Numeros 27:17 - Chol: I T’an Dios

¹⁷ Yom juntiquil yumʌl mu' bʌ mejlel i toj'esañob majlel che' mi' loq'uelob ti guerra. Mi mejlel i cʌntañob, ame lajalic mi' yajñel a tejclum che' bajche' p'ump'un jax bʌ tiñʌme' mach bʌ anix i yum, che'en Moisés.

Chol de Tumbalá Bible

¹⁷ Yom juntiquil yumʌl mu' bʌ mejlel i toj'esañob majlel che' mi' loq'uelob ti guerra. Mi mejlel i cʌntañob, ame lajalic mi' yajñel a tejclum che' bajche' p'ump'un jax bʌ tiñʌme' mach bʌ anix i yum, che'en Moisés.

Jiñi Tsiji' bʌ Wen T'añ cha'añ Estudio

¹⁷ mu' bʌ i loq'uel majlel yic'ot mu' bʌ i yochel tilel ti' tojlelob, mu' bʌ i loc'sañob yic'ot mu' bʌ i yotsañob majlel, cha'añ i tejclum lac Yum ma'añic mi' yajñelob che' bajche' tʌñʌme' mach bʌ añic xcʌntaya i cha'añ.

Numeros 27:17 Iomraidhean Croise

2 Samuel 5:2

Come ti yambʌ ora che' woli to i cha'len yumʌl Saúl tic tojlel lojon, jatet tsa' majliyet ti guerra yic'ot soldadojob. Tsa' cha' sujtiyob a wic'ot. Mach jinic jach, pero lac Yum tsi' subeyet ja'el: “Yom ma' cʌntʌbeñon c tejclum Israel. Mux caj a cha'len ñuc bʌ yumʌl ti' tojlelob”, che'en lac Yum. Che' tsi' yʌlʌyob israelob.

1 Reyob 22:17

Jini x'alt'an Micaías tsi' jac'ʌ: Tsaj q'uele pejtelel jini israelob pam pujquemob ti wits che' bajche' tiñʌme' mach bʌ anic i yaj cʌntaya. Tsa cubi i t'an lac Yum: “Ma'añobix i yum ili winicob. La'ix cha' sujticob ti' yotot ti' ñʌch'tilel i pusic'al”, che'en lac Yum. Che' tsi' yʌlʌ Micaías.

1 Reyob 3:7

Wʌle c Yum Dios, tsa'ix a wa'chocoyon cha'an mi cochel ti rey ti' q'uexol c tat David, pero ch'itoñon to. Mach cujilic bajche' mi caj c mel mi bajche' mi caj i yujtel.

2 Cronicas 1:10

Jini cha'an aq'ueñon c ña'tʌbal yic'ot cabʌl c pusic'al cha'an mic cha'len yumʌl bajche' yom ti' tojlelob, come ma'anic majqui mi mejlel i bajñel cha'len yumʌntel ti' tojlel ili ñuc bʌ a tejclum, che'en Salomón.

2 Cronicas 18:16

Micaías tsi' jac'ʌ: Tsaj q'uele israelob pam pujquemob ti mate'el che' bajche' tiñʌme' mach bʌ anic i yum. Lac Yum tsi' yʌlʌ: “Tsa' tsʌnsʌnti i yum. La' cha' sujticob ti' yotot jini winicob”, che'en lac Yum. Che' tsi' yʌlʌ Micaías.

Ezequiel 34:5

Tsa' pam pujquiyob c tiñʌme', come ma'anic i cʌntʌntel. Tsa' sujtiyob ti' we'el bʌte'el.

Zacarias 10:2

Lolom jach jini dios tac. Jini xch'ʌcojelob mi' cha'leñob lot. Mi' lon alob chuqui mach isujmic. Ma'anic mi' ts'ʌctiyel jini mu' bʌ i lon ña'tañob. Jini cha'an woli' sajtelob c cha'año' bʌ che' bajche' tiñʌme'. Woliyob ti wocol, come ma'anic majqui mi' cʌntañob.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Mateo 10:6

Pero ya' yom mi la' majlel ba'an sajtemo' bʌ tiñʌme' i p'olbalo' bʌ Israel.

Mateo 15:24

Jesús tsi' subeyob: Chocbilon tilel cha'an jach jini sajtemo' bʌ tiñʌme' ti Israel, che'en.

Mateo 9:36

Che' bʌ tsi' q'uele tempʌbilob winicob x'ixicob, tsa' bujt'i i pusic'al Jesús ti p'untaya, come tsi' q'uele c'uñob jax, pujquemob jax che' bajche' tiñʌme' mach bʌ anic xcʌntaya i cha'an.

Marcos 6:34

Tsa' loq'ui ti barco Jesús. Tsi' q'uele bajc'ʌl winicob x'ixicob. Tsi' p'untayob come lajalob bajche' tiñʌme' mach bʌ anic xcʌntaya i cha'añob. An cabʌl chuqui tsa' caji i cʌntesañob.

Juan 10:9

Joñon i Ti'on ba' mi' yochel tiñʌme'. Jini mu' bʌ i yochel ti joñon mi caj i coltʌntel. Mi' caj ti ochel. Mi' caj ti loq'uel. Mi caj i taj wen bʌ jam.

Deuteronomio 31:2

Tsi' subeyob: Anix wʌcc'al (120) c jabilel. Mach mejlix c chʌn toj'esañetla majlel, come lac Yum tsa'ix i subeyon cha'an ma'anic mi caj j c'axel ti Jordán ja'.

1 Pedro 2:25

Ti yambʌ ora tsa' sajtiyetla che' bajche' tiñʌme', pero tsa' la' sutq'ui la' bʌ cha'an mi la' tsajcan majlel jini Xcʌnta tiñʌme', jini Xcʌntaya mu' bʌ i coltan la' ch'ujlel.

1 Samuel 18:13

Che' jini Saúl tsi' choco loq'uel David ti' yotot. Tsi' yotsa ti yumʌl ti' tojlel lujunc'al i yuxbajc' (1,000) soldadojob. Tsa' caji ti cʌjñel ti cabʌl tejclum tac baqui jach tsa' ñumi.

1 Samuel 8:20

Com lojon ajñel che' bajche' yan tac bʌ tejclum. Jini c rey lojon mi caj i cha'len meloñel tic tojlel lojon. Mi caj i pʌyon lojon ti guerra, che'ob.