Numeros 27:21 - Chol: I T’an Dios

²¹ Jiñʌch mu' bʌ caj i wa'tʌl ti' tojlel jini motomaj Eleazar cha'an mi' yubin bajche' com mi' mel. Joñon mi caj c pejcan Eleazar ya' ti Urim i yejtal bʌ i ña'tʌntel Dios. Jini mi caj i cha' suben Josué yic'ot pejtelel israelob. Che' jini mi caj i toj'esañob majlel, che'en lac Yum.

Chol de Tumbalá Bible

²¹ Jiñʌch mu' bʌ caj i wa'tʌl ti' tojlel jini motomaj Eleazar cha'an mi' yubin bajche' com mi' mel. Joñon mi caj c pejcan Eleazar ya' ti Urim i yejtal bʌ i ña'tʌntel Dios. Jini mi caj i cha' suben Josué yic'ot pejtelel israelob. Che' jini mi caj i toj'esañob majlel, che'en lac Yum.

Jiñi Tsiji' bʌ Wen T'añ cha'añ Estudio

²¹ Jiñʌch mu' bʌ caj i wa'tʌl ti' tojlel jiñi motomaj Eleazar yic'ot mi caj i yu'bin ti Urim bajche' com c mel. Ti' t'añ Josué mi caj i loq'uelob yic'ot ti' t'añ mi caj i yochelob; Josué yic'ot pejtelel israelob temel mi caj i yajñelob.

Numeros 27:21 Iomraidhean Croise

2 Samuel 21:1

Che' woli ti yumʌntel David, tsa' caji wi'ñal uxp'ejl jab ya' ti' lumal. David cabʌl tsi' cajtibe lac Yum chuqui i sujmlel. Awilan, lac Yum tsi' sube cha'an ti' caj i mul Saúl, come jini tsi' bec'beyob i ch'ich'el jini gabaoñob.

Nehemias 7:65

Jini gobernador tsi' subeyob mach chʌn mejlix i c'uxob jini ch'ujul bʌ waj jinto mi' tilel motomaj am bʌ ti' wenta jini Urim yic'ot Tumim cha'an mi' ña'tan chuqui yom Dios.

Exodo 28:30

Yom ma' wotsan ya' ti' tajn jini bujcʌl cha'p'ejl xajlel i c'aba' Urim yic'ot Tumim, am bʌ i c'ʌjnibal cha'an mi la' cʌntesʌntel. Mi caj i yajñel ti' tojlel i pusic'al jini Aarón che' mi' yochel ya' ti cotot. Ya'i mi' ch'ʌm majlel Aarón i c'aba'ob i yalobilob Israel che' bajche' jajayajl mi' yochel.

Levitico 8:8

Ya' ti' pam jini efod am bʌ ti' tajn tsi' yʌc'ʌ pisil ba' chucul jini cha'p'ejl xajlel i c'aba' Urim yic'ot Tumim.

Malaquias 2:7

Uts'at che' mi' wen subob i ña'tʌbal Dios jini motomajob ti' tojlel winicob x'ixicob cha'an mi' ñopob i mandar Dios. Jini motomajob subt'añobʌch cha'an i Yum Panchan yic'ot Pañimil. Uts'at che' mi' c'otelob winicob ba'an jini motomajob cha'an mi' cʌntesʌntelob.

Numeros 27:17

Yom juntiquil yumʌl mu' bʌ mejlel i toj'esañob majlel che' mi' loq'uelob ti guerra. Mi mejlel i cʌntañob, ame lajalic mi' yajñel a tejclum che' bajche' p'ump'un jax bʌ tiñʌme' mach bʌ anix i yum, che'en Moisés.

Numeros 27:2

Che' wa'alob ti' tojlel Moisés yic'ot jini motomaj Eleazar, yic'ot jini año' bʌ i ye'tel ti Israel ti' ti' jini Tabernáculo, tsi' yʌlʌyob:

Numeros 27:20

Aq'uen i ye'tel ti' tojlel israelob. Suben che' bajche' yom mi' mel. Aq'uen i ñuclel cha'an mi' yumañob i pi'ʌlob che' bajche' tsi' yumayetob.

Numeros 27:22

Che'ʌch tsi' mele Moisés che' bajche' tsi' sube lac Yum Dios. Tsi' pʌyʌ majlel Josué ba'an jini motomaj Eleazar ti' wutob pejtelel israelob.

Numeros 27:5

Jini cha'an Moisés tsa' majli i c'ajtiben lac Yum mi che'ʌch yom. Lac Yum tsi' sube Moisés: Uts'at che' bajche' woli' ña'tañob i yixic'alob Zelofehad. Yomʌch ma' wʌq'ueñob i lum ti' tojlel i yerañob i tat. Jini lum am bʌ ti' wenta i tat la' aq'uenticob.

Deuteronomio 31:3

Pero lac Yum Dios mi caj i toj'esañetla majlel. Mi caj i jisan pejtel jini tejclum ti' tojlel la' wut. Mi caj la' chilbeñob i lum. Jini tsiji' bʌ la' capitán jiñʌch Josué che' bajche' tsi' yʌc'ʌ mandar lac Yum.

Deuteronomio 33:8

Moisés tsi' yʌlʌ cha'an Leví: Aq'uen Leví jini cha'p'ejl alʌ xajlel i yejtal bʌ i ña'tʌntel yic'ot i sujmlel Dios. Tsa' wilʌbe i pusic'al Leví ya' ti Masah yic'ot ya' ti Meriba.

Josue 9:14

Jini israelob tsi' c'unte' ñopbeyob i lot. Ma'anic tsi' ñaxan c'ajtibeyob lac Yum.

Juezob 1:1

Che' bʌ tsa' chʌmi Josué, jini israelob tsi' c'ajtibeyob lac Yum: ¿Majqui bʌ junmojt israelob yomob ñaxan majlel cha'an mi' cha'leñob guerra ti' contra jini cananeojob? che'ob.

Juezob 20:18

Ti ora jach tsa' majliyob ti Betel jini israelob cha'an mi' c'ajtibeñob Dios: ¿Majqui ñaxan mi' majlel ti guerra ti' contra jini benjamiñob? che'ob. Lac Yum tsi' jac'beyob: Yom ñaxan mi' letselob jini ch'oyolo' bʌ ti Judá, che'en.

Juezob 20:23

Jini israelob ñaxan tsa' letsiyob majlel ba'an lac Yum. C'am tsi' cha'leyob uq'uel c'ʌlʌl ti ic'ajel. Tsi' c'ajtibeyob lac Yum: ¿Yom to ba mic chʌn cha'len lojon guerra ti' tojlel jini benjamiñob, jini c pi'ʌlob lojon? che'ob. Lac Yum tsi' subeyob: Cha' letsenla ti guerra ti' contrajob, che'en.

1 Samuel 14:19

Che' bʌ woli to ti t'an Saúl yic'ot jini motomaj, woli' p'ojlel ju'ucña bʌ t'an ba' woliyob ti wocol jini filisteojob. Ju'ucña tsi' yubibeyob i t'an. Jini cha'an Saúl tsi' sube jini motomaj: Tʌts'ʌ a c'ʌb, cʌyʌx, che'en.

1 Samuel 23:9

David tsi' yubi woli' tilel Saúl ti' contra. Tsi' sube Abiatar jini motomaj: Ch'ʌmʌ tilel jini bujcʌl, che'en.

1 Samuel 28:6

Saúl tsi' pejca lac Yum, pero lac Yum ma'anic tsi' jac'be, mi ti' ñajalic, mi ti x'alt'añobic, mi ti Urimic (xajlel mu' bʌ i pejcan motomaj cha'an mi' ña'tan chuqui yom Dios).

1 Samuel 30:7

David tsi' sube jini motomaj Abiatar i yalobil Ahimelec: Awocolic ch'ʌmʌ tilel jini efod, che'en. Abiatar tsi' ch'ʌmbe tilel i bujc motomaj.