Numeros 23:22 - Chol: I T’an Dios

²² Dios tsi' pʌyʌyob loq'uel ti Egipto. Jini cha'an p'ʌtʌlob che' bajche' bajlum.

Chol de Tumbalá Bible

²² Dios tsi' pʌyʌyob loq'uel ti Egipto. Jini cha'an p'ʌtʌlob che' bajche' bajlum.

Jiñi Tsiji' bʌ Wen T'añ cha'añ Estudio

²² Dios tsi' pʌyʌyob loq'uel ti Egipto, come p'ʌtʌl che' bajche' xmate'el wacax.

Numeros 23:22 Iomraidhean Croise

Salmos 22:21

Coltañon loq'uel ti' yej bajlum, Ti' xulub jontol bʌ tat wacax.

Salmos 68:35

Bʌbʌq'uen jax Dios mu' bʌ i tsictesan i bʌ ti ch'ujul bʌ i yajñib. I Dios Israel, jiñʌch mu' bʌ i yʌq'uen winicob x'ixicob i p'ʌtʌlel yic'ot i wersa. La' ch'ujutesʌntic Dios.

Salmos 92:10

Tsa'ix a wʌq'ueyon c p'ʌtʌlel cha'an mi mʌjlel c cha'an. Mulbilonix yubil ti tsiji' bʌ aceite.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 14:18

Jini egiptojob mi caj i ña'tañob Yumʌlon che' mi' tsictiyel c ñuclel ti' tojlel Faraón ti' tojlel jini c'ʌchʌlo' bʌ ti carreta tac yic'ot ti caballo.

Isaias 34:7

Junlajal mi caj i jilelob i yʌlac' yic'ot i yumob, jini p'ʌtʌlo' bʌ yic'ot ch'itoñob to bʌ yic'ot xñoxob. Mi caj i laj ts'ʌjmel ti ch'ich'. Jini ts'ubejn mi caj i xʌc' i bʌ ti lew.

Numeros 22:5

Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum.

Numeros 24:8

Dios tsi' pʌyʌyob loq'uel ti Egipto. Añob i p'ʌtʌlel che' bajche' jontol bʌ bajlum mu' bʌ i c'ux jini bʌte'el. Mi caj i jisañob i contrajob. Mi caj i juch'beñob i bʌquel. Mi caj i julob ti jalʌjb.

Deuteronomio 33:17

Lajalʌch i p'ʌtʌlel bajche' alʌ wacax, i yʌx al bʌ Yic'ot i xulub jini mate' wacax. Mi caj i c'ʌn i p'ʌtʌlel cha'an mi' low jini tejclumob c'ʌlʌl ti' jilibal pañimil. Che' yilalob jini bajc'ʌlelob año' bʌ ti Efraín. Che'ʌch yilalob ti mil ti mil jini año' bʌ ti Manasés.

Josue 2:10

come tsa'ix cubi lojon chuqui tsi' melbeyetla la' Yum. Tsi' tsʌc'mesa jini colem ja', i c'aba' Chʌchʌc Bʌ, che' bʌ tsa' loq'uiyetla ti Egipto. Tsa'ix cubi lojon chuqui tsa' la' tumbe jini cha'tiquil rey, Sehón yic'ot Og, ya' ti junwejl Jordán. Tsa' la' jisa jini amorreojob.