Numeros 24:4 - Chol: I T’an Dios

⁴ Jiñʌch mu' bʌ c tsictesan cha'an tsac ñich'tʌbe i t'an Dios. Jiñʌch tsa' bʌ i pʌsbeyon jini Mach bʌ Anic i P'isol i P'ʌtʌlel.

Chol de Tumbalá Bible

⁴ Jiñʌch mu' bʌ c tsictesan cha'an tsac ñich'tʌbe i t'an Dios. Jiñʌch tsa' bʌ i pʌsbeyon jini Mach bʌ Anic i P'isol i P'ʌtʌlel.

Jiñi Tsiji' bʌ Wen T'añ cha'añ Estudio

⁴ mi yʌl jiñi tsa' bʌ i ñʌch'tʌbe i t'añ Dios, jiñi tsa' bʌ pʌsbenti ti' tojlel jiñi Mach bʌ Añic i P'isol i P'ʌtʌlel; tsa' yajli, pero cañal i wut:

Numeros 24:4 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 15:12

Che' bʌ woli' bʌjlel q'uin, tsa' wen wʌyi Abram. Awilan, tsi' wen cha'le bʌq'uen. An ic'ch'ipan bʌ pañimil ba' wʌyʌl Abram.

1 Reyob 22:17

Jini x'alt'an Micaías tsi' jac'ʌ: Tsaj q'uele pejtelel jini israelob pam pujquemob ti wits che' bajche' tiñʌme' mach bʌ anic i yaj cʌntaya. Tsa cubi i t'an lac Yum: “Ma'añobix i yum ili winicob. La'ix cha' sujticob ti' yotot ti' ñʌch'tilel i pusic'al”, che'en lac Yum. Che' tsi' yʌlʌ Micaías.

Salmos 89:19

Tsa'ix a pejca jini x'alt'an a cha'an ti espíritu. Tsa' sube: Tsa'ix c yajca loq'uel ti' tojlel i pi'ʌlob juntiquil wen p'ʌtʌl bʌ cha'an mi' cha'len yumʌl.

Numeros 12:6

Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.

Numeros 22:20

Ti jim bʌ ac'ʌlel lac Yum tsi' sube Balaam: Mi tsa' tiliyob ili winicob cha'an mi' pʌyetob majlel, mi wersa a wom majlel, cucu a wic'otob, pero jini jach mi caj a sub jini mu' bʌ c subeñet, che'en lac Yum Dios.

Numeros 22:31

Lac Yum tsi' jambe i wut Balaam cha'an mi' q'uel i yángel lac Yum ya' bʌ wa'al ti bij. Bots'bil i cha'an i yespada, chucbil i cha'an ti' c'ʌb. Tsa' toj sajti i pusic'al Balaam. Tsi' pʌcchoco i bʌ ti lum.

Numeros 24:15

Tsi' subu t'an: Joñon Balaam i yalobilon Beor. Jiñʌch tsa' bʌ j q'uele che' bʌ tsi' jambeyon c wut Dios.

Numeros 24:5

Tijicña jax mi caj i yubiñob israelob. Uts'at añob ti pisil bʌ i yotot.

Hechos 10:10

Anix cabʌl i wi'ñal. Yomix i cha'len we'el. Che' woli to i chajpañob we'elʌl an chuqui tsi' q'uele Pedro ti espíritu.

Hechos 10:19

Che' woli to i ña'tan Pedro chuqui i sujmlel jini tsa' bʌ ujti i q'uel, jini Espíritu tsi' sube: Awilan, uxtiquil winicob woli' sajcañetob.

Hechos 22:17

Che' bʌ tsa' cha' tiliyon ti Jerusalén, woliyon ti oración ti Templo. An chuqui tsa' caji j q'uel ti espíritu.

Apocalipsis 1:10

Tsa' bujt'i c pusic'al ti' yEspíritu Dios ti jini q'uin che' mi lac ch'ujutesan lac Yum. Tsa cubi c'am bʌ t'an tic pat che' bajche' trompeta.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.

1 Samuel 19:24

Tsi' jocho i pislel. Tsi' cha'le alt'an ti' tojlel Samuel. Pits'il tsa' ajni jump'ejl q'uin yic'ot jump'ejl ac'ʌlel. Jini cha'an tsa' caji i yʌlob jini winicob: ¿Jim ba i pi'ʌl x'alt'añob jini Saúl? che'ob.