Numeros 25:2 - Chol: I T’an Dios

² Come jini año' bʌ ti Moab tsi' pʌyʌyob winicob israelo' bʌ cha'an mi' melob q'uin che' bʌ tsi' pulbeyob i majtan i dioste' tac.

Chol de Tumbalá Bible

² Come jini año' bʌ ti Moab tsi' pʌyʌyob winicob israelo' bʌ cha'an mi' melob q'uin che' bʌ tsi' pulbeyob i majtan i dioste' tac.

Jiñi Tsiji' bʌ Wen T'añ cha'añ Estudio

² che' ja'el tsa' pʌjyiyob israelob che' bʌ tsi' pulbeyob i majtañ i dios tac; jiñi israelob tsi' cha'leyob we'el, uch'el yic'ot tsi' ñocchocoyob i bʌ ti' tojlel i dioste'ob.

Numeros 25:2 Iomraidhean Croise

1 Reyob 19:18

Pero joñon mi caj j cʌntan jini wucp'ejl mil israelob mach bʌ anic tsi' ñocchocoyob i bʌ ti' tojlel Baal, mach bʌ anic tsi' ts'ujts'uyob, che'en.

Salmos 106:28

Tsi' chʌn cha'leyob mulil. Tsi' tsajcayob jini dioste' i c'aba' Baal ya' ti Peor. Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Exodo 22:20

Wersa mi' tsʌnsʌntel jini mu' bʌ i yʌq'uen i majtan dioste'. Cojach lac Yum mi' yʌq'uentel i majtan.

Exodo 23:24

Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Exodo 32:6

Isujm, che' ti yijc'ʌlal, ic'to tsa' ch'ojyiyob. Tsi' ch'ʌmʌyob c'otel majtañʌl tac. Tsi' yʌc'ʌyob pulbil bʌ majtañʌl tac, yic'ot i wentajlel cha'an i ñʌch'tʌlelob i pusic'al. Tsa' buchleyob pejtelel jini winicob x'ixicob. Tsa' cajiyob ti we'el yic'ot ti lembal. Tsa' cajiyob ti ts'i'lel.

Jeremias 40:11

Jini caldeojob pam pujquemo' bʌ ti Moab yic'ot ti Amón yic'ot ti Edom yic'ot ti yan tac bʌ tejclum tsi' yubiyob wa'chocobilix Gedalías (i yalobil Ahicam i yalobil bʌ Safán). Aq'uebilix i ye'tel ti' tojlel jini rey ti Babilonia.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

1 Corintios 10:20

Pero jini sajtemo' bʌ, che' mi' yʌc'ob i majtan ti pulʌntib, woli' yʌq'ueñob xibajob. Ma'anic mi' yʌq'ueñob Dios. Mach comic mi la' tem ajñel yic'ot xibajob.

Deuteronomio 32:38

¿Bac'an la' dios xajlel? Tsa' la' wʌq'ueyob i majtan tac, lew yic'ot vino. La' i coltañetla, la' i yotsañetla ti' wenta.

Josue 22:17

Ña'tanla bajche' tsa' la' mele mulil ya' ti Peor. An to yom lac sʌq'uesʌntel cha'an jini mulil. Jini cha'an tsa' cajiyob ti wen c'amʌjel i cha'año' bʌ lac Yum.

Josue 23:16

Mi tsa'ix la' ñusʌbe jini xuc'ul bʌ i t'an lac Yum Dios tsa' bʌ i yʌq'ueyetla, cha'an mi la' tsajcan dioste' tac, cha'an mi la' ch'ujutesan yambʌ dios tac, lac Yum mi caj i mich'leñetla. Ora jach mi caj la' jilel ti ili uts'at bʌ lum tsa' bʌ i yʌq'ueyetla. Che' tsi' yʌlʌ Josué.

Josue 23:7

Mach yomic mi la' wajñel la' wic'ot jini winicob x'ixicob tsa' bʌ cʌleyob ti la' tojlel. Mach yomic mi la' pejcʌben i dioste'. Mach yomic mi la' taj ti t'an i diosob. Mach yomic mi la' ch'ujutesan.

Apocalipsis 2:14

Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.