Numeros 24:1 - Chol: I T’an Dios

¹ Wen ña'tʌbilix i cha'an Balaam mux caj i yʌq'ueñob i yutslel i t'an israelob jini lac Yum. Jini cha'an ma'anix tsa' majli i taj lac Yum che' bajche' ti ñaxan yic'ot che' ti' cha'yajlel cha'an mi' yubin chuqui mi' yʌl lac Yum Dios, pero toj jach tsa' majli i ñajti q'uel jini ya' bʌ añob ti' tiquiñal pañimil.

Chol de Tumbalá Bible

¹ Wen ña'tʌbilix i cha'an Balaam mux caj i yʌq'ueñob i yutslel i t'an israelob jini lac Yum. Jini cha'an ma'anix tsa' majli i taj lac Yum che' bajche' ti ñaxan yic'ot che' ti' cha'yajlel cha'an mi' yubin chuqui mi' yʌl lac Yum Dios, pero toj jach tsa' majli i ñajti q'uel jini ya' bʌ añob ti' tiquiñal pañimil.

Jiñi Tsiji' bʌ Wen T'añ cha'añ Estudio

¹ Che' bʌ tsi' q'uele Balaam cha'añ lac Yum uts'atʌch tsi' q'uele cha'añ mi yʌq'uentel i yutslel i t'añ israelob, ma'añix tsa' majli i mel che' bajche' mi' melob xwujtob che' bajche' ti ñaxan yic'ot ti' cha'yajlel, pero tojach tsi' q'uele majlel ya' ti' tiquiñal lum.

Numeros 24:1 Iomraidhean Croise

Numeros 22:13

Che' bʌ tsa'ix ch'ojyi Balaam che' ti wen sʌc'ajel, tsi' subeyob i yaj e'telob Balac: Cha' cucuxla ti sujtel ti la' lumal, come lac Yum mach yomic i chocon majlel, che'en.

Numeros 22:7

Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob.

Numeros 23:15

Che' jini Balaam tsi' sube Balac: Wa'i to ti' tojel ili pulʌntib ba' wola' wʌc' majtañʌl, come mu' to c majlel cubin chuqui mi' yʌl lac Yum, che'en.

Numeros 23:20

Awilan tsi' yʌq'ueyon tic wenta cha'an mi cʌq'ueñob i yutslel c t'an jini israelob. Come lac Yum tsa'ix i yʌq'ueyon i yutslel i t'an. Mach mejlic j q'uextan.

Numeros 23:23

Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Numeros 23:28

Jini cha'an Balac tsi' pʌyʌ majlel Balaam ti' pam chan bʌ wits i c'aba' Peor, am bʌ ti' tojel jini colem bʌ i tiquiñal pañimil.

Numeros 23:3

Balaam tsa' caji i suben: Wa'i to ti' t'ejl jini majtañʌl woli bʌ a wʌq'uen lac Yum jinto mic cha' tilel, come an ba' mic majlel. Tic'ʌl mux i tilel i tajon lac Yum. Che' jini mic cha' tsictesʌbeñet chuqui mi' subeñon, che'en. Tsa' majli Balaam.

Numeros 23:30

Jini cha'an Balac tsi' mele che' bajche' tsi' sube Balaam. Tsi' yʌc'ʌ juncojt alʌ tat wacax yic'ot juncojt tat tiñʌme' ti jujump'ejl pulʌntib.

Numeros 31:16

Ña'tanla i mul Balaam. Tsi' xiq'ui jini x'ixicob cha'an mi' pʌyob israelob ti mulil cha'an mi' ñusʌbeñob i t'an lac Yum. Balaam tsi' soco jini israelob cha'an mi' ch'ujutesañob Baalpeor. Jini cha'an lac Yum tsi' tsʌnsa cabʌl israelob.

Apocalipsis 2:14

Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

1 Samuel 24:20

Cujil mi caj a wochel ti yumʌl. Pejtelel israelob mi caj i tajob i wenlel ti a yumʌntel.

1 Samuel 26:2

Che' jini Saúl tsa' jubi majlel ya' ti' tiquiñal pañimil i c'aba' Zif. Tsi' pʌyʌ majlel uxp'ejl mil winicob yajcʌbilo' bʌ ti Israel cha'an mi' sʌclañob David ya' ti' tiquiñal pañimil.

1 Samuel 26:25

Saúl tsi' sube: Tijicñayet, calobil David. Come ti isujm mi caj a cha'len ñuc bʌ a melbal. Mi caj i mʌjlel a cha'an, che'en. Che' jini David tsa' majli ti' bijlel. Saúl tsa' sujti ti' yotot.