Numeros 23:7 - Chol: I T’an Dios

⁷ Tsa' caji ti t'an Balaam: C'ʌlʌl ti Aram tsi' choco majlel winicob Balac cha'an mi' pʌyon tilel. Jiñʌch rey ti Moab, chumul bʌ ti wits ti' tojel i pasibal q'uin. Tsi' subeyon: Yom ma' tilel cha'an ma' p'aj i p'olbalob Jacob cha'an ma' p'aj jini israelob, che'en.

Chol de Tumbalá Bible

⁷ Tsa' caji ti t'an Balaam: C'ʌlʌl ti Aram tsi' choco majlel winicob Balac cha'an mi' pʌyon tilel. Jiñʌch rey ti Moab, chumul bʌ ti wits ti' tojel i pasibal q'uin. Tsi' subeyon: Yom ma' tilel cha'an ma' p'aj i p'olbalob Jacob cha'an ma' p'aj jini israelob, che'en.

Jiñi Tsiji' bʌ Wen T'añ cha'añ Estudio

⁷ Jiñi cha'añ Balaam tsa' caji ti alt'añ: “Ti Aram tsi' pʌyʌyon tilel Balac, rey bʌ ti Moab, c'ʌlʌl ya' ti wits ti' tojel i pasibal q'uiñ. ¡La', cha'añ ma' ch'ʌc Jacob; la', cha'añ ma' wʌq'uen wocol israelob!

Numeros 23:7 Iomraidhean Croise

Genesis 28:2

Chajpan a bʌ. Yom ma' majlel ya' ti Padanaram, ya' ti' yotot Betuel, i tat a ña'. C'ajtin a wijñam ya'i ba'an i yalobilob Labán a wichan.

Genesis 28:7

Che' bʌ tsi' q'uele Esaú majlemix Jacob ti Padanaram cha'an ts'a' tsi' q'uele i yalobilob Canaán,

2 Samuel 23:9

yic'ot ja'el Eleazar (i yalobil Dodo, i buts Ahohi). Jiñʌch i pi'ʌl jini uxtiquil ch'ejl bʌ i winicob David. Che' bʌ tsa' puts'iyob jini israelob, David yic'ot ili uxtiquilob tsi' bajñel contrajiyob jini filisteojob.

Job 27:1

Tsa' cha' caji ti t'an Job: Añonla ti' tojlel Dios tsa'ix bʌ i contrajiyon. Wolic pejcañetla ti' tojlel jini P'ʌtʌl Bʌ tsa'ix bʌ i yʌq'ueyon ch'aj bʌ.

Job 29:1

Tsa' cha' caji ti t'an Job: Uts'atax tsi' cʌntayon Dios ti yambʌ ora. Uts'at muq'uic i cha' cʌntañon. Wen tijicñayon

Salmos 49:5

¿Chucoch mic cha'len bʌq'uen che' ti' yorajlel wocol Che' joyolon ti xjontolilob woli bʌ i contrajiñon?

Salmos 78:2

Mi caj c subeñetla t'an ti lajiya. Mi caj c tsictesʌbeñetla i sujmlel.

Proverbios 26:2

Jini xpuruwoc yic'ot x'ajlum che' jach mi' wejlel ñumel che' ma'anic mi' taj i t'uchlib. Che' ja'el i t'an xp'ajoñel ñumel jach mi' majlel. Ma'anic chuqui mi' tumbeñonla che' ma'anic lac mul.

Ezequiel 20:49

Che' jini tsa cʌlʌ: ¡C Yum Dios! Jini winicob mi caj i yʌlob lajiya jach jini mu' bʌ c sub, cho'on tsac sube.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Habacuc 2:6

Tal i yorajlel che' mi caj i wajlentel Babilonia cha'an pejtel jini tejclum tac chuculo' bʌ i cha'an. Mi caj i yʌlob: “Obol a bʌ come xujch'et. Wolix a q'uextʌbentel a jontolil. Ts'ʌcʌl mi caj a toj pejtelel a jontolil”, che'ob.

Numeros 22:11

“Awilan jini winicob loq'uemo' bʌ ti Egipto woli' wen mʌctañob lum. Awocolic la' tiq'uiyob. Tic'ʌl mi che' jini mi mejlel cajñesan lojon loq'uel”, che'ob. Che' tsi' yʌlʌ Balaam.

Numeros 22:17

Tsa'ix i yʌc'ʌ i t'an. Muq'uic a majlel, muq'uix i wen p'iset ti wenta. Chuqui jach ma' c'ajtiben mi caj i yʌq'ueñet. Jini cha'an jac'beñon lojon. Conla ti ora cha'an ma' p'ajbeñon lojon jini israelob, che'ob jini xpʌyojelob, come che'ʌch tsi' wʌn subeyob jini Balac.

Numeros 23:18

Che' jini Balaam tsa' caji ti t'an: Tejchen ti ora, Balac, i yalobilet bʌ Zipor cha'an ma' ñich'tʌbeñon c t'an.

Numeros 23:6

Balaam tsa' cha' majli ba'an Balac, ba' añob jini ñuc taco' bʌ i ye'tel ti Moab. Wa'alob ti' t'ejl pulʌntib ba' tsi' puluyob majtañʌl.

Numeros 24:15

Tsi' subu t'an: Joñon Balaam i yalobilon Beor. Jiñʌch tsa' bʌ j q'uele che' bʌ tsi' jambeyon c wut Dios.

Numeros 24:23

Balaam tsi' yʌlʌ yambʌ t'an: Wen bʌbʌq'uen jax, ¿majqui mi caj i cʌytʌl che' mi' mel Dios iliyi? Ma'anic majqui.

Numeros 24:3

Joñon Balaam i yalobilon Beor woliyon ti t'an, come Dios tsi' jambeyon c wut.

Mateo 13:33

Tsi' subeyob yambʌ t'an ti lajiya: I yumʌntel jini am bʌ ti panchan lajalʌch bajche' levadura. Tsi' ch'ʌmʌ juntiquil x'ixic. Tsi' yotsa ti uxp'is harina jinto tsi' xaxa ti pejtelel, che'en.

Mateo 13:35

cha'an mi' ts'ʌctiyel i t'an jini x'alt'an tsa' bʌ i yʌlʌ: “Mi caj c cha'len t'an ti lajiya tac. Mi caj c sub jini maxto bʌ anic tsa' tsictiyi c'ʌlʌl ti' cajibal pañimil”, che'en.

Marcos 12:12

Jini ñuc bʌ motomajob yic'ot sts'ijbayajob tsi' ña'tayob bajche' mi mejlel i chucob Jesús, come yujilob tsi' cha'le t'an ti lajiya ti' contrajob. Pero tsi' bʌc'ñayob winicob x'ixicob. Jini cha'an tsi' cʌyʌyob Jesús. Tsa' majliyob.

Deuteronomio 23:4

Come ma'anic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto. Tsi' yʌq'ueyob i majtan jini Balaam (i yalobil Beor am bʌ ti Petor ti Mesopotamia) cha'an mi' p'ajetla.

1 Samuel 17:10

Quila to la mi ch'ejletla. Yom mi la' chocbeñon tilel juntiquil cha'an mi' contrajiñon ti leto. Che' tsi' yʌlʌ Goliat.

1 Samuel 17:36

Tsa'ix c tsʌnsa bajlum tac yic'ot bʌte'el tac. Lajal mi caj c tsʌnsan jini winic filisteo mach bʌ anic mi' ñop Dios. Come tsa'ix i lon bʌc'tesa jini soldadojob i cha'an jini cuxul bʌ Dios.

1 Samuel 17:45

David tsi' jac'be jini filisteo: Talet tij contra yic'ot espada, yic'ot lanza, yic'ot puñal. Pero talon ti a contra yic'ot i p'ʌtʌlel i Yum Panchan yic'ot Pañimil. Jiñʌch i Dios Israel woli bʌ a lon ts'a'len.