Numeros 24:9 - Chol: I T’an Dios

⁹ Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

Chol de Tumbalá Bible

⁹ Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

Jiñi Tsiji' bʌ Wen T'añ cha'añ Estudio

⁹ Mi' mel yic'ot mi' pʌctʌl che' bajche' bajlum, che' bajche' i ña'al bajlum. ¿Majqui mi' mejlel i ñijcan ch'ojyel? ¡Tijicñayob jiñi mu' bʌ i yʌq'ueñetob i yutslel i t'añ, pero mi' tajob wocol jiñi mu' bʌ i cha'leñob ch'ʌcojel ti a contra!”

Numeros 24:9 Iomraidhean Croise

Genesis 12:3

Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Genesis 27:29

La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

Genesis 49:9

Judá, wola' p'ʌtan che' bajche' i yal bajlum. Calobil, tsa' ch'ojyiyet majlel che' bʌ tsa' ujti a jisan a chucbal. Tsa' lutsle a chijtan a we'el che' bajche' bajlum, che' bajche' i ña'al bajlum. ¿Majqui yom i lon ñijcan ch'ojyel?

1 Reyob 10:20

Che' ja'el ti jujump'ejl letsibʌl an cha'cojt i yejtal tac bajlum, lajchʌncojt ti pejtelel. Ti pejtelel pañimil ma'anic yambʌ i t'ojol jax bʌ buchlibʌl che' bajche' iliyi.

2 Cronicas 9:18

Chan c'ʌcʌl i buchlib. An wʌcquejp t'uchlibʌl cha'an mi' letsel ti buchtʌl. An i yajñib i c'ʌb ti jujunwejl. An i yejtal bajlum ti jujunwejl.

Ester 6:13

Amán tsi' sube Zeres i yijñam chuqui tsa' ujti. Tsa' caji i yʌlob i yijñam yic'ot i pi'ʌlob: Mux i t'uchtañet Mardoqueo. Mi judíojʌch jini Mardoqueo mach mʌjlic a cha'an. Wersa mi caj i mʌjlel i cha'an, che'ob.

Job 41:10

Ma'anic majqui mi' lon ña'tan i ñijcan. Jini tonto bʌ ja'el mi' bʌc'ñan. Mi che'ʌch i bʌc'ñʌntel, ¿mach ba anic c bʌc'ñʌntel ja'el? ¿Majqui mi' wa'tʌl tic tojlel?

Salmos 122:6

Melela oración cha'an mi' tilel i wenlel Jerusalén. La' i tajob i wenlel jini c'ux bʌ mi' yubiñob Jerusalén.

Salmos 2:12

Ts'ujts'unla i Yalobil lac Yum ame mich'ac, Ame jiliquetla ti la' bijlel Che' mi' bʌc' mich'an Dios. Tijicñayob pejtel mu' bʌ i sʌclañob i coltʌntel ti lac Yum.

Exodo 23:22

Mi uts'at mi la' jac'ben i t'an, cha'an mi la' mel che' bajche' tsi' subeyetla, mi caj j contrajin la' contrajob. Mi caj c tic'lan jini mu' bʌ i tic'lañetla.

Isaias 31:4

Lac Yum tsi' subeyon: Jini bajlum, che' mi' tsʌnsan tiñʌme, mi' cha'len t'an che' chucul i colojm ti' yej. Ma'anic mi' bʌc'ñan xcʌnta tiñʌme' anquese motocñayob ti' contra. Anquese cabʌl mi' cha'leñob oñel, ma'anic mi' cʌy i c'ux. Che'ʌch ja'el lac Yum. Mi caj i tilel ti guerra wʌ' ti Sion wits. Mach yujilic bʌq'uen i Yum Panchan yic'ot Pañimil. Che' bajche' joyocña mi' cha'len wejlel mut ti' chañelal i c'u', che' ja'el lac Yum mi caj i joyotan Jerusalén cha'an mi' coltan. Mi caj i yʌc' ti colel. Mi caj i cʌntan.

Miqueas 5:8

Ñuc mi caj i q'uejlel Israel ti' tojlel yan tac bʌ tejclumob che' bajche' bajlum ti' tojlel bʌte'el. Israel mi caj i c'uxob. Mi caj i t'uchtañob. Ma'anic i p'ʌtʌlel jini tejclum tac ti' tojlel Israel. Che'ʌch añob bajche' tiñʌme' ti' tojlel bajlum.

Numeros 22:12

Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Numeros 22:6

Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.

Numeros 23:24

Melel jini israelob mi caj i tejchelob che' bajche' i ña' bajlum mach bʌ anic mi' c'aj i yo jinto mi' c'ux i we'el, jinto mi' japben i ch'ich'el jini tsʌnsʌbil bʌ. Che' tsi' yʌlʌ Balaam.

Numeros 24:10

Cʌlʌx jax tsa' caji ti mich' Balac ti' contra Balaam. Tsa' caji i tuch'ilan i c'ʌb cha'an i mich'ajel. Tsa' caji ti a'leya: Tsac pʌyʌyet tilel cha'an ma' p'aj j contrajob, pero uxyajlix tsa' wʌq'ueyob i yutslel a t'an.

Mateo 25:40

Jini Rey mi caj i subeñob: “Isujm mic subeñetla, che' bʌ tsa' la' colta juntiquil quermano, anquese mach ñuquic, tsa' la' coltayon ja'el”, che'en.

Mateo 25:45

Che' jini, mi caj i subeñob: “Isujm mic subeñetla, che' bʌ ma'anic tsa' la' colta juntiquil c cha'an bʌ anquese mach ñuquic, ma'anic tsa' la' coltayon”, che'en.

Hechos 9:5

Saulo tsi' yʌlʌ: ¿Majquiyet c Yum? che'en. Tsi' sube: Joñoñʌch Jesús woli bʌ a tic'lan, che'en.

Deuteronomio 30:7

Che' jini lac Yum Dios mi caj i yʌq'ueñob pejtel ili wocol la' contrajob, tsa' bʌ i ts'a'leyetob, tsa' bʌ i yajñesayetob.