Numeros 23:23 - Chol: I T’an Dios

²³ Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Chol de Tumbalá Bible

²³ Ma'anic xwujtob mu' bʌ mejlel i contrajiñob Jacob. Ma'anic jini payxo x'alt'añob mu' bʌ mejlel i p'ajob. Mux caj i tsictiyel, Dios mi' contrajin xjontolilob ti ñuc bʌ i p'ʌtʌlel.

Jiñi Tsiji' bʌ Wen T'añ cha'añ Estudio

²³ Come ma'añic xch'ʌcojelob mu' bʌ mejlel i contrajin Jacob, mi jiñic mu' bʌ i to'ol ña'tʌbeñob isujmlel pañimil mi' mejlel i contrajin Israel. Che' bajche' wʌle, mi caj i yʌjlel ti' tojlel Jacob jiñi Israel: ¡Chuqui tsi' mele Dios!

Numeros 23:23 Iomraidhean Croise

Genesis 3:15

Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Salmos 31:19

Wen ñuc i yutslel a pusic'al mu' bʌ caj a pʌsben jini mu' bʌ i bʌc'ñañet. Chajpʌbilet cha'an ma' pʌsben a wutslel jini mu' bʌ i ñopet ti' tojlel i pi'ʌlob.

Salmos 64:9

Pejtelel winicob mi' cajelob ti bʌq'uen. Mi caj i subob i melbal Dios. Mi caj i ña'tañob wen an i ña'tʌbal Dios ti pejtelel i melbal.

Isaias 41:4

¿Majqui i ye'tel jini? Que'telʌch. Joñon tsac cha'le yumʌl ti' tojlel tejclumob c'ʌlʌl ti' cajibal pañimil. Joñoñʌch jini ñaxan bʌ yic'ot wi'ilix bʌ. Joñon Dioson, che'en.

Isaias 44:25

Joñon mi cʌc'ob ti asiyel jini payxo x'alt'añob. Mic mʌctʌbeñob i t'an. Mic socbeñob i ña'tʌbal jini lon yujilo' bʌ. Mi cʌc' ti sʌc jilel i ña'tʌbal. Tontojob mi' majlelob.

Ezequiel 21:21

Come poj jumuc' mi caj i wa'tʌl ti xʌc' bij jini rey ti Babilonia. Ma'anic mi' ña'tan mi yom majlel i contrajin Jerusalén o mi yom majlel i contrajin Rabá. Mi caj i pʌy tilel jini yujil bʌ wujt cha'an mi' cha'len yajcaya ti alas. Mi caj i tsʌnsʌben i majtan dioste' tac cha'an mi' q'uelben i yolmal.

Daniel 9:15

C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

Miqueas 7:15

Lac Yum tsi' jac'ʌ: Mi caj c cha' pʌsbeñetla ñuc tac bʌ c melbal che' bajche' tsac pʌsbeyob la' tatob che' bʌ tsac loc'sayob ti majtan e'tel ya' ti Egipto.

Numeros 24:1

Wen ña'tʌbilix i cha'an Balaam mux caj i yʌq'ueñob i yutslel i t'an israelob jini lac Yum. Jini cha'an ma'anix tsa' majli i taj lac Yum che' bajche' ti ñaxan yic'ot che' ti' cha'yajlel cha'an mi' yubin chuqui mi' yʌl lac Yum Dios, pero toj jach tsa' majli i ñajti q'uel jini ya' bʌ añob ti' tiquiñal pañimil.

Mateo 12:25

Yujil Jesús chuqui woli' yʌlob ti' pusic'al. Tsi' subeyob: Mi tsi' t'oxoyob i bʌ ti leto i winicob juntiquil yumʌl, mi caj i jisʌbeñob i yumʌntel. Ma'anic mi' caj ti jalijel jump'ejl tejclum mi otot ba' mi' t'oxob i bʌ ti leto.

Mateo 12:27

Mi wolic choc loq'uel xiba ti' p'ʌtʌlel Beelzebú, ¿baqui mi' tajob i p'ʌtʌlel la' walobilob cha'an mi' chocob loq'uel? Jini cha'an la' walobilob mi caj i tsictesañob la' mul.

Mateo 16:18

Mic subeñet Pedrojet. Ti' pam jini xajlel mi caj c wa'chocon xñopt'añob c cha'an. Jini mu' bʌ i yʌc'ob ti chʌmel mach mejlic i jisañob.

Juan 11:47

Jini cha'an tsi' tempayob i bʌ ñuc bʌ motomajob yic'ot fariseojob. Tsi' yʌlʌyob: ¿Chuqui yom mi lac mel? che'ob. Come cabʌl mi' pʌs i yejtal i p'ʌtʌlel jini winic.

Hechos 10:38

Dios tsi' yajca Jesús, jini loq'uem bʌ ti Nazaret. Tsi' yʌq'ue Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' cha'le uts'at bʌ i ye'tel. Tsi' lajmesa pejtelel jini tic'lʌbilo' bʌ cha'an xiba, come an Dios yic'ot.

Hechos 15:12

Ñʌch'ʌl tsa' cʌleyob ti pejtelelob. Tsi' yubibeyob i t'an Bernabé yic'ot Pablo che' bʌ tsi' subeyob chuqui tac ñuc tsi' mele Dios ti' c'ʌb come tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ ti' tojlel gentilob.

Hechos 4:16

Tsi' yʌlʌyob: ¿Chuqui mi caj lac tumben jini winicob? Come cʌmbil i cha'an pejtel chumulo' bʌ ti Jerusalén, tsi' pʌsʌyob ñuc bʌ i yejtal i p'ʌtʌlel ti isujm. Mach mejlic la cʌl mach isujmic.

Hechos 5:12

Jini apóstolob tsi' meleyob cabʌl ñuc tac bʌ i melbal. Tsi' pʌsʌyob i yejtal i p'ʌtʌlel ti' tojlel winicob x'ixicob. Ti pejtelelob ya' añob ti jump'ejl i pusic'al ti' corredor Salomón.

Hechos 5:14

Cabʌl tsa' p'ojliyob jini tsa' bʌ i ñopoyob lac Yum, winicob yic'ot x'ixicob.

Romanos 16:20

Jini Dios mu' bʌ i yʌq'ueñonla i ñʌch'tilel lac pusic'al mach jalix mi caj i yʌq'ueñetla la' t'uchtan Satanás. La' ajnic la' wic'ot i yutslel i pusic'al lac Yum Jesús.

Josue 13:22

Jini israelob tsi' tsʌnsayob ja'el Balaam jini yujil bʌ wujt, i yalobil Beor. Tsi' tsʌnsayob yaño' bʌ ja'el.

Apocalipsis 12:9

Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.