Numeros 29:8 - Chol: I T’an Dios

⁸ Ti jim bʌ q'uin yom mi la' cha' pulbeñon yambʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel mach bʌ i p'ajomalic, xojocña bʌ mi cubin.

Chol de Tumbalá Bible

⁸ Ti jim bʌ q'uin yom mi la' cha' pulbeñon yambʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jump'ejl i jabilel mach bʌ i p'ajomalic, xojocña bʌ mi cubin.

Jiñi Tsiji' bʌ Wen T'añ cha'añ Estudio

⁸ Ti jiñi q'uiñ mi caj la' wʌq'ueñon pulbil bʌ c majtañ xojocña bʌ i yujts'il mi cu'bin, jiñʌch juncojt alʌ tat wacax, yic'ot juncojt tat tʌñʌme', yic'ot wuccojt tʌñʌme' añ jaxto bʌ jump'ejl i ja'bilel mach bʌ i p'ajomalic.

Numeros 29:8 Iomraidhean Croise

Levitico 22:20

Mach yomic mi la' wʌq'ueñon alʌc'ʌl che' an i c'amʌjel, come che' jini ma'anic mic ch'ʌm.

Numeros 28:19

Aq'ueñon jini pulbil tac bʌ c majtan jini mu' bʌ a wʌq'ueñon che' ti' tejchibal tac uw: Cha'cojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel, mach bʌ i p'ajomalic, mach bʌ anic i lojwemal yic'ot i chʌmel.

Numeros 29:13

Che' ti' tejchibal q'uin yom mi la' wʌc' jini majtañʌl mu' bʌ i pulel, xojocña bʌ mi cubin. Yom uxlujuncojt alʌ tat wacax, yic'ot cha'cojt tat tiñʌme', yic'ot chʌnlujuncojt (14) alʌ tat tiñʌme' am bʌ jujump'ejl i jabilel, mach bʌ i p'ajomalic.

Numeros 29:2

Che' ti jini q'uin yom mi la' pulbeñon jini xojocña bʌ c majtan, juncojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel. Mach yomic i p'ajomal bʌ.

Numeros 29:9

Che' mi la' wʌq'ueñon c majtan yom mi la' wʌc' yic'ot i ñujp, jiñʌch majtañʌl bʌ harina chʌmen bʌ juch'bil, xajc'ubil bʌ yic'ot aceite. Yom bolomp'ejl litro yic'ot jini alʌ tat wacax. Yom wʌcp'ejl litro cha'an jini tat tiñʌme'. Yom uxp'ejl litro cha'an jujuncojt tiñʌme', wuccojt jini tiñʌme' che' ti pejtelel.

Deuteronomio 15:21

Mi mach c'oq'uic jini alʌc'ʌl mi xpots', mi mach wenic i yoc, mi yambʌ mach bʌ uts'at, mach yomic mi la' wʌq'uen lac Yum Dios.

Deuteronomio 17:1

Mach yomic mi la' tsʌnsʌben lac Yum Dios wacax mi tiñʌme' am bʌ i c'amʌjel, mi i p'ajomal, come ts'a'lebil ti lac Yum.