Numeros 24:24 - Chol: I T’an Dios

²⁴ Cabʌl barco mi caj i loq'uel tilel ti Quitim. Mi caj i jisañob jini Asiria yic'ot jini Heber. Tsa' ujti ti t'an Balaam.

Chol de Tumbalá Bible

²⁴ Cabʌl barco mi caj i loq'uel tilel ti Quitim. Mi caj i jisañob jini Asiria yic'ot jini Heber. Tsa' ujti ti t'an Balaam.

Jiñi Tsiji' bʌ Wen T'añ cha'añ Estudio

²⁴ Ca'bʌl barco mi caj i loq'uel tilel ti ti' mar am bʌ ti Quitim, mi caj i tic'lañob jiñi año' bʌ ti Asiria yic'ot mi caj i tic'lañob i p'olbal Heber, che' ja'el mi caj i jilelob ti pejtelel ora.”

Numeros 24:24 Iomraidhean Croise

Genesis 10:4

Jiñobʌch ch'iton bʌ i yalobilob Javán: Elisa, Tarsis, Quitim, Dodanim.

Genesis 14:13

Juntiquil tsa' bʌ puts'i tsa' tili i suben Abram chuqui tsa' ujti. Hebreojʌch Abram. Ya'ʌch chumul ba' cabʌl c'olol te' i cha'an Mamre. Amorreojʌch Mamre. I yijts'iñʌch Escol yic'ot Aner. Ti yuxticlel tsi' coltayob Abram.

Isaias 10:12

Pero lac Yum woli' c'ʌn Asiria cha'an mi' mel i ye'tel ya' ti Sion wits yic'ot ti Jerusalén. Ti jim bʌ ora che' ujtemix i ye'tel mi caj i yʌq'ueñob castigo jini asiriajob, come chan mi' melob i bʌ. Mi' bajñel sub i ñuclel jini rey.

Isaias 10:5

Jini Asiria i wentajʌch asiyal tij c'ʌb cha'an mic jats' Judá tic mich'ajel. I wentajʌch barate' tij c'ʌb. Tsa'ix c choco majlel ti contra Judá ti' caj i mul cha'an tsi' cʌyʌ i Dios. Tsa'ix c sube asiriajob cha'an mi' yʌc'ob ti to'ol e'tel yic'ot wocol. Mi caj i chilbeñob i chubʌ'an. Mi caj i juch'tec'ob che' bajche' oc'ol ti bij.

Isaias 23:1

Jiñʌch i t'an Dios ti' contra Tiro. Obol jax i bʌ jini barco tac loq'uemo' bʌ ti Tarsis, come jisʌbilix Tiro yic'ot pejtel i yotot. Ma'anix i yajñib barco tac ya' ba' i tilel mi' c'otelob. Isujm jini t'an tsa' bʌ pam subentiyob ti Cipro.

Ezequiel 27:6

Tsi' c'ʌñʌyob c'olol te' am bʌ ti Basán cha'an mi' melob remo tac. I bojte'lel a wotot tsi' meleyob ti fino bʌ te' tilem bʌ ti' ti' ja' ya' ti Quitim.

Daniel 10:20

Jini tsi' subeyon: ¿A wujil ba chucoch tsa' tiliyon ba' añet? Wʌ' añon cha'an mic subeñet chuqui mi' caj ti ujtel ti wi'il bʌ ora. Isujm che' bajche' ts'ijbubil ti' juñilel Dios. Mi caj c majlel ti ora. Mi caj j contrajin jini yumʌl ti Persia woli bʌ i mʌctañon tic bijlel. Ti wi'il mi caj j contrajin jini yumʌl ti Grecia. C bajñel jach mi caj j contrajiñob. Cojach jini ángel Miguel mi caj i coltañon.

Daniel 11:30

Come talob soldadojob ti barco tac ch'oyol bʌ ti Roma cha'an mi' contrajiñob. Jini rey cha'an Siria mi caj i bʌc'ñañob. Mi caj i cha' sujtel ti' lumal. Mich' mi caj i ñumel ti Jerusalén. I cha'yajlel mi caj i xujch'iben loq'uel i chubʌ'an jini ch'ujul bʌ tejclum. Mi caj i bib'esan jini Ch'ujul bʌ Ajñibʌl. Mi caj i tic' jini mu' bʌ i yʌq'ueñob pulbil bʌ i majtan lac Yum ti jujump'ejl q'uin. Mi caj i ch'ujutesan dioste' tac ya' ti Templo. Mi caj i yʌq'uen i ye'tel jini judíojob mach bʌ anic mi' ñopob Dios, winicob tsa' bʌ i cʌyʌyob i ñop i Dios i tatob.

Daniel 11:45

Che' jini mi caj i wa'chocon i buchlib ti' yʌxñʌlel pisil bʌ otot ya' ti ojlil bij ti' tojel colem ñajb, yic'ot ti' tojel jini ch'ujul bʌ wits Jerusalén. Ti jim bʌ ora mi caj i jilel. Ma'anic majch mi mejlel i coltan.

Daniel 2:35

Ti ora jach tsa' laj jili jini tsucu taq'uin yic'ot jini oc'ol, yic'ot jini oro, yic'ot plata, yic'ot bronce. Jopol tsa' cʌle che' bajche' ts'ubejn ti' yorajlel jajmel, che' bajche' i pat trigo ti' yorajlel c'ajbal. Tsi' laj wets'e majlel jini ic'. Ma'anic tsi' cʌyʌ mi ts'ita'ic. Pero jini Xajlel yilol jach bʌ tsa' c'ojli tsa' sujti ti colem wits tsa' bʌ i wen mʌcta majlel pejtel pañimil.

Daniel 2:45

Jiñʌch i sujmlel jini Xajlel yilol jach bʌ tsa' c'ojli ti wits, jini Xajlel tsa' bʌ i sutq'ui ti ts'ubejn pejtel jini tsucu taq'uin, jini bronce, jini oc'ol, jini plata, yic'ot jini oro. Jini p'ʌtʌl bʌ Dios tsa'ix i pʌsbeyet chuqui mi' caj ti ujtel. Isujm chuqui tsa' ñajle. Mi caj i yujtel che' bajche' tsac subeyet, che'en Daniel.

Daniel 8:21

Jini tat chivo jiñʌch yumʌl ti Grecia. Jini tam bʌ i xulub am bʌ ti' yojlil i wut jiñʌch ñaxan bʌ rey ti Grecia.

Numeros 24:20

Balaam tsi' q'uele ja'el Amalec. Tsa' caji i sub: Jiñʌch tsa' bʌ lac ñaxan taja ti lac bijlel, pero mi caj i jisʌntel ti jini tal to bʌ q'uin, che'en. Tsi' q'uele ja'el ceneo. Tsa' caji i sub ja'el: Wen p'ʌtʌletla ya' ba' chumuletla. Wa'chocobil la' wotot ti xajlel.

Numeros 24:23

Balaam tsi' yʌlʌ yambʌ t'an: Wen bʌbʌq'uen jax, ¿majqui mi caj i cʌytʌl che' mi' mel Dios iliyi? Ma'anic majqui.

Mateo 24:15

Mi caj la' q'uel wa'alix ti ch'ujul bʌ ajñibʌl jini c'ax bibi' jax bʌ mu' bʌ i jisan cabʌl chuqui tac an, jini tsa' bʌ ajli cha'an jini x'alt'an Daniel. (Jini mu' bʌ i q'uel jini jun, la' i ch'ʌmben isujm.)

Lucas 20:24

Pʌsbeñon jini taq'uin. ¿Majqui i cha'an i yejtal yic'ot i ts'ijbal ti' pam? che'en. Tsi' jac'beyob: I cha'an César, che'ob.

Juan 11:48

Mi ma'anic mi lac tic', mi caj i ñopob pejtelel winicob x'ixicob. Mi caj i tilelob romanojob, mi caj i chilob la que'tel yic'ot lac lumal, che'ob.