Numeros 28:3 - Chol: I T’an Dios

³ Jini pulbil bʌ majtañʌl yom bʌ mi la' wʌq'ueñon jiñʌch iliyi: Cha'cojt alʌ tat tiñʌme' mach bʌ i p'ajomalic an jaxto bʌ jump'ejl i jabilel. Ti jujump'ejl q'uin yom cha'cojt alʌ tat tiñʌme',

Chol de Tumbalá Bible

³ Jini pulbil bʌ majtañʌl yom bʌ mi la' wʌq'ueñon jiñʌch iliyi: Cha'cojt alʌ tat tiñʌme' mach bʌ i p'ajomalic an jaxto bʌ jump'ejl i jabilel. Ti jujump'ejl q'uin yom cha'cojt alʌ tat tiñʌme',

Jiñi Tsiji' bʌ Wen T'añ cha'añ Estudio

³ “Che' ja'el mi caj a su'beñob: Jiñi pulbil bʌ majtañʌl mu' bʌ caj la' wʌq'ueñon jiñʌch iliyi: Cha'cojt tʌñʌme' mach bʌ i p'ajomalic añ jaxto bʌ jump'ejl i ja'bilel; jiñʌch pulbil bʌ majtañʌl cha'añ jujump'ejl q'uiñ.

Numeros 28:3 Iomraidhean Croise

1 Cronicas 16:40

Jiñobʌch mu' bʌ i tsʌnsañob alʌc'ʌl cha'an mi' pulbeñob i majtan lac Yum ti pulʌntib ti jujump'ejl sʌc'ajel yic'ot ti ic'ajel che' bajche' lac Yum tsi' wʌn subeyob israelob ti mandar.

2 Cronicas 8:13

Ti jujump'ejl q'uin tsi' yʌq'ue che' bajche' jaycojt yom, che' bajche' ts'ijbubil ti' mandar Moisés, ti' q'uiñilel tac c'aj o, yic'ot ti' pasibal uw, yic'ot ti ñuc tac bʌ q'uiñijel uxyajl ti jab. Jiñʌch i q'uiñilel Pascua, yic'ot i q'uiñilel Semana tac, yic'ot i q'uiñilel Lejchempat.

Esdras 3:5

Tsi' yʌc'ʌyob ja'el jini pulbil tac bʌ majtañʌl che' bajche' yom che' ti' yorajlel c'aj o, yic'ot ti tsijib uw tac, yic'ot ti ñuc tac bʌ q'uin cha'an lac Yum. Parte an i yofrenda tac tsa' bʌ i yʌc'ʌyob ti' pusic'al jach.

Daniel 12:11

Che' baqui ora mi' tijq'uelob mu' bʌ i yʌq'ueñob Dios pulbil bʌ i majtan ti jujump'ejl q'uin, c'ʌlʌl jinto ba' ora mi' wa'chocontel jini sts'a'leya mu' bʌ i jisan i Templo lac Yum, mi caj i ñumel uxbajc' yic'ot lujump'ejl i jo'c'al (1,290) q'uin.

Daniel 8:11

Tsi' ñopo i contrajin i Yum jini yumʌlob ti panchan. Tsi' tiq'ui jini mu' bʌ i pulbeñob i majtan tac Dios. Tsi' bib'esa jini Templo ba' mi' cha'leñob ch'ujutesaya.

Daniel 8:13

Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Amos 4:4

Cucuxla ti Betel yic'ot ti Gilgal. Woli la' ñusʌben i t'an Dios. Woli la' p'ol la' jontolil. Ch'ʌmbenla majlel i majtan Dios ti jujump'ejl q'uin yic'ot la' diezmo ti u'uxp'ejl q'uin.

Numeros 28:10

Jiñʌch jini majtañʌl yom bʌ mi' yʌjq'uel che' ti yorajlel tac c'aj o. Parte jini mu' bʌ i yʌjq'uel ti jujump'ejl q'uin.

Numeros 28:15

Che' ja'el ti' tejchibal jujump'ejl uw yom mi la' wʌq'uen juncojt tat chivo cha'an mi' ñusʌbeñetla la' mul. Jiñʌch yambʌ i majtan. Parte jini majtañʌl mu' bʌ la' wʌq'uen ti jujump'ejl q'uin.

Numeros 28:23

Pejtelel iliyi mi caj la' wʌc' che' ti' yorajlel i q'uiñilel. Che'ʌch mi caj la' wʌc' ti jujump'ejl q'uin c'ʌlʌl mi' joloñel jini q'uin cha'an Pascua. Jiñʌch xojocña bʌ c majtan tac. Parte mi caj la' wʌq'ueñon jini yan tac bʌ c majtan che' bajche' la' tilel mi la' mel ti jujump'ejl q'uin.

Numeros 28:31

Parte yom pejtelel c majtan mu' bʌ la' wʌq'ueñon che' ti' yorajlel i q'uiñilel. Parte jini mu' bʌ la' wʌq'ueñon ti jujump'ejl q'uin. Mach yomic che' an i lojwemal jini alʌc'ʌl tac mu' bʌ la' wʌq'ueñon.

Numeros 28:4

juncojt che' ti sʌc'ajel, yambʌ juncojt che' mi' bʌjlel q'uin.

Numeros 29:11

Yom mi la' tsʌnsan juncojt tat chivo cha'an i ñusʌntel la' mul. Parte yom jini majtañʌl mu' bʌ la' tsʌnsan cha'an mulil junyajl ti jab ti jini q'uin cha'an mi' ñusʌntel mulil. Parte yom pejtelel jini c majtan mu' bʌ la' pulbeñon ti jujump'ejl q'uin, am bʌ i ñujp yic'ot harina yic'ot japbil tac bʌ majtañʌl.

Numeros 29:16

Yom mi la' tsʌnsan ja'el juncojt tat chivo cha'an mi' ñusʌbentel la' mul. Parte yom jini majtañʌl tac mu' bʌ la' wʌc' ti jujump'ejl q'uin temel yic'ot i ñujp tac.

Numeros 29:6

Parte yom ili pulbil bʌ c majtan tac mu' bʌ la' wʌc' che' ti' yorajlel i q'uiñilel. Parte ja'el jini mu' bʌ la' wʌq'ueñon che' ti' tejchibal jujump'ejl uw. Parte ja'el jini mu' bʌ la' wʌq'ueñon ti jujump'ejl q'uin am bʌ i ñujp che' bajche' tsac subeyetla ti mandar.

Juan 1:29

Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Hebreos 9:6

Chajpʌbilix jini otot, mi' yochelob jini motomajob ti ñaxan bʌ i mal cha'an mi' melob i ye'tel ti jujump'ejl q'uin.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jini jun ba' otsʌbilob i c'aba' jini año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jini bʌte'el. Jini jun i cha'añʌch jini Tiñʌme' tsa' bʌ tsʌnsʌnti.