Numeros 25:3 - Chol: I T’an Dios

³ Jini israelob tsa' caji i ch'ujutesañob Baalpeor. Jini cha'an lac Yum tsi' mich'le israelob. Tsa' cajiyob ti chʌmel.

Chol de Tumbalá Bible

³ Jini israelob tsa' caji i ch'ujutesañob Baalpeor. Jini cha'an lac Yum tsi' mich'le israelob. Tsa' cajiyob ti chʌmel.

Jiñi Tsiji' bʌ Wen T'añ cha'añ Estudio

³ Che'ʌch tsa' caji i ch'ujutesañob Baal-peor jiñi israelob, jiñi cha'añ lac Yum tsa' mich'a ti' tojlel israelob.

Numeros 25:3 Iomraidhean Croise

Salmos 90:11

¿Majqui mi' lu' cʌn i p'ʌtʌlel a mich'ajel? ¿Majqui mi' bʌc'ñañet cha'an cabʌl a mich'ajel?

Jeremias 17:4

Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Oseas 4:14

Ma'anic mi caj cʌq'ueñob i toj i mul jini xch'oc bʌ la' walobilob yic'ot la' wʌ'lib, come junlajaletla. Mi la' cha'len ts'i'lel yic'ot ts'i'lel bʌ x'ixicob ya' ti Templo. Tontojetla. Jini cha'an junyajlel sajtemetla, come mach la' womic la' jac'beñon.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.

Numeros 25:5

Jini cha'an Moisés tsi' subeyob jini juezob ti Israel: Yom mi la' tsʌnsan pejtelel jini winicob tsa' bʌ i ch'ujutesayob Baalpeor, che'en.

Numeros 31:16

Ña'tanla i mul Balaam. Tsi' xiq'ui jini x'ixicob cha'an mi' pʌyob israelob ti mulil cha'an mi' ñusʌbeñob i t'an lac Yum. Balaam tsi' soco jini israelob cha'an mi' ch'ujutesañob Baalpeor. Jini cha'an lac Yum tsi' tsʌnsa cabʌl israelob.

Josue 22:17

Ña'tanla bajche' tsa' la' mele mulil ya' ti Peor. An to yom lac sʌq'uesʌntel cha'an jini mulil. Jini cha'an tsa' cajiyob ti wen c'amʌjel i cha'año' bʌ lac Yum.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.

Juezob 2:13

Tsi' cʌyʌyob lac Yum. Tsa' caji i ch'ujutesañob Baal yic'ot Astarot.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 2:20

Tsa' lejmi i mich'ajel lac Yum ti' contra Israel. Tsi' yʌlʌ: Ili tejclum tsi' ñusa jini xuc'ul bʌ t'an tsa' bʌ c mele yic'ot i ñojte'elob. Ma'anic mi' jac'beñoñob c t'an.