Numeros 24:17 - Chol: I T’an Dios

¹⁷ Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

Chol de Tumbalá Bible

¹⁷ Wolij q'uel, pero maxto poj wʌleyic. Wolij q'uel, anquese jalto i yorajlel. Mi caj i loq'uel Ec' ti' tojlel Jacob. Mi caj i cha'len i yumʌntel ti' tojlel israelob. Mi caj i jisan winicob ti Moab, yic'ot pejtelel i yalobilob Set.

Jiñi Tsiji' bʌ Wen T'añ cha'añ Estudio

¹⁷ Wolij q'uel, pero maxto wʌleyic; Wolic wen q'uel, pero maxto lʌc'ʌlic añ: Mi caj i loq'uel Ec' ti' tojlel Jacob, mi caj i loq'uel yumʌl ti Israel, mi caj i lowben i jol wiñicob ti Moab, yic'ot mi caj i jisan pejtelel i yalobilob Set.

Numeros 24:17 Iomraidhean Croise

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

2 Samuel 8:14

Tsi' wa'choco xcʌntayajob ya' ti Edom ti' joytʌlel jini tejclum tac. Che' jini tsa' ochiyob jini edomob ti' winic David. Lac Yum tsi' wen colta David baqui jach tsa' ñumi.

2 Samuel 8:2

Tsi' jisa Moab. Tsi' subeyob ñoltʌl ti lum. Che' tsololob, tsi' p'isiyob ti lazo. Ti' cha'p'islel tsa' tsʌnsʌntiyob. Jump'is tsa' coli. Ma'anic tsa' tsʌnsʌntiyob, pero tsa' ochiyob ti' winic David. Tsa' caji i yʌc'ob i tojoñel ti jujump'ejl jab.

2 Reyob 3:5

Che' bʌ tsa' chʌmi Acab, jini rey ti Moab tsa' caji i chañ'esan i bʌ ti' tojlel israelob. Mach chʌn yomix i yʌc' i tojoñel.

1 Cronicas 18:2

Che' ja'el tsa' ochiyob ti' wenta David jini año' bʌ ti Moab. Pejtelel jini moabob tsa' caji i cha'leñob tojoñel ti' tojlel David.

Salmos 110:2

Lac Yum tsi' buchchocoyet ti a yumʌntel ya' ti Sion. Cha'len yumʌl ti' tojlel a contrajob.

Salmos 45:6

C Yum, an a yumʌntel ti pejtelel ora. Jini a baston i yejtalʌch a yumʌntel. Toj ma' cha'len meloñel.

Isaias 15:1

Jiñʌch t'an tsa' bʌ i subu Dios ti' contra Moab: Ti jump'ejl jach ac'ʌlel mi caj i jisʌntel jini tejclum tac i c'aba' Ar yic'ot Quir am bʌ ti Moab. Laj jisʌbilix la' lumal yic'ot la' p'ʌtʌlel.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 48:1

Jiñʌch i t'an i Yum Panchan yic'ot Pañimil, i Dios Israel, ti' contra Moab: Obol i bʌ Nebo, jejmenix i yotot tac. Woliyob ti quisin Quiriataim yic'ot Misgab. Tsa'ix jili i p'ʌtʌlel.

Jeremias 48:45

Mi' puts'elob majlel ti Hesbón, pero ma'anic i coltʌntel come tsa'ix tejchi c'ajc ti Hesbón. Wolix ti pulel i yotot rey yic'ot jini templo tac ti Sihon i tejclum rey. Mi caj i pam ñumel jini c'ajc ti Moab. Mi caj i laj jisʌntelob i winicob tsa' bʌ i chañ'esayob i bʌ.

Zacarias 10:4

Mi caj i loq'uel ti Judá jini ñuc bʌ Xajlel am bʌ ti' xujc otot. Jiñʌch lac pijtaya jini Jalʌjb chajpʌbil bʌ cha'an guerra. Jiñʌch Yumʌl mu' bʌ caj i cha'len i yumʌntel ti pejtelel pañimil.

Zacarias 12:10

Che' jini mi caj cʌq'ueñob quEspíritu jini año' bʌ ti Jerusalén cha'an mi' cʌñob i yutslel c pusic'al yic'ot cha'an mi' c'ajtibeñoñob i coltʌntel. Mi caj i q'uelob jini jec'bil bʌ i cha'añob. Mi caj i yuc'tañob che' bajche' winicob mi' yuc'tañob jini yʌx alʌl c'uxbibil bʌ i cha'añob, che' bajche' mi' yuc'tañob jini ascuñʌl bʌ i yalobil.

Numeros 21:29

¡P'ump'un jax Moab! Jisʌbilob jini año' bʌ ti Quemos. Tsa'ix puts'iyob i yalobilob. Tsa'ix xujch'ibentiyob majlel xch'oc bʌ i yalobilob cha'an majtan e'tel ti' tojlel Sehón i rey amorreojob. Che'ʌch tsi' yʌlʌyob jini tsa' bʌ mʌjliyob i cha'an.

Numeros 24:16

Tsac ñich'tʌbe i t'an Dios, tsaj q'uele chuqui tsi' pʌsbeyon Jini Mach bʌ Anic i P'isol i P'ʌtʌlel.

Lucas 1:78

Come cabʌl tsi' p'untayonla lac Dios. Mi caj i chocbeñonla tilel i sʌclel pañimil ch'oyol bʌ ti chan.

Hebreos 1:8

Pero che' bʌ tsi' pejca i Yalobil tsi' yʌlʌ: “Buchulet Dios ti a yumʌntel, ti pejtelel ora. Ti a yumʌntel mi caj a mel chuqui toj.

Hebreos 7:14

Come ña'tʌbil lac cha'an tsa' tili lac Yum ti' p'olbal Judá, pero Moisés ma'anic tsi' yʌlʌ mi tal motomaj ti' p'olbal Judá.

2 Pedro 1:19

Jini cha'an ñumen xuc'ulonla cha'an ti' t'an x'alt'añob, come woli ti ts'ʌctiyel ti' tojel lac wut. Yom mi la' wen p'is ti wenta i t'an, come lajalʌch i c'ʌjñibal bajche' lámpara mu' bʌ i pʌsbeñonla i sʌclel ti ac'ʌlel jinto mi' sʌc'an pañimil, jinto mi' tsictiyel Cristo che' bajche' Ñoj Ec' ti la' pusic'al.

Judas 1:11

Mi caj i tajob wocol cha'an tsi' cha'leyob tsʌnsa che' bajche' Caín. Tsi' junyajlel ac'ʌyob i bʌ ti' sajtemal Balaam cha'an yomob ganar. Tsa' jiliyob che' bajche' Coré cha'an tsi' contrajiyob Dios.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 22:16

Joñon Jesús. Tsa'ix c choco tilel cángel cha'an mi' subeñet ti toj chuqui tac yom ma' cha' subeñob xñopt'añob baqui jach mi' tempañob i bʌ. Loq'uemon ti David, i p'olbalon David. Joñon jini ec'on wen tsiquil bʌ che' yomix sʌc'an pañimil, che'en.

1 Samuel 14:38

Jini cha'an Saúl tsi' yʌlʌ: La'la pejtelel ñuc tac bʌ la' we'tel ila ti tejclum cha'an mi lac wen q'uel majqui an i mul ti lac tojlel.