Numeros 28:11 - Chol: I T’an Dios

¹¹ Che' ja'el ti' tejchibal tac jujump'ejl uw, yom mi la' wʌq'uen yambʌ pulbil bʌ i majtan. Yom cha'cojt alʌ tat wacax yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel mach bʌ i p'ajomalic.

Chol de Tumbalá Bible

¹¹ Che' ja'el ti' tejchibal tac jujump'ejl uw, yom mi la' wʌq'uen yambʌ pulbil bʌ i majtan. Yom cha'cojt alʌ tat wacax yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel mach bʌ i p'ajomalic.

Jiñi Tsiji' bʌ Wen T'añ cha'añ Estudio

¹¹ “Che' ti' tejchibal tac jujump'ejl uw, mi caj la' wʌc' ti pulbil bʌ c majtañ cha'cojt tat wacax yic'ot juncojt tat tʌñʌme' yic'ot wuccojt tʌñʌme' am bʌ jujump'ejl i ja'bilel mach bʌ i p'ajomalic;

Numeros 28:11 Iomraidhean Croise

2 Reyob 4:23

I ñoxi'al tsi' jac'be: ¿Chucoch ma' majlel a q'uel wʌle? Mach i yorajlelic q'uiñijel, mach i yorajlelic c'aj o, che'en. Pero jini x'ixic tsi' yʌlʌ: La' majlicon come che'ʌch yom, che'en.

1 Cronicas 23:31

Tsi' coltayob motomajob ja'el ti jujunyajl che' bʌ tsi' pulbeyob lac Yum jini tsʌnsʌbil bʌ alʌc'ʌl tac. Tsi' coltayob che' ti yorajlel c'aj o yic'ot che' ti tsijib uw, yic'ot ti ñuc tac bʌ q'uinijel. Ti pejtelel ora ts'ʌcʌl tsa' c'otiyob jini levíjob che' bajche' yom cha'an ili e'tel ti' tojel lac Yum.

2 Cronicas 2:3

Salomón tsi' chocbe majlel t'an jini rey Hiram ya' ti Tiro. Tsi' sube: Coltañon che' bajche' tsa' colta c tat David che' bʌ tsa' chocbe tilel ch'ujte' cha'an i melol i yotot.

2 Cronicas 2:4

Joñon mi caj c wa'chocoben i Templo lac Yum Dios, mu' bʌ caj cʌq'uen lac Yum cha'an mi mejlel cʌq'uen lojon i majtan ti sʌc'ajel, yic'ot ti ic'ajel, yic'ot ti' yorajlel c'aj o, yic'ot che' mi' pasel uw, yic'ot ti ñuc tac bʌ i q'uiñilel lac Yum Dios, cha'an mi' pulbentel pom yic'ot tsʌnsʌbil bʌ i majtan xojocña bʌ i yujts'il che' bajche' yom melol ti Israel ti pejtelel ora.

2 Cronicas 8:13

Ti jujump'ejl q'uin tsi' yʌq'ue che' bajche' jaycojt yom, che' bajche' ts'ijbubil ti' mandar Moisés, ti' q'uiñilel tac c'aj o, yic'ot ti' pasibal uw, yic'ot ti ñuc tac bʌ q'uiñijel uxyajl ti jab. Jiñʌch i q'uiñilel Pascua, yic'ot i q'uiñilel Semana tac, yic'ot i q'uiñilel Lejchempat.

Esdras 3:5

Tsi' yʌc'ʌyob ja'el jini pulbil tac bʌ majtañʌl che' bajche' yom che' ti' yorajlel c'aj o, yic'ot ti tsijib uw tac, yic'ot ti ñuc tac bʌ q'uin cha'an lac Yum. Parte an i yofrenda tac tsa' bʌ i yʌc'ʌyob ti' pusic'al jach.

Nehemias 10:33

Cha'an mi' yʌq'uentel Dios jini waj, yic'ot i majtan melbil bʌ ti harina ti jujump'ejl q'uin, yic'ot jini pulbil bʌ i majtan ti jujump'ejl q'uin, yic'ot i culto che' ti' q'uiñilel c'aj o, yic'ot che' mi' pasel uw, yic'ot che' mi lac cha'len q'uiñijel che' bajche' ts'ijbubil. Cha'an mi' yʌq'uentel Dios chuqui tac ch'ujul yic'ot jini tsʌnsʌbil tac bʌ i majtan cha'an i tojol i mul israelob, yic'ot pejtel anto bʌ yom cha'an jini e'tel ti' yotot Dios.

Salmos 40:6

Ma'anic ma' mulan tsʌnsʌbil bʌ a majtan yic'ot ofrenda. Ma'anic tsa' c'ajtibeyon pulbil bʌ a majtan yic'ot majtañʌl cha'an i tojol c mul. Pero tsa' wʌq'ueyon c ch'ujbin a t'an.

Salmos 40:8

C Dios tijicña wolic mel chuqui a wom. Lotol a mandar tic pusic'al.

Salmos 81:3

Wusula trompeta che' mi' pasel uw Yic'ot che' pomolix, che' mi lac mel q'uin.

Salmos 81:4

Come che'ʌch mi lac mel ti Israel. Che'ʌch tsi' yʌc'ʌ mandar i Dios Jacob.

Isaias 66:23

Ti jujump'ejl uw ti' q'uiñilel tsiji' bʌ uw, ti jujump'ejl semana ti q'uiñilel c'aj o, mi caj i tilelob pejtelel winicob cha'an mi' ñocchocoñob i bʌ tic tojlel.

Ezequiel 46:1

Lac Yum Dios woli' yʌl: Ñup'ul yom i ti' jini ts'ajc am bʌ ti' tojel ba' mi' pasel q'uin c'ʌlʌl ti wʌcp'ejl q'uin che' mi la' cha'len e'tel. Cojach yom jambil ti' yorajlel c'aj o yic'ot ti' yorajlel tsiji' bʌ uw.

Ezequiel 46:6

Che' ti' yorajlel q'uin cha'an tsiji' bʌ uw mi caj i pʌy tilel wen uts'at bʌ alʌ tat wacax, yic'ot wʌccojt alʌ tat tiñʌme', yic'ot juncojt tat tiñʌme' mach bʌ anic i c'amʌjel mi i lojwel.

Ezequiel 46:7

Che' mi' pʌy tilel jini alʌ tat wacax, yom mi' ch'ʌm tilel juncujch harina, come jiñʌch i ñujp ti ac'ol. Che' mi' pʌy tilel jini tat tiñʌme' yom mi' ch'ʌm tilel juncujch harina. Che' mi' pʌy tilel alʌ tat tiñʌme' yom mi' yʌc' che' bajche' yom ti' pusic'al. Mi caj i ch'ʌm tilel wʌcp'ejl litro olivo aceite cha'an jujuncujch harina.

Oseas 2:11

Mi caj c chilben pejtel jini tijicña bʌ. Mach chʌn mejlix i cha'len q'uin che' ti' yorajlel c'aj o yic'ot i tejchibal uw.

Levitico 1:13

Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 1:9

Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Amos 3:5

Ya' ba' ma'anic yac, ¿mu' ba caj i chujquel te'lemut? ¿Mu' ba i yajlel jini yac che' ma'anic chuqui mi' ñijcan?

Amos 8:5

Mi la' c'ajtiben la' bʌ: “¿Baqui ora mi caj i ñumel i q'uiñilel uw cha'an mi lac chon trigo? ¿Jala to ba mi' ñumel i yorajlel c'aj o cha'an mi lac pʌs trigo ti choñoñibʌl?” che'etla. Mach ts'ʌcʌlic mi la' p'is jini arroba. Letsem i tojol mi la' chon. Mi la' wʌsin jini p'isoñib.

Numeros 10:10

Che' ti' yorajlel la' q'uiñijel tac ja'el, yic'ot che' ti yorajlel ñuc bʌ q'uin la' cha'an, yic'ot che' ti' tejchibal tac tsic, yom mi la' wus jini trompeta tac. Yom tijicña la' pusic'al che' mi la' pulbeñon c majtan tac, yic'ot che' mi la' wʌq'ueñon c majtan tac. Che' jini joñon mi caj c ña'tan jini Trato bʌ c T'an tsa' bʌ cʌq'ueyetla. Joñoñʌch la' Yumon, la' Dioson, che'en lac Yum Dios.

Numeros 28:19

Aq'ueñon jini pulbil tac bʌ c majtan jini mu' bʌ a wʌq'ueñon che' ti' tejchibal tac uw: Cha'cojt alʌ tat wacax, yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel, mach bʌ i p'ajomalic, mach bʌ anic i lojwemal yic'ot i chʌmel.

Gálatas 4:10

Mi la' mel q'uin ti' q'uiñilel tac, ti' yuwilel tac, ti' yorajlel tac, ti' jabilel tac.

Colosenses 2:16

Jini cha'an mach yomix mi la' lon q'uejlel ti xmulil cha'an chuqui tac mi la' c'ux, mi cha'an chuqui tac mi la' jap, mi cha'an q'uiñijel, mi che' woli ti pasel uw, mi che' ti' yorajlel c'aj o.

Colosenses 2:6

Jini cha'an che' bajche' tsa' la' ñopo lac Yum Jesucristo, che' ja'el chʌn ajñenla ti Cristo.

1 Samuel 20:5

David tsi' jac'be: Ña'tan che' jini, ijc'ʌl jiñʌch tsiji' bʌ uw. An c mul ti' tojlel a tat che' ma'anic mic buchtʌl yic'ot che' i yorajlelix c'ux waj. Mach talonic. Mi caj c muc c bʌ cha'p'ejl q'uin ti mate'el. Chabi to mic tilel ti och'ajel q'uin.

1 Samuel 9:12

Tsi' jac'beyob: Wʌ'cuyi. Q'uelela ya'an ti la' tojlel, come ujtel to i julel ti tejclum. Mux caj i c'uxob we'elʌl jini winicob, come mi caj i yʌq'ueñob i majtan Dios ya' ti' pulʌntib.