Numeros 27:18 - Chol: I T’an Dios

¹⁸ Lac Yum tsi' sube Moisés: Pʌyʌ Josué (i yalobil Nun), jini am bʌ i cha'an quEspíritu ti' pusic'al. Ac'ʌ a c'ʌb ti' jol.

Chol de Tumbalá Bible

¹⁸ Lac Yum tsi' sube Moisés: Pʌyʌ Josué (i yalobil Nun), jini am bʌ i cha'an quEspíritu ti' pusic'al. Ac'ʌ a c'ʌb ti' jol.

Jiñi Tsiji' bʌ Wen T'añ cha'añ Estudio

¹⁸ Lac Yum tsi' su'be Moisés: —Pʌyʌ Josué i yalobil bʌ Nun, wiñic am bʌ i cha'añ quEspíritu ti' pusic'al, ac'ʌ a c'ʌb ti' jol.

Numeros 27:18 Iomraidhean Croise

Genesis 41:38

Faraón tsi' sube i winicob: Mach mejlic lac taj yambʌ winic che' bajche' iliyi, am bʌ i cha'an i yEspíritu Dios, che'en.

Exodo 17:9

Moisés tsi' sube Josué: Yajcan winicob cha'an ma' pʌyob majlel ti guerra ti' contra jini amalecob. Ijc'ʌl mi caj c wa'tʌl ti' jol wits, chucul c cha'an i te' Dios, che'en.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 13:16

Jiñʌch i c'aba'ob winicob tsa' bʌ i chocoyob majlel Moisés cha'an mi' tsajiñob jini lum. Moisés tsi' q'uextʌbe i c'aba' Oseas i yalobil Nun. Tsi' yotsʌbe i c'aba' Josué.

Numeros 27:23

Tsi' yʌc'ʌ i c'ʌb ti' jol. Tsi' wa'choco cʌytʌl ti' ye'tel che' bajche' lac Yum tsi' sube.

Juan 3:34

Come jini tsa' bʌ chojqui tilel cha'an Dios mi' sub i t'an Dios. Ma'anic i p'isol bajche' mi' yʌc' i yEspíritu.

Hechos 13:3

Che' bʌ tsa' ujtiyob ti ch'ajb yic'ot oración, tsi' yʌc'ʌyob i c'ʌb ti' jol. Tsi' subeyob majlel.

Hechos 19:6

Che' bʌ tsi' yʌc'ʌ i c'ʌb Pablo ti' jol winicob x'ixicob, tsa' ochi jini Ch'ujul bʌ Espíritu ti' pusic'al. Tsa' cajiyob ti yan tac bʌ t'an. Tsi' cha'leyob alt'an.

Hechos 6:3

Jini cha'an hermanojob, yajcanla wuctiquil winicob uts'at bʌ i pusic'al but'ulob ti Ch'ujul bʌ Espíritu, yic'ot wen bʌ i ña'tʌbal, cha'an mi la' wa'chocoñob cha'an jini e'tel.

Hechos 6:6

Tsi' pʌyʌyob ba'an jini apóstolob. Che' bʌ tsa'ix ujti i pejcañob Dios, tsi' yʌc'ʌyob i c'ʌb ti' jol.

Deuteronomio 1:37

Che' ja'el lac Yum tsi' mich'leyon ti la' caj. Tsi' subeyon: Jatet ma'anic mi caj a wochel ya' ti jini lum,

Deuteronomio 3:21

Che' jini tsac sube Josué: “Tsa'ix a q'uele pejtelel jini tsa' bʌ i mele lac Yum Dios ti' tojlel jini cha'tiquil reyob. Che'ʌch ja'el mi caj i coltañetla lac Yum ti' tojlel jini yumʌlob ba' mi caj a c'otel.

Deuteronomio 3:28

Wa'chocon Josué ti a we'tel. Xic'ben cha'an mi' ch'ejl'an, come jini mi caj i pʌy ochel israelob. Mi caj i yʌq'ueñob ili lum woli bʌ a q'uel, che'en lac Yum.

Deuteronomio 31:14

Lac Yum tsi' sube Moisés: Wʌle lʌc'ʌlix i yorajlel cha'an ma' chʌmel. Pʌyʌ majlel Josué ya' ti Tabernáculo baqui mi caj cʌq'uen i ye'tel, che'en. Che' jini Moisés tsa' majli yic'ot Josué. Tsi' pijtayob lac Yum.

Deuteronomio 31:23

Lac Yum tsi' yʌq'ue Josué i yalobil Nun ili t'an: Yom ch'ejlet. Yom jump'ejl jach a pusic'al. Come jatet mi caj a pʌy ochel jini israelob ti jini lum mu' bʌ caj cʌq'ueñob che' bajche' tsac subeyob. Mi caj cajñel a wic'ot, che'en lac Yum.

Deuteronomio 31:3

Pero lac Yum Dios mi caj i toj'esañetla majlel. Mi caj i jisan pejtel jini tejclum ti' tojlel la' wut. Mi caj la' chilbeñob i lum. Jini tsiji' bʌ la' capitán jiñʌch Josué che' bajche' tsi' yʌc'ʌ mandar lac Yum.

Deuteronomio 34:9

An cabʌl i ña'tʌbal jini Josué (i yalobil Nun), come Moisés tsi' yʌc'ʌ i c'ʌb ti' pam. Jini cha'an jini israelob tsi' jac'beyob i t'an Josué. Tsi' meleyob che' bajche' lac Yum tsi' sube Moisés.

1 Timoteo 4:14

Wen cʌntan a c'ʌjñibal tsa' bʌ aq'uentiyet yic'ot a we'tel ti subt'an, che' bʌ tsi' yʌc'ʌyob i c'ʌb ti a jol jini ancianojob.

1 Timoteo 5:22

Mach a bʌc' wa'chocon winic ti' ye'tel lac Yum. Mach a wotsan a bʌ ba' woli' cha'leñob mulil yaño' bʌ. Chʌcʌ q'uele a bʌ cha'an chʌn sʌquet.

Hebreos 6:2

Jasʌlʌch la' cʌntesʌntel ti ch'ʌmja' yic'ot ti yʌc'ol c'ʌbʌl ti la' jol. Tsa'ix la' wubi mi' tejchelob ch'ojyel chʌmeño' bʌ. Tsa'ix la' wubi i sujmlel toj mulil mach bʌ yujilic jilel. Jasʌl la' cʌntesʌntel ti ili tac.

Josue 1:17

Che' bajche' tsac jac'be lojon pejtelel tsa' bʌ i yʌlʌ Moisés, che'ʌch ja'el mi caj c jac'beñet lojon. Yom mi' yajñel lac Yum Dios a wic'ot che' bajche' tsa' ajni yic'ot Moisés.

Juezob 11:29

Pero jini Ch'ujul bʌ i yEspíritu lac Yum tsa' c'oti ti' tojlel Jefté. Tsa' ñumi majlel Jefté ti Galaad yic'ot ti Manasés. Tsa' ñumi ti Mizpa am bʌ ti Galaad. Tsa' c'oti ba'an jini amoñob.

Juezob 3:10

I yEspíritu lac Yum tsi' yʌq'ue i p'ʌtʌlel cha'an mi' coltan Israel. Tsa' loq'ui majlel ti guerra. Lac Yum tsi' yʌq'ue i jisan Cusan Risataim jini i rey Siria. Otoniel tsi' mʌlbe jini Cusan Risataim.

1 Samuel 16:18

Juntiquil x'e'tel tsi' yʌlʌ: Q'uelbilix c cha'an juntiquil i yalobil Isaí ti Belén, wen yujil bʌ i ñijcʌntel arpa. Cabʌlʌch i pusic'al. Wen ch'ejl ja'el. Lac Yum mi' coltan, che'en.