Numeros 26:55 - Chol: I T’an Dios

^55-56 La' i cha'leñob yajcaya ti alas cha'an mi' tsictiyel bajche' mi caj i t'oxbentelob jini lum ti mojt ti mojt jini israelob. Jini ñuc bʌ xchumtʌl tac, mi caj i yajcañob ñuc bʌ lum. Jini ch'och'oc bʌ xchumtʌlob, mi caj i yajcañob ch'och'oc bʌ lum.

Chol de Tumbalá Bible

^55-56 La' i cha'leñob yajcaya ti alas cha'an mi' tsictiyel bajche' mi caj i t'oxbentelob jini lum ti mojt ti mojt jini israelob. Jini ñuc bʌ xchumtʌl tac, mi caj i yajcañob ñuc bʌ lum. Jini ch'och'oc bʌ xchumtʌlob, mi caj i yajcañob ch'och'oc bʌ lum.

Jiñi Tsiji' bʌ Wen T'añ cha'añ Estudio

⁵⁵ Pero cha'añ ti' t'oxtʌl jiñi lum mi caj i cha'leñob yajcaya ti alas; mi caj i ch'ʌmob jiñi lum che' bajche' jaytiquil ts'ijbubilob i c'aba' ti jujunmojt xchumtʌl.

Numeros 26:55 Iomraidhean Croise

Proverbios 16:33

An mu' bʌ i cha'leñob yajcaya ti alas, pero jiñʌch lac Yum mu' bʌ i yajcʌbeñonla pejtel chuqui mi lac taj.

Proverbios 18:18

Anquese p'ʌtʌlob mu' bʌ i cha'leñob leto, mi' lajmel leto ba' ora mi' cha'leñob yajcaya ti jun. Che' jini mi' yʌc'ob i bʌ ti' wenta Dios cha'an mi' pʌsbeñob bajche' yom mi' melob.

Ezequiel 47:22

Yom mi la' t'oxbeñob jini lum la' pi'ʌlob yic'ot jini yaño' bʌ ch'oyolo' bʌ ti yan tac bʌ lum tsa' bʌ tiliyob ti chumtʌl la' wic'ot. Ti pejtelel mu' bʌ i q'uelob pañimil ti' lumal Israel, mi la' walobilob, o mi i yalobilob jini parte bʌ ch'oyolob, i cha'añobʌch jini lum. Lajal yom mi' ch'ʌmob che' bajche' la' walobilob.

Numeros 33:54

Yom mi la' t'oxben la' bʌ jini lum mu' bʌ caj la' taj. Yom mi la' cha'len yajcaya ti alas cha'an mi' tsictiyel majqui i yum ti pejt ti pejt. Jini cabʌlo' bʌ, ñuc yom mi' yʌq'uentelob i lum. Jini mach bʌ cabʌlobic, i p'isol jach mi' yʌq'uentelob i lum. Ya' ba' mi caj la' taj la' lum, mi caj la' chumtʌl ti mojt ti mojt che' bajche' jaymojt añetla.

Numeros 34:13

Moisés tsi' subeyob jini israelob: Che' mi la' t'ox jini lum, yom mi la' cha'len yajcaya ti alas, che' bajche' jaytiquiletla, ojlil i lujunmojtet bʌ la i yalobil Israel.

Numeros 36:2

Tsi' yʌlʌyob: Lac Yum tsi' subeyet bajche' yom mi lac t'oxben lac bʌ lum ti Israel. Che' ja'el lac Yum tsi' subeyet cha'an wersa mi' yʌq'uentelob i lum jini xch'oc bʌ i yalobilob Zelofehad.

Hechos 1:26

Tsi' cha'leyob yajcaya ti alas. Tsa' yajcʌnti Matías. Jini cha'an tsa' tsijqui yic'ot jini junlujuntiquil chocbilo' bʌ majlel ti subt'an.

Colosenses 1:12

Ti' tijicñʌyel la' pusic'al subenla wocolix i yʌlʌ lac Tat, come tsi' cha' meleyonla ti uts'at cha'an mi lac taj lac wenlel yic'ot i cha'año' bʌ Dios woli bʌ i yajñelob ti' sʌclel pañimil.

Josue 11:23

Che' jini Josué tsi' ch'ʌmʌ ti' wenta pejtelel jini lum. Tsa' ts'ʌctiyi pejtelel jini mandar che' bajche' lac Yum tsi' sube Moisés. Josué tsi' yʌq'ueyob jini lum israelob che' bajche' wʌn albil. Tsi' t'oxbeyob lum ti mojt ti mojt. Tsa' lajmi guerra. Ñʌch'ʌl tsa' ajniyob.

Josue 14:2

Lac Yum tsi' sube Moisés ti mandar cha'an mi' cha'len yajcaya ti alas ti' tojlelob jini bolonmojt yic'ot lamital Manasés. Jiñobʌch i p'olbalob Israel.

Josue 17:14

I p'olbalob José tsi' pejcayob Josué: ¿Chucoch ts'ita jach tsa' wʌq'ueyon lojon jini lum che' wen oñon lojon? Lac Yum tsa'ix i pʌsbeyon lojon i yutslel i t'an.

Josue 18:6

Yom mi la' tsictesan ti jun bajche' yilal jini wucpejt lum. Ch'ʌmbeñon tilel cha'an mic t'oxbeñob che' bajche' tsi' yʌc'ʌ i t'an lac Yum Dios.

Josue 19:1

Jini i cha'p'ejlel lum tsa' bʌ yajcʌnti ti alas i cha'añʌch Simeón che' bajche' c'amel jini otot tac. Ya'an ti ojlil i lumal Judá.

Josue 19:10

Jini i yuxpejtlel lum tsa' bʌ yajcʌnti ti alas i cha'añʌch Zabulón che' bajche' c'amel i yotot tac. Ya' jaxʌl i lumob ba'an Sarid.

Josue 19:17

Jini i chʌmpejtlel lum tsa' bʌ yajcʌnti ti alas i cha'añʌch Isacar, che' bajche' c'amel i yotot tac.

Josue 19:24

I jo'pejtlel lum tsa' bʌ yajcʌnti ti alas i cha'añʌch Aser che' bajche' c'amel i yotot tac.

Josue 19:32

I wʌcpejtlel lum tsa' bʌ yajcʌnti ti alas i cha'añʌch Neftalí che' bajche' c'amel i yotot tac.

Josue 19:40

I wucpejtlel lum tsa' bʌ yajcʌnti ti alas i cha'añʌch Dan che' bajche' c'amel i yotot tac.