Numeros 23:9 - Chol: I T’an Dios

⁹ Come ya' ti' pam jini chan bʌ xajlel tsac ñajti q'ueleyob. Wʌ' ti chan bʌ wits wen tsiquilob. Ili winicob i bajñel chumulob. Ma'anic mi' xʌbob i bʌ yic'ot yan tac bʌ winicob.

Chol de Tumbalá Bible

⁹ Come ya' ti' pam jini chan bʌ xajlel tsac ñajti q'ueleyob. Wʌ' ti chan bʌ wits wen tsiquilob. Ili winicob i bajñel chumulob. Ma'anic mi' xʌbob i bʌ yic'ot yan tac bʌ winicob.

Jiñi Tsiji' bʌ Wen T'añ cha'añ Estudio

⁹ Come ya' ti' pam jiñi chañ tac bʌ xajlel mi' mejlel j q'uelob, ya' ti chañ tac bʌ wits mi' mejlel j q'uelob; jiñʌch jump'ejl tejclum chumul bʌ ti' bajñelil, yic'ot ma'añic mi' xʌbob i bʌ yic'ot yam bʌ tejclum tac.

Numeros 23:9 Iomraidhean Croise

Esdras 9:2

Come jini winicob israelo' bʌ tsa'ix i pʌyʌyob xch'oc bʌ i yalobilob jini yambʌ tejclumob cha'an i yijñam. Jini ch'ujul bʌ i tejclum Dios tsa'ix xʌjbi yic'ot yambʌ tejclum tac. Jini yumʌlob tsi' pʌsbeyob maya i pi'ʌlob. Ñaxañob ti jini ñuc bʌ mulil.

Ester 3:8

Amán tsa' caji' suben jini rey Asuero: An winicob x'ixicob pam pujquemo' bʌ ti jujump'ejl colem tejclum ti a yumʌntel. Yambʌyʌch i ley, mach lajalic bajche' lac ley. Ma'anic mi' jac'beñob i ley jini rey. Jini cha'an mach yomic mi lac chʌn cuchbeñob i mul jini winicob x'ixicob.

Exodo 33:16

Mi ma'anic tsa' majliyet quic'ot lojon, ¿bajche' mi caj i ña'tañob yaño' bʌ mi tsa' pʌsbeyon lojon i yutslel a pusic'al? Mi tsa' majliyon lojon a wic'ot, che' jini tsiquil mach lajalonic lojon che' bajche' yambʌ winicob x'ixicob ti pañimil, che'en.

Jeremias 46:28

Mach a cha'len bʌq'uen, c winic, Jacob, che'en lac Yum. Añon quic'otet. Mi caj c lu' jisan yambʌ winicob, pero mach jatetic. Jini jach mi caj c jultesʌbeñet a pusic'al. Ma'anic mi caj c to'ol ñusan a mul, che'en lac Yum.

Jeremias 49:31

Cucula ti' contra Hazor, jiñʌch jump'ejl tejclum wen tijicña bʌ mach bʌ anic mi' cʌntan i bʌ, che'en lac Yum. Ma'anic i ti' tac ts'ajc, ma'anic i c'ʌclib i ti' otot. Ma'anic i pi'ʌlob ti chumtʌl mu' bʌ caj i coltañob.

Amos 9:9

Come joñon woli cʌc' mandar. Mi caj c chijcan israelob ya' ti' tojlel colem bʌ tejclum tac che' bajche' mi la' chijcan trigo. Pero ma'anic mi caj i yajlel mi jump'ejlic i bʌc'.

Miqueas 7:14

La' c Yum. Cʌntan jini winicob x'ixicob a cha'año' bʌ, come jiñobʌch a wʌlac'. Yom tijicña mi' yajñelob ti potrero tac ya' ti Basán yic'ot ti Galaad che' bajche' ti yambʌ ora.

2 Corintios 6:17

“Jini cha'an loq'uenla ti' tojlel mach bʌ anic mi' ñopob. Tʌts'ʌ la' bʌ ba' añob”, che'en lac Yum. “Mach mi la' ñochtan chuqui tac bibi'. Mi caj c pʌyetla tilel ba' añon.

Deuteronomio 32:8

Dios tsi' t'oxbeyob i lum pejtelel tejclum tac, Tsi' pucuyob pejtelel winicob x'ixicob, Tsi' yʌq'ueyob i cayajonlel tac ba' jaxʌl i lum i yalobilob Israel,

Deuteronomio 33:28

Jini cha'an wen xuc'ul mi' yajñelob jini israelob ba' ma'anic i tic'lʌntel. Cabʌl jax i yixim yic'ot i ya'lel i ts'usub, ba' mulmulña jini ja'al mu' bʌ i choc tilel i Yum.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.