Numeros 29:12 - Chol: I T’an Dios

¹² Che' ñumenix jo'p'ejl q'uin mi la' cha' tempan la' bʌ ti la' pejtelel. Mach yomic mi la' cha'len e'tel. I tejchibalix ñuc bʌ q'uiñijel tic tojlel. Mux la' mel q'uin c'ʌlʌl mi' joloñel semana.

Chol de Tumbalá Bible

¹² Che' ñumeñix jo'p'ejl q'uin mi la' cha' tempan la' bʌ ti la' pejtelel. Mach yomic mi la' cha'len e'tel. I tejchibalix ñuc bʌ q'uiñijel tic tojlel. Mux la' mel q'uin c'ʌlʌl mi' joloñel semana.

Jiñi Tsiji' bʌ Wen T'añ cha'añ Estudio

¹² “Che' ja'el che' ti' jo'lujump'ejlel q'uiñ che' ti' wucp'ejlel uw mi caj la' mel ch'ujul bʌ tempa bʌ, cha'añ mi caj la' mel wucp'ejl q'uiñ ñuc bʌ q'uiñijel tic tojlel: mach yomic mi la' cha'len e'tel.

Numeros 29:12 Iomraidhean Croise

1 Reyob 12:32

Che' ti' tejchibal noviembre Jeroboam tsi' mele ñuc bʌ q'uin cha'an Tabernáculo, lajal bajche' mi' melob ya' ti Jerusalén. Tsa' majli ti Betel ba' lotol i yejtal alʌ tat wacax cha'an mi' yʌq'uen i majtan i dios tac ya' ti pulʌntib. Che' ja'el tsi' wa'choco motomajob cha'an mi' melob i ye'tel ya' ti bujbujtʌl am bʌ ti Betel.

Esdras 3:4

Tsi' meleyob jini ñuc bʌ q'uin che' bajche' ts'ijbubil. Tsi' lich'iyob lejchempat tac. Tsi' puluyob majtañʌl che'ʌch bajche' c'amel yom ti jujump'ejl q'uin.

Nehemias 8:14

Ya' ti jun ts'ijbubil bʌ i cha'an Moisés tsi' tajayob mandar cha'an mi' chumtʌlob ti lejchempat i yalobilob Israel che' ti' yorajlel q'uiñijel ti' wucp'ejlel uw, come che'ʌch tsi' subeyob lac Yum.

Nehemias 8:18

Esdras tsi' chʌn q'uele i juñilel i mandar Dios wucp'ejl q'uin. Jini israelob tsi' cha'leyob q'uiñijel wucp'ejl q'uin. Ti' waxʌcp'ejlel q'uin tsi' laj tempayob i bʌ cha'an mi' ch'ujutesañob Dios che' bajche' ts'ijbubil.

Exodo 23:16

An i q'uiñilel c'ajbal ja'el che' mi la' wʌq'ueñon ñaxan bʌ i wut pʌc'ʌbʌl. Che' ti' jilibal jujump'ejl jab an q'uiñijel ja'el cha'an i wut pejtelel pʌc'ʌbʌl, che' bʌ tsa'ix la' tuc'u ochel pejtelel i wut pʌc'ʌbʌl.

Exodo 34:22

Yom mi la' melben i q'uiñilel semana tac, yic'ot ñaxan tac bʌ i wut la' trigo mu' bʌ la' tuc', yic'ot i q'uiñilel la' c'ajbal ti tsijib jabil tac.

Ezequiel 45:25

Che' ti' yorajlel q'uiñijel ti octubre, jini yumʌl yom mi' yʌc' jini jach bʌ majtañʌl tac cha'an i ñusʌntel mulil ti jujump'ejl q'uin yic'ot jini pulbil bʌ majtañʌl, yic'ot jini majtañʌl melbil bʌ ti trigo yic'ot ti aceite.

Levitico 23:7

Yom ch'ujul mi' la' q'uel jini ñaxan bʌ q'uin. Mach yomic mi' la' wʌc' ti e'tel jini x'e'telob la' cha'an.

Numeros 29:1

Yom mi la' mel i q'uiñilel Trompeta tac che' ti jo'lujump'ejl (15) tsic cha'an septiembre ti jujump'ejl jab. Mach yomic mi la' cha'len e'tel. Yom ch'ujul mi la' tempan la' bʌ ti jini q'uin.

Numeros 29:13

Che' ti' tejchibal q'uin yom mi la' wʌc' jini majtañʌl mu' bʌ i pulel, xojocña bʌ mi cubin. Yom uxlujuncojt alʌ tat wacax, yic'ot cha'cojt tat tiñʌme', yic'ot chʌnlujuncojt (14) alʌ tat tiñʌme' am bʌ jujump'ejl i jabilel, mach bʌ i p'ajomalic.

Numeros 29:35

Che' ti waxʌcp'ejl q'uin jiñʌch ñuc bʌ q'uiñijel. Mach mi la' cha'len e'tel.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.