Numeros 24:6 - Chol: I T’an Dios

⁶ Che' lajal añob bajche' wen pamacña bʌ jamil, yic'ot bajche' jini pʌc'ʌbʌl am bʌ ti' ti' ja', lajalʌch bajche' xojocña bʌ te' i c'aba' áloes pʌc'bil bʌ i cha'an lac Yum, yic'ot ch'ujte' am bʌ ti' ti' ja'.

Chol de Tumbalá Bible

⁶ Che' lajal añob bajche' wen pamacña bʌ jamil, yic'ot bajche' jini pʌc'ʌbʌl am bʌ ti' ti' ja', lajalʌch bajche' xojocña bʌ te' i c'aba' áloes pʌc'bil bʌ i cha'an lac Yum, yic'ot ch'ujte' am bʌ ti' ti' ja'.

Jiñi Tsiji' bʌ Wen T'añ cha'añ Estudio

⁶ Lajalob che' bajche' pamacña bʌ pa' tac, che' bajche' pʌc'ʌbʌl tac am bʌ ti ti' ja', che' bajche' xojocña bʌ te' i c'aba' áloes pʌc'bil bʌ i cha'añ lac Yum, che' bajche' ch'ujte' am bʌ ti ti' ja' tac.

Numeros 24:6 Iomraidhean Croise

Genesis 13:10

Lot tsi' joy q'uele lum. Tsi' q'uele jini joctʌl i c'aba Jordán ba' tsa' ñumi colem ja' ya' ti' bijlel Zoar. Che'ʌch yilal bajche' i pʌc'ʌb lac Yum, che' bajche' jini lum ti Egipto, che' maxto anic tsi' jisa Sodoma yic'ot Gomorra jini lac Yum.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Salmos 104:16

Wen on i yetsel jini te' tsa' bʌ a wʌc'ʌ ti colel, c Yum, Che' bajche' jini ch'ujte' tsa' bʌ a pʌc'ʌ ti Líbano wits.

Salmos 45:8

An i yujts'il a pislel bajche' xojocña bʌ mirra yic'ot áloe yic'ot casia. Tijicña a pusic'al ya' ti colem otot melbil bʌ ti marfil ba' woli ti t'an música.

Cantares 6:11

Tsajñiyon ti pʌc'ʌbʌl ya' ti joctʌl cha'an mij q'uel bajche' yilal i te'el come i yorajlelix mi' cajel ti nich. Com j q'uel mi woli ti nich c ts'usubil yic'ot granada.

Isaias 41:19

Mi caj cʌc' ti colel jini ch'ujte' yic'ot jini acacia yic'ot jini olivote' ya' ti tiquiñal pañimil. Temel mi caj i colel yic'ot jini ciprés yic'ot jini taj.

Isaias 58:11

Ti pejtelel ora mi caj c toj'esañet majlel. Mi caj cʌq'ueñet i bʌl a ñʌc' ya' ba' tiquin pañimil. Mi caj c tsijibtesan a p'ʌtʌlel. Lajal mi caj a wajñel che' bajche' pʌc'ʌbʌl mulbil bʌ ti ja', che' bajche' i loq'uib ja' mach bʌ anic mi' tiquin.

Jeremias 17:18

Ac'ʌyob ti quisin jini woli bʌ i tic'lañoñob. Pero mach ma' wʌc'on ti quisin. La' toj sajticob i pusic'al, pero mach yomic mi' toj sajtel c pusic'al. La' i tajob jini ñuc bʌ wocol che' ti' q'uiñilel. Yom cha'yajl ma' jisañob.

Jeremias 31:12

Cha' talob ti' tijicñʌyel i pusic'al cha'an mi' cha'leñob c'ay ti' chañelal jini wits Sion. Tijicñayob i wut cha'an coltʌbilob ti lac Yum. Tsi' yʌq'ueyob ixim yic'ot i ya'lel ts'usub yic'ot tsiji' bʌ aceite yic'ot i yal alʌc'ʌl yic'ot i yal wacax. Ch'ejl mi caj i sujtelob che' bajche' tsijcʌbil bʌ pʌc'ʌbʌl. Cha' ch'ejlix i ch'ujlel cha'an jini cuxul bʌ ja' mu' bʌ cʌq'ueñob. Ma'anix mi caj i chʌn ubiñob ch'ijiyem bʌ i pusic'al.

Ezequiel 47:12

Ya' ti' ti' jini cuxul bʌ ja' mi' caj ti colel jini te' tac mu' bʌ i yʌc' i wut ti chajp ti chajp. Ma'anic mi caj i tiquin i yopol. Mi caj i chʌn ajñel i wut ti pejtelel ora. Ti jujump'ejl uw mi' caj ti c'ʌñ'an i wut, come mi' taj ja' ti jini ñoj ja' mu' bʌ i loq'uel ti Templo. Uts'at i wut cha'an i bʌl lac ñʌc'. Uts'at i yopol cha'an ts'ac.

Joel 3:18

Mi caj i chʌjq'uel jini tsaj bʌ i ya'lel ts'usub ti wits. Mi' caj ti oñ'an lech che' bajche' pa' ti bujtʌl. Jini tiquin bʌ pa' tac ya' ti Judá mi caj i cha' cuxtʌyel. Jini cuxul bʌ ja' mi caj i wʌjlel loq'uel ya' ti' Templo lac Yum cha'an mi' yʌch'esan jini joctʌl Sitim.

Numeros 24:5

Tijicña jax mi caj i yubiñob israelob. Uts'at añob ti pisil bʌ i yotot.