

Mach mejlic i c'ux chuqui tac ch'ujul mi juntiquil mach bʌ motomajic, mi i jula'ic jini motomaj, mi x'e'telic i cha'an. Cojach jini motomaj mi' c'ux.

Numeros 1:51

Baqui ora mi' ch'ʌjmel majlel jini Tabernáculo, an ti' wenta jini levíjob cha'an mi' chejob. An ti' wenta ja'el cha'an mi' cha' wa'chocoñob. Mi tsi' lʌc'tesa yambʌ winic mach bʌ levíjic la' chʌmic.

Numeros 16:10

Tsa'ix i pʌyʌyetla ti la' we'tel ti' tojlel, temel yic'ot la' pi'ʌlob. ¿Mach ba jasʌlic mi la' q'uel? ¿Woli ba la' lon ña'tan cha'an anto yom mi la' ch'ʌmben i ye'tel motomaj?

Numeros 16:35

Lac Yum tsi' choco jubel c'ajc ja'el ba' añob jini lujunc'al yic'ot lujuntiquil i yuxc'al (250) winicob woli bʌ i pulob pom. Tsi' laj jisayob.

Numeros 16:40

Jiñʌch i yejtal cha'an mi' ña'tañob pejtelel israelob, tic'bilob ame ochic joch winic cha'an mi' pulbeñon pom. Ame che'ic mi' jilelob ja'el che' bajche' tsa' jili Coré yic'ot jini tsa' bʌ i tsajcayob. Cojach an ti' wenta i yalobilob Aarón. Che'ʌch tsa' caji i melob che' bajche' lac Yum tsi' sube Moisés.

Numeros 18:7

Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Numeros 3:11

Lac Yum tsi' cha' sube Moisés: Awilan tsac yajca jini levíjob ti' tojlel israelob, i q'uexolobʌch jini ñoj ascuñʌlo' bʌ i yalobilob israelob. Jini cha'an c cha'añʌch jini levíjob come c cha'añʌch pejtelel jini yʌx alʌlob ti Israel. Ti jini q'uin che' bʌ tsac tsʌnsa pejtelel jini yʌx alʌlob ti Egipto, tsac yajca cha'an que'tel pejtelel yʌx alʌlob ti Israel yic'ot ñaxan bʌ i yal alʌc'ʌl. C cha'añobʌch, come la' Yumon.

Numeros 3:38

Jini mu' bʌ caj i yajñelob ya' ti' tojel Tabernáculo ba' mi' pasel q'uin jiñobʌch Moisés yic'ot Aarón yic'ot i yalobilob, cha'an i ye'tel ti' mal jini Ch'ujul bʌ Ajñibʌl, cha'an mi' ch'ujutesañob Dios ti' tojlel israelob. Majqui jach joch winic mi tsa' ochi ya' ti Tabernáculo muq'uix i chʌmel.

Romanos 12:7

Mi cha'añʌch mi laj coltan lac pi'ʌlob, la' laj coltañob. Jini yujil bʌ cʌntesa, la' i cha'len cʌntesa.

Efesios 2:19

Jini cha'an mach chʌn yambʌyix mij q'ueletla. Añix la' wajñib quic'ot lojon. Ochemetixla yic'ot i cha'año' bʌ Dios. Lac pi'ʌlix lac bʌ ti Dios.

Deuteronomio 18:5

Come lac yum Dios tsi' yajcayob loq'uel ti' la' tojlel yic'ot i yalobilob cha'an mi' chʌn q'uelben i ye'tel lac Yum. Jiñʌch i ye'tel yic'ot i ye'tel i yalobilob ti pejtelel ora.

Hebreos 8:4

Wʌ'ic an ti pañimil Jesús, mach motomajic, come an motomajob mu' bʌ i yʌq'ueñob i majtan che' bajche' ts'ijbubil ti mandar.

Juezob 17:5

An i cha'an Micaía i yotlel dioste' ba' mi' cha'len ch'ujutesaya. Tsi' mele ja'el jini efod cha'an mi' pejcan dioste'. Tsi' mele dioste' tac. Tsi' wa'choco juntiquil i yalobil cha'an mi' junyajlel mel i ye'tel ti motomaj.

1 Samuel 6:19

Lac Yum tsi' tsʌnsa lamital jini winicob año' bʌ ti Betsemes cha'an tsi' q'uelbeyob i mal jini Arca i cha'an bʌ lac Yum. Tsi' tsʌnsa lujuntiquil i chʌnc'al (70) winicob. Jini cha'an tsi' wen cha'leyob uq'uel jini ya' bʌ chumulob cha'an on tsa' jiliyob i pi'ʌlob.